Moynaq rayonında “MUYNAK LDSP” kárxanasınıń ashılıw máresimi bolıp ótti
2096
Sonǵı jılları elimizde Húrmetli Prezidentimizdiń baslaması menen isbilermenlikti rawajlandırıw, olardı hár tárepleme qollap-quwatlaw baǵdarında keń kólemli jumıslar ámelge asırılıp kelinbekte.
Usı tiykarda Moynaq rayonı “Bozataw” awıl puqaralar jıyını aymaǵınan 50 gektar jer maydanı ajıratılıp, “MUYNAK LDSP” JShJ tárepinen jıllıq quwatlılıǵı 50 mıń metr kub bolǵan jámi bahası 81 mlrd 208 mln. sumlıq “Qamıstan DSP hám LDSP islep shıǵarıw” joybarı ámelge asırıldı.
Búgin “MUYNAK LDSP” kárxanasınıń ashılıw máresimi bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám jıynalǵanlardı jańa kárxananıń iske túsiwi múnásibeti menen qutlıqladı.
Aytıp ótiw orınlı, “Ózsanaatqurılısbank” tárepinen 5 mln 402 mıń dollar kredit qarjıları ajıratılǵan joybar tiykarında 230 turaqlı, 1500 den artıq máwsimlik jumıs orınları jaratılıwı rejelestirilgen.
Búgingi kúnde kárxanada rayon puqaralarınan 70 adam jumıs penen támiyinlenip, óz jumısın basladı. Sonday-aq, tolıq quwatlılıqta jumıs baslanǵannan keyin bar bolǵan 160 vakant bos jumıs orınları hám máwsimlik jumıs orınlarında jergilikli puqaralar jumıs islew imkaniyatı jaratılıp atır.
Aytıp ótiw orınlı, “Ózsanaatqurılısbank” tárepinen 5 mln 402 mıń dollar kredit qarjıları ajıratılǵan joybar tiykarında 230 turaqlı, 1500 den artıq máwsimlik jumıs orınları jaratılıwı rejelestirilgen.
Búgingi kúnde kárxanada rayon puqaralarınan 70 adam jumıs penen támiyinlenip, óz jumısın basladı. Sonday-aq, tolıq quwatlılıqta jumıs baslanǵannan keyin bar bolǵan 160 vakant bos jumıs orınları hám máwsimlik jumıs orınlarında jergilikli puqaralar jumıs islew imkaniyatı jaratılıp atır.
Qaraqalpaqstan Respublikası Joqarǵı Keńesiniń Málimleme xızmeti