Joqarǵı Keńes Baslıǵı Moynaq rayonında kámbaǵallıqtı qısqartıw hám xalıqtıń bántligin támiyinlew baǵdarında ámelge asırılıp atırǵan jumıslardı tereń talqıladı
1204
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Moynaq rayonında kámbaǵallıqtı qısqartıw hám xalıqtıń bántligin támiyinlew baǵdarında ámelge asırılıp atırǵan jumıslar haqqındaǵı áhmiyetli máseleler boyınsha májilis ótkerdi.
Onda tiyisli ministrlik, komitet, basqarma basshıları hám rayonlıq mákeme, shólkem baslıqları, rayon belsendileri qatnastı.
Ótken jılı Moynaq rayonın, sociallıq-ekonomikalıq jaqtan rawajlandırıw, xalıqtıń jasaw jaǵdayın jaqsılaw boyınsha májilis ótkerilip, bir qansha tapsırmalar, sonıń ishinde, taraw hám sektor basshılarına anıq wazıypalar belgilep berilgen edi.
Búgingi kúnde 2022-jılı ótkerilgen májiliste belgilep berilgen 15 tapsırmadan 14 tapsırma orınlanǵan.
Usı tapsırmalar qatarında rayondaǵı “Moynaq LDSP” kárxanasınıń iske tusiriliwi nátiyjesinde 230 turaqlı jańa jumıs orınları, hám rayon turǵınların qamıs jıynaw jumıslarına tartıw arqalı 1500 den artıq puqaralardıń máwsimlik bántligi támiyinleniwi belgilep berilip, házirgi waqıtta joybar iske túsirildi.
Ótkerilgen májiliste búgingi kúnde rayonda ayırım mámleketlik baǵdarlamalarda belgilengen wazıypalardıń orınlanıwı jeterli dárejede shólkemlestirilmey atırǵanlıǵı, sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregi menen támiyinlew hám kámbaǵallıqtan shıǵarıw máselelerinde bir qatar kemshiliklerge jol qoyılǵanlıǵı sınǵa alındı.
2022-jılda Moynaq rayonında “Shańaraqlıq isbilermenlikti rawajlandırıw” baǵdarlaması tiykarında ajırıtılıwı rejelestirilgen jeńilletilgen kredittiń ózlestiriliwi, hákim járdemshileri tárepinen jámi 12 puqaralar jıyınınan 9 puqaralar jıyınında jeńilletilgen kreditlerdiń tolıq ózlestiriliwi támiyinlenbegen.
Sonday-aq, “Shańaraqlıq isbilermenlikti rawajlandırıw” baǵdarlaması tiykarında ajıratılǵan kreditlerden mashqalalı qarızdarlıq júzege kelgen. Rayonda ótken jılı jańadan shólkemlestiriw belgilengen 11 kishi biznes subektiniń ashılıwı támiyinlenbegen. Bunnan tısqarı, jańa ónimlerdi eksportqa shıǵarıw boyınsha jumıslar qanaatlandırarsız dárejede alıp barılǵan. Sektor basshıları, rayonlıq qarjı hám ǵaznashılıq bólimleri, hákim járdemshileri, kommerciyalıq bank filialları basshıları tárepinen xalıqqa paydası tiyetuǵın kishi joybarlardı qısqa múddette iske túsiriw belgilengen edi. Biraq, úyreniwler dawamında ayırım joybarlardıń usı kúnge shekem iske túsirilmegenligi anıqlanǵan.
Ótkerilgen májiliste usı sıyaqlı bir qatar kemshilikler sınǵa alındı hám óz jumıslarına nemquraydılıq penen qaraǵanlıǵı ushın Úshsay awıl puqaralar jıyını, Qızıljar awıl puqaralar jıyını hám Qazaqdárya awıl puqaralar jıyını hákim járdemshilerine intizamıy jaza sharası qollanıldı.
Májilis dawamında rayondı sociallıq-ekonomikalıq jaqtan rawajlandırıw, jańa jumıs orınların jaratıw, xalıqtıń turmıs abadanlıǵın támiyinlew baǵdarında ámelge asırılıwı tiyis wazıypalar belgilep alınıp, juwapkerlerge anıq tapsırmalar berildi.
Onda tiyisli ministrlik, komitet, basqarma basshıları hám rayonlıq mákeme, shólkem baslıqları, rayon belsendileri qatnastı.
Ótken jılı Moynaq rayonın, sociallıq-ekonomikalıq jaqtan rawajlandırıw, xalıqtıń jasaw jaǵdayın jaqsılaw boyınsha májilis ótkerilip, bir qansha tapsırmalar, sonıń ishinde, taraw hám sektor basshılarına anıq wazıypalar belgilep berilgen edi.
Búgingi kúnde 2022-jılı ótkerilgen májiliste belgilep berilgen 15 tapsırmadan 14 tapsırma orınlanǵan.
Usı tapsırmalar qatarında rayondaǵı “Moynaq LDSP” kárxanasınıń iske tusiriliwi nátiyjesinde 230 turaqlı jańa jumıs orınları, hám rayon turǵınların qamıs jıynaw jumıslarına tartıw arqalı 1500 den artıq puqaralardıń máwsimlik bántligi támiyinleniwi belgilep berilip, házirgi waqıtta joybar iske túsirildi.
Ótkerilgen májiliste búgingi kúnde rayonda ayırım mámleketlik baǵdarlamalarda belgilengen wazıypalardıń orınlanıwı jeterli dárejede shólkemlestirilmey atırǵanlıǵı, sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregi menen támiyinlew hám kámbaǵallıqtan shıǵarıw máselelerinde bir qatar kemshiliklerge jol qoyılǵanlıǵı sınǵa alındı.
2022-jılda Moynaq rayonında “Shańaraqlıq isbilermenlikti rawajlandırıw” baǵdarlaması tiykarında ajırıtılıwı rejelestirilgen jeńilletilgen kredittiń ózlestiriliwi, hákim járdemshileri tárepinen jámi 12 puqaralar jıyınınan 9 puqaralar jıyınında jeńilletilgen kreditlerdiń tolıq ózlestiriliwi támiyinlenbegen.
Sonday-aq, “Shańaraqlıq isbilermenlikti rawajlandırıw” baǵdarlaması tiykarında ajıratılǵan kreditlerden mashqalalı qarızdarlıq júzege kelgen. Rayonda ótken jılı jańadan shólkemlestiriw belgilengen 11 kishi biznes subektiniń ashılıwı támiyinlenbegen. Bunnan tısqarı, jańa ónimlerdi eksportqa shıǵarıw boyınsha jumıslar qanaatlandırarsız dárejede alıp barılǵan. Sektor basshıları, rayonlıq qarjı hám ǵaznashılıq bólimleri, hákim járdemshileri, kommerciyalıq bank filialları basshıları tárepinen xalıqqa paydası tiyetuǵın kishi joybarlardı qısqa múddette iske túsiriw belgilengen edi. Biraq, úyreniwler dawamında ayırım joybarlardıń usı kúnge shekem iske túsirilmegenligi anıqlanǵan.
Ótkerilgen májiliste usı sıyaqlı bir qatar kemshilikler sınǵa alındı hám óz jumıslarına nemquraydılıq penen qaraǵanlıǵı ushın Úshsay awıl puqaralar jıyını, Qızıljar awıl puqaralar jıyını hám Qazaqdárya awıl puqaralar jıyını hákim járdemshilerine intizamıy jaza sharası qollanıldı.
Májilis dawamında rayondı sociallıq-ekonomikalıq jaqtan rawajlandırıw, jańa jumıs orınların jaratıw, xalıqtıń turmıs abadanlıǵın támiyinlew baǵdarında ámelge asırılıwı tiyis wazıypalar belgilep alınıp, juwapkerlerge anıq tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti