Kegeyli rayonın rawajlandırıw baǵdarında Joqarǵı Keńes Baslıǵı tárepinen wazıypalar belgilep berildi
1517
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Kegeyli rayonın rawajlandırıw, kámbaǵallıqtı qısqartıw hám sociallıq-ekonomikalıq kórsetkishlerdi jaqsılaw boyınsha májilis ótkerdi.
Onda xalıqtıń bántligin támiyinlew, puqaralardı qıynap kiyatırǵan mashqalalarǵa sheshim tabıw, tarawlarda jol qoyılıp atırǵan kemshiliklerdi saplastırıw, jańa isbilermenlik subektlerin shólkemlestiriw arqalı jumıs orınların jaratıw baǵdarındaǵı bir qatar áhmiyetli máseleler qarap shıǵıldı.
Aytıp ótiw orınlı, Kegeyli rayonında búgingi kúnde 2022-jılı ótkerilgen ushırasıwda belgilep berilgen 29 tapsırmanıń 26 tapsırması orınlanǵan bolıp, sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregine iye bolıwın jolǵa qoyıw, kámbaǵallıqtan shıǵarıw, jeńilletilgen kredit qarjıların ajıratıw baǵdarında bir qatar qáte-kemshiliklerge jol qoyılǵan.
“Qumshúngil”, “Iyshan qala”, “Nurlı bostan”, “Jılwan jap” puqaralar jıyınlarında jeńilletilgen kreditlerdiń tolıq ózlestiriliwi támiyinlenbegen. Húrmetli Prezidentimizdiń 2022-jıl fevral ayında Qaraqalpaqstanǵa bolǵan saparı dawamında tastıyıqlanǵan protokolǵa muwapıq kishi biznes subektleri sanın 2 esege arttırıw belgilengen. Biraq, rayonda ótken jılı jańadan shólkemlestiriliwi belgilengen 76 kishi biznes subekttiń jumısı jolǵa qoyılmaǵan. 2022-jılda ashılǵan 157 kishi biznes subektlerinen 11 subekt háreketsiz turǵan bolsa, 5 subekt óz iskerligin toqtatqan.
“Aqtuba”, “Jańabazar”, “Júzimbaǵ”, “Iyshan qala” puqaralar jıyınları hákim járdemshileri tárepinen iske túspegen joybarlardı esabatlarında qosıp jazıwlarǵa jol qoyılǵan.
Húrmetli Prezidentimizdiń 2022-jıl 25-iyuldegi PQ-331-sanlı qararına tiykar máhállelerde sanaat, ónermentshilik hám sharwashılıq jónelisindegi isbilermenlerdi qollap-quwatlaw hám olarǵa sharayatlar jaratıw, jumıs orınların jolǵa qoyıw, puqaralardıń dáramatın asırıw maqsetinde Qaraqalpaqstan Respublikasında 2022-2024 jıllar aralıǵında jámi 52 máhállelerde mikro oraylar shólkemlestiriw belgilengen. Sonnan, Kegeyli rayonında usı jıldıń 1-mart sánesine shekem “Qumshúngúl” máhállesinde shólkemlestiriliwi belgilep alınǵan mikro oray ushın rayon hákimligi balansındaǵı bos turǵan eski imarattıń xanaları aukcion sawdalarına shıǵarılmaǵan, jıl juwmaǵına shekem bir máhállede iske túsiriliwi názerde tutılǵan mikro oray ushın usı kúnge shekem bos turǵan imarat yamasa bos jer ornı belgilep alınbaǵan.
Májiliste óz jumısların atqarıwda bir qatar qáte-kemshiliklerge jol qoyǵanlıǵı hám wazıypasına nemquraydılıq penen qaraǵanlıǵı ushın Kegeyli rayonı hákiminiń finans-ekonomika xám kambaǵallıqtı qısqartıw boyınsha birinshi orınbasarına intizamıy jaza sharası qollanıldı.
Onda xalıqtıń bántligin támiyinlew, puqaralardı qıynap kiyatırǵan mashqalalarǵa sheshim tabıw, tarawlarda jol qoyılıp atırǵan kemshiliklerdi saplastırıw, jańa isbilermenlik subektlerin shólkemlestiriw arqalı jumıs orınların jaratıw baǵdarındaǵı bir qatar áhmiyetli máseleler qarap shıǵıldı.
Aytıp ótiw orınlı, Kegeyli rayonında búgingi kúnde 2022-jılı ótkerilgen ushırasıwda belgilep berilgen 29 tapsırmanıń 26 tapsırması orınlanǵan bolıp, sonıń ishinde, xalıqtı isbilermenlikke tartıw, olardıń bántligin támiyinlew arqalı turaqlı dáramat deregine iye bolıwın jolǵa qoyıw, kámbaǵallıqtan shıǵarıw, jeńilletilgen kredit qarjıların ajıratıw baǵdarında bir qatar qáte-kemshiliklerge jol qoyılǵan.
“Qumshúngil”, “Iyshan qala”, “Nurlı bostan”, “Jılwan jap” puqaralar jıyınlarında jeńilletilgen kreditlerdiń tolıq ózlestiriliwi támiyinlenbegen. Húrmetli Prezidentimizdiń 2022-jıl fevral ayında Qaraqalpaqstanǵa bolǵan saparı dawamında tastıyıqlanǵan protokolǵa muwapıq kishi biznes subektleri sanın 2 esege arttırıw belgilengen. Biraq, rayonda ótken jılı jańadan shólkemlestiriliwi belgilengen 76 kishi biznes subekttiń jumısı jolǵa qoyılmaǵan. 2022-jılda ashılǵan 157 kishi biznes subektlerinen 11 subekt háreketsiz turǵan bolsa, 5 subekt óz iskerligin toqtatqan.
“Aqtuba”, “Jańabazar”, “Júzimbaǵ”, “Iyshan qala” puqaralar jıyınları hákim járdemshileri tárepinen iske túspegen joybarlardı esabatlarında qosıp jazıwlarǵa jol qoyılǵan.
Húrmetli Prezidentimizdiń 2022-jıl 25-iyuldegi PQ-331-sanlı qararına tiykar máhállelerde sanaat, ónermentshilik hám sharwashılıq jónelisindegi isbilermenlerdi qollap-quwatlaw hám olarǵa sharayatlar jaratıw, jumıs orınların jolǵa qoyıw, puqaralardıń dáramatın asırıw maqsetinde Qaraqalpaqstan Respublikasında 2022-2024 jıllar aralıǵında jámi 52 máhállelerde mikro oraylar shólkemlestiriw belgilengen. Sonnan, Kegeyli rayonında usı jıldıń 1-mart sánesine shekem “Qumshúngúl” máhállesinde shólkemlestiriliwi belgilep alınǵan mikro oray ushın rayon hákimligi balansındaǵı bos turǵan eski imarattıń xanaları aukcion sawdalarına shıǵarılmaǵan, jıl juwmaǵına shekem bir máhállede iske túsiriliwi názerde tutılǵan mikro oray ushın usı kúnge shekem bos turǵan imarat yamasa bos jer ornı belgilep alınbaǵan.
Májiliste óz jumısların atqarıwda bir qatar qáte-kemshiliklerge jol qoyǵanlıǵı hám wazıypasına nemquraydılıq penen qaraǵanlıǵı ushın Kegeyli rayonı hákiminiń finans-ekonomika xám kambaǵallıqtı qısqartıw boyınsha birinshi orınbasarına intizamıy jaza sharası qollanıldı.
Qaraqalpaqstan Respublikası Joqarǵı Keńesiniń Málimleme xızmeti