Joqarǵı Keńes Baslıǵı tárepinen Taxtakópir rayonın rawajlandırıw basqıshların belgilep alıw boyınsha májilis ótkerildi
1121
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taxtakópir rayonında kámbaǵallıqtı qısqartıw hám xalıqtıń bántligin támiyinlew, rayondı sociallıq-ekonomikalıq jaqtan rawajlandırıw baǵdarında ámelge asırılıp atırǵan jumıslar boyınsha májilis ótkerdi.
Onda tiyisli ministrlik, mákeme,shólkem basshıları, sektor hám rayonlık mákeme baslıqları qatnastı.
Májiliste 2022-jılı ótkerilgen ushırasıwda berilgen tapsırmalardıń orınlanıwı, mámleketlik baǵdarlamalar sheńberindegi jumıslar, belgilep berilgen wazıypalar, puqaralardı qıynap kiyatırǵan mashqalalarǵa sheshim tabıw hám tarawlarda jol qoyılıp atırǵan kemshiliklerdi saplastırıw boyınsha sóz etildi.
Aytıp ótiw orınlı, Taxtakópir rayonında 2022-jılı ótkerilgen májiliste belgilep berilgen 22 tapsırmanıń 18 tapsırması orınlanǵan bolıp, sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregin jolǵa qoyıw hám kámbaǵallıqtan shıǵarıw máselelerinde bir qatar kemshiliklerge jol qoyılǵan. Sonnan, 2022-jılda “Shańaraqlıq isbilermenlikti rawajlandırıw” baǵdarlaması tiykarında ajıratılıwı rejelestirilgen jeńilletilgen kredit qarjıları talap dárejesinde óz iyelerine jetkerilmegen. Hákim járdemshileri tárepinen jámi 17 puqaralar jıyınınan 9 puqaralar jıyınında jeńilletilgen kreditlerdiń tolıq ózlestiriliwi támiyinlenbegen.
Húrmetli Prezidentimizdiń 2022-jıl fevral ayında Qaraqalpaqstanǵa saparı dawamında tastıyıqlanǵan protokolına muwapıq kishi biznes subektleri sanın 2 esege asırıw belgilengenligine qaramay, rayonda ótken jılı jańadan shólkemlestiriliwi belgilengen 6 kishi biznes subekttiń ashılıwı támiyinlenbegen. 2022-jılda ashılǵan 122 kishi biznes subektlerinen 10 subekt háreketsiz turǵan bolsa, 13 subekt óz iskerligin toqtatqan.
Májiliste usı sıyaqlı bir qatar máseleler haqqında sóz etilip, artta qalıp atırǵan jónelisler sınǵa alındı.
Ótkerilgen májilis dawamında óz jumısların atqarıwda bir qatar qáte-kemshiliklerge jol qoyǵanlıǵı hám wazıypasına nemquraydılıq penen qaraǵanlıǵı ushın máhállebay islesiw hám isbilermenlikti rawajlandırıw orayı baslıǵına intizamıy jaza sharası qollanıldı.
Taxtakópir rayonında 2022-jılda 1,4 mln. dollarlıq ónimler eksportı támiyinlenbegen hám belgilengen reje talap dárejesinde orınlanbaǵan. Ótken jılda 6 joybar perspektivasız dep tabılıp, belgilengen investiciya baǵdarlamasınan shıǵarılǵan. Sonday-aq, 2023-jıl aymaqlıq investiciya baǵdarlaması tiykarında joybarlardıń mánzilli dizimi islep shıǵılǵanda, rayondaǵı imkaniyatlardan hám qosımsha qorlardan tolıq paydalanılmaǵanlıǵı sebepli 2-sektorda tek ǵana 4 joybar kirgizilgenligi atap ótildi.
Bolıp ótken májilis dawamında tarawlardaǵı jol qoyılǵan kemshiliklerdi saplastırıw hám jańa basqıshqa alıp shıǵıw boyınsha tapsırmalar berilip, anıq wazıypalar belgilendi.
Májiliste 2022-jılı ótkerilgen ushırasıwda berilgen tapsırmalardıń orınlanıwı, mámleketlik baǵdarlamalar sheńberindegi jumıslar, belgilep berilgen wazıypalar, puqaralardı qıynap kiyatırǵan mashqalalarǵa sheshim tabıw hám tarawlarda jol qoyılıp atırǵan kemshiliklerdi saplastırıw boyınsha sóz etildi.
Aytıp ótiw orınlı, Taxtakópir rayonında 2022-jılı ótkerilgen májiliste belgilep berilgen 22 tapsırmanıń 18 tapsırması orınlanǵan bolıp, sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregin jolǵa qoyıw hám kámbaǵallıqtan shıǵarıw máselelerinde bir qatar kemshiliklerge jol qoyılǵan. Sonnan, 2022-jılda “Shańaraqlıq isbilermenlikti rawajlandırıw” baǵdarlaması tiykarında ajıratılıwı rejelestirilgen jeńilletilgen kredit qarjıları talap dárejesinde óz iyelerine jetkerilmegen. Hákim járdemshileri tárepinen jámi 17 puqaralar jıyınınan 9 puqaralar jıyınında jeńilletilgen kreditlerdiń tolıq ózlestiriliwi támiyinlenbegen.
Húrmetli Prezidentimizdiń 2022-jıl fevral ayında Qaraqalpaqstanǵa saparı dawamında tastıyıqlanǵan protokolına muwapıq kishi biznes subektleri sanın 2 esege asırıw belgilengenligine qaramay, rayonda ótken jılı jańadan shólkemlestiriliwi belgilengen 6 kishi biznes subekttiń ashılıwı támiyinlenbegen. 2022-jılda ashılǵan 122 kishi biznes subektlerinen 10 subekt háreketsiz turǵan bolsa, 13 subekt óz iskerligin toqtatqan.
Májiliste usı sıyaqlı bir qatar máseleler haqqında sóz etilip, artta qalıp atırǵan jónelisler sınǵa alındı.
Ótkerilgen májilis dawamında óz jumısların atqarıwda bir qatar qáte-kemshiliklerge jol qoyǵanlıǵı hám wazıypasına nemquraydılıq penen qaraǵanlıǵı ushın máhállebay islesiw hám isbilermenlikti rawajlandırıw orayı baslıǵına intizamıy jaza sharası qollanıldı.
Taxtakópir rayonında 2022-jılda 1,4 mln. dollarlıq ónimler eksportı támiyinlenbegen hám belgilengen reje talap dárejesinde orınlanbaǵan. Ótken jılda 6 joybar perspektivasız dep tabılıp, belgilengen investiciya baǵdarlamasınan shıǵarılǵan. Sonday-aq, 2023-jıl aymaqlıq investiciya baǵdarlaması tiykarında joybarlardıń mánzilli dizimi islep shıǵılǵanda, rayondaǵı imkaniyatlardan hám qosımsha qorlardan tolıq paydalanılmaǵanlıǵı sebepli 2-sektorda tek ǵana 4 joybar kirgizilgenligi atap ótildi.
Bolıp ótken májilis dawamında tarawlardaǵı jol qoyılǵan kemshiliklerdi saplastırıw hám jańa basqıshqa alıp shıǵıw boyınsha tapsırmalar berilip, anıq wazıypalar belgilendi.
Qaraqalpaqstan Respublikası Joqarǵı Keńesiniń Málimleme xızmeti