Joqarǵı Keńes Baslıǵı basshılıǵında Nókis qalasın rawajlandırıw baǵdarındaǵı wazıypalar belgilep alındı
1614
Qaraqalpaqstan Respublikası Joqarǵı Keńesiniń Baslıǵı Amanbay Orınbaev orınlarda bolıp, aymaqlardı sociallıq-ekonomikalıq jaqtan rawajlandırıw, kámbaǵallıqtı qısqartıw hám xalıqtıń bántligin támiyinlew baǵdarında ámelge asırılıp atırǵan jumıslar boyınsha májilis ótkerip atır.
Usı baǵdarda gezektegi májilis Nókis qalasında bolıp ótti.
Onda tiyisli ministrlik, komitet, basqarma basshıları hám qalalıq mákeme, shólkem baslıqları, qala belsendiler qatnastı.
Ótken jılı Nókis qalasında ótkerilgen ushırasıwda puqaralardı qıynap kiyatırǵan mashqalalarǵa sheshim tabıw, tarawlarda jol qoyılıp atırǵan kemshiliklerdi saplastırıw baǵdarında anıq wazıypalar belgilep berilgen edi. Sonıń ishinde, Nókis qalasın sociallıq-ekonomikalıq jaqtan rawajlandırıw máseleleri qarap shıǵılıp, taraw hám sektor basshılarına anıq tapsırmalar júkletildi.
Búgingi kúnde Nókis qalasında 2022-jılı ótkerilgen májiliste belgilep berilgen 29 tapsırmanıń 20 tapsırması orınlanǵan. Sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregine iye bolıwın jolǵa qoyıw hám kámbaǵallıqtan shıǵarıw máselelerinde bir qatar kemshiliklerge jol qoyılǵan. Hákim járdemshileri tárepinen jámi 64 puqaralar jıyınınan 26 puqaralar jıyınında jeńilletilgen kreditlerdiń tolıq ózlestiriliwi támiyinlenbegen.
Sonday-aq, “Shańaraqlıq isbilermenlikti rawajlandırıw” baǵdarlaması tiykarında ajıratılǵan kreditlerden mashqalalı qarızdarlıqlar artqan. Bunnan tısqarı, húrmetli Prezidentimizdiń 2022-jıl fevral ayında Qaraqalpaqstanǵa bolǵan saparı dawamında tastıyıqlanǵan protokolına muwapıq kishi biznes subektleri sanın 2 esege arttırıw belgilengen. Biraq, Nókis qalasında ótken jılı jańadan shólkemlestiriw belgilengen 63 kishi biznes subekttiń ashılıwı támiyinlenbegen.
Tiyisli basshılarǵa belgilep berilgen xalıqqa paydası tiyetuǵın kishi joybarlardı qısqa múddette iske túsiriw jumıslarında esabatlarǵa qosıp jazıwlarǵa jol qoyılǵan.
Húrmetli Prezidentimizdiń 2022-jıl 25-iyuldegi PQ-331-sanlı qararına tiykar máhállelerde sanaat, ónermentshilik, hám sharwashılıq jónelisindegi isbilermenlerdi qollap-quwatlaw hám olarǵa sharayatlar jaratıw, jumıs orınların jolǵa qoyıw, puqaralardıń dáramatın asırıw maqsetinde Qaraqalpaqstan Respublikasında 2022-2024 jıllar aralıǵında jámi 52 máhállede mikro oraylar shólkemlestiriliwi belgilengen. Sonnan, Nókis qalasında usı jılda bir máhállede iske túsiriliwi názerde tutılǵan mikro oray shólkemlestiriw ushın usı kúnge shekem bos turǵan imarat yamasa bos jer ornı belgilep alınbaǵan.
Joqarǵı Keńes Baslıǵı usı sıyaqlı bir qatar qáte-kemshiliklerdi sınǵa aldı hám óz wazıypalarına nemquraydılıq penen qaraǵan, jumıslarında artta qalıwshılıqqa jol qoyǵan Sarbinaz MPJ, Eli abat MPJ, Doslıq guzarı MPJ, Doslıq MPJ hám Gulzar MPJlardıń hákim járdemshilerine intizamıy jaza sharası qollanıldı.
Sonıń menen birge, májiliste Joqarǵı Keńes Baslıǵı tárepinen Nókis qalasın rawajlandırıwdıń baslı jónelisleri belgilep berilip, anıq wazıypalar tapsırıldı.
Sonday-aq, bıyılǵı jılda Nókis qalasında “Shańaraqlıq isbilermenlikti rawajlandırıw” baǵdarlaması tiykarında jámi 130,6 mlrd.swmlıq jeńilletilgen kredit qarjıları ajıratılıwı, jańa jumıs orınlarınıń jolǵa qoyılıwı, jańadan kishi biznes subektlerin shólkemlestiriw, investiciya qarjıların tartıw belgilengenligi atap ótildi.
Májilis juwmaǵında Nókis qalasında rawajlandırıw boyınsha aldaǵı wazıypalar belgilep alınıp, juwapkerlerge anıq tapsırmalar berildi.
Onda tiyisli ministrlik, komitet, basqarma basshıları hám qalalıq mákeme, shólkem baslıqları, qala belsendiler qatnastı.
Ótken jılı Nókis qalasında ótkerilgen ushırasıwda puqaralardı qıynap kiyatırǵan mashqalalarǵa sheshim tabıw, tarawlarda jol qoyılıp atırǵan kemshiliklerdi saplastırıw baǵdarında anıq wazıypalar belgilep berilgen edi. Sonıń ishinde, Nókis qalasın sociallıq-ekonomikalıq jaqtan rawajlandırıw máseleleri qarap shıǵılıp, taraw hám sektor basshılarına anıq tapsırmalar júkletildi.
Búgingi kúnde Nókis qalasında 2022-jılı ótkerilgen májiliste belgilep berilgen 29 tapsırmanıń 20 tapsırması orınlanǵan. Sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregine iye bolıwın jolǵa qoyıw hám kámbaǵallıqtan shıǵarıw máselelerinde bir qatar kemshiliklerge jol qoyılǵan. Hákim járdemshileri tárepinen jámi 64 puqaralar jıyınınan 26 puqaralar jıyınında jeńilletilgen kreditlerdiń tolıq ózlestiriliwi támiyinlenbegen.
Sonday-aq, “Shańaraqlıq isbilermenlikti rawajlandırıw” baǵdarlaması tiykarında ajıratılǵan kreditlerden mashqalalı qarızdarlıqlar artqan. Bunnan tısqarı, húrmetli Prezidentimizdiń 2022-jıl fevral ayında Qaraqalpaqstanǵa bolǵan saparı dawamında tastıyıqlanǵan protokolına muwapıq kishi biznes subektleri sanın 2 esege arttırıw belgilengen. Biraq, Nókis qalasında ótken jılı jańadan shólkemlestiriw belgilengen 63 kishi biznes subekttiń ashılıwı támiyinlenbegen.
Tiyisli basshılarǵa belgilep berilgen xalıqqa paydası tiyetuǵın kishi joybarlardı qısqa múddette iske túsiriw jumıslarında esabatlarǵa qosıp jazıwlarǵa jol qoyılǵan.
Húrmetli Prezidentimizdiń 2022-jıl 25-iyuldegi PQ-331-sanlı qararına tiykar máhállelerde sanaat, ónermentshilik, hám sharwashılıq jónelisindegi isbilermenlerdi qollap-quwatlaw hám olarǵa sharayatlar jaratıw, jumıs orınların jolǵa qoyıw, puqaralardıń dáramatın asırıw maqsetinde Qaraqalpaqstan Respublikasında 2022-2024 jıllar aralıǵında jámi 52 máhállede mikro oraylar shólkemlestiriliwi belgilengen. Sonnan, Nókis qalasında usı jılda bir máhállede iske túsiriliwi názerde tutılǵan mikro oray shólkemlestiriw ushın usı kúnge shekem bos turǵan imarat yamasa bos jer ornı belgilep alınbaǵan.
Joqarǵı Keńes Baslıǵı usı sıyaqlı bir qatar qáte-kemshiliklerdi sınǵa aldı hám óz wazıypalarına nemquraydılıq penen qaraǵan, jumıslarında artta qalıwshılıqqa jol qoyǵan Sarbinaz MPJ, Eli abat MPJ, Doslıq guzarı MPJ, Doslıq MPJ hám Gulzar MPJlardıń hákim járdemshilerine intizamıy jaza sharası qollanıldı.
Sonıń menen birge, májiliste Joqarǵı Keńes Baslıǵı tárepinen Nókis qalasın rawajlandırıwdıń baslı jónelisleri belgilep berilip, anıq wazıypalar tapsırıldı.
Sonday-aq, bıyılǵı jılda Nókis qalasında “Shańaraqlıq isbilermenlikti rawajlandırıw” baǵdarlaması tiykarında jámi 130,6 mlrd.swmlıq jeńilletilgen kredit qarjıları ajıratılıwı, jańa jumıs orınlarınıń jolǵa qoyılıwı, jańadan kishi biznes subektlerin shólkemlestiriw, investiciya qarjıların tartıw belgilengenligi atap ótildi.
Májilis juwmaǵında Nókis qalasında rawajlandırıw boyınsha aldaǵı wazıypalar belgilep alınıp, juwapkerlerge anıq tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti