Joqarǵı Keńes Baslıǵı Bozataw rayonında ámelge asırılıp atırǵan jumıslarǵa arnalǵan májilis ótkerip, wazıypalardı belgilep berdi
1135
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Bozataw rayonın sociallıq-ekonomikalıq jaqtan rawajlandırıw baǵdarında ámelge asırılıp atırǵan jumıslarǵa arnalǵan májilis ótkerdi.
Májilis kún tártibinde Bozataw rayonında jańa jumıs orınların jaratıw baǵdarında isbilermenlik subektleri jumısların jolǵa qoyıw, kámbaǵallıqtı qısqartıw hám xalıqtıń bántligin támiyinlew baǵdarında ámelge asırılıp atırǵan jumıslar haqqındaǵı máseleler qarap shıǵıldı.
Aytıp ótiw orınlı, elimizde “Insan qádiri ushın” principi tiykarında keń kólemli reformalar ámelge asırılıp atır. Álbette, bul reformalardıń hár bir shańaraq, eń shettegi aymaqlarda jasawshı puqaralardıń úylerine shekem kirip barıwında tiyisli basshılardan úlken juwapkershilik hám pidayılıq, sonıń menen birge xalıqtıń abadan turmısın támiyinlew jolında awızbirshilik penen jumıs alıp barıw talap etiledi.
Joqarǵı Keńes Baslıǵı óz sózinde baslı maqset xalqımızǵa múnásip turmıs sharayatın jaratıw hám olardıń abadanlıǵın támiyinlew kerek ekenligin ayrıqsha tilge alıp, hár bir lawazımlı shaxs, hár bir juwapker bul jolda jankúyerlik penen ayanbay miynet etiwi kerek ekenligin atap ótti.
Bozataw rayonın rawajlandırıw baǵdarında bir qansha ámeliy jumıslar baslanǵan. Biraq, usıǵan qaramay ayırım jónelislerde artta qalıwshılıq jaǵdayları ushıraspaqta.
Atap aytqanda, búgingi kúnge kelip, 2022-jılı ótkerilgen májiliste belgilep berilgen 25 tapsırmanıń 19 tapsırması orınlanǵan. Hákim járdemshileri tárepinen aymaqlarda jasawshı puqaralardıń dáramatın asırıw maqsetinde ajıratılıwı tiyis bolǵan jeńilletilgen kreditlerdiń óz mánziline jetip barıwı tolıq támiyinlenbegen. Al, “sharaqlıq isbilermenlikti rawajlandırıw” baǵdarlaması tiykarında ajıratılǵan kreditlerden mashqalalı qarızdarlıqlar júzege kelgen.
Rayonda ótken jılı jańadan shólkemlestiriliwi belgilengen 7 kishi biznes subekttiń ashılıwı támiyinlenbegen, nátiyjede xojalıqlarǵa kirip keliwi múmkin bolǵan dáramat deregi óz iyelerine jetip barmaǵan. 2022-jılda ashılǵan 75 kishi biznes subektlerinen 5 subekt háreketsiz turǵan bolıp, usı subektlerden nátiyjeli paydalanıw jolǵa qoyılmaǵan. Bunnan tısqarı, 2022-jılda 985 mıń dollarlıq ónimler eksportı támiyinlenbegenligi sebepli, jergilikli byudjet túsimlerine bul keri tásirin tiygizbesten qalmaǵan. Rayonda miynetke jaramlı puqaralardan jumısqa mútáj bolǵanlar kórsetkishi respublika kórsetkishinen artıp ketken.
Bunnan tısqarı, jańa jumıs orınların jaratıw hám xalıqtıń bántligin támiyinlew maqsetinde shólkemlestiriliwi kerek bolǵan kishi isbilermenlik subektleriniń jumısları jolǵa qoyıldı dep esabatlarǵa qosıp jazıw jaǵdaylarına jol qoyılǵan.
Májilis dawamında barlıq basshılarǵa bildirilgen sın pikirlerden juwmaq shıǵarıw tapsırılıp, aldaǵı isleniwi kerek anıq wazıypalar belgilep alındı.
Májilis kún tártibinde Bozataw rayonında jańa jumıs orınların jaratıw baǵdarında isbilermenlik subektleri jumısların jolǵa qoyıw, kámbaǵallıqtı qısqartıw hám xalıqtıń bántligin támiyinlew baǵdarında ámelge asırılıp atırǵan jumıslar haqqındaǵı máseleler qarap shıǵıldı.
Aytıp ótiw orınlı, elimizde “Insan qádiri ushın” principi tiykarında keń kólemli reformalar ámelge asırılıp atır. Álbette, bul reformalardıń hár bir shańaraq, eń shettegi aymaqlarda jasawshı puqaralardıń úylerine shekem kirip barıwında tiyisli basshılardan úlken juwapkershilik hám pidayılıq, sonıń menen birge xalıqtıń abadan turmısın támiyinlew jolında awızbirshilik penen jumıs alıp barıw talap etiledi.
Joqarǵı Keńes Baslıǵı óz sózinde baslı maqset xalqımızǵa múnásip turmıs sharayatın jaratıw hám olardıń abadanlıǵın támiyinlew kerek ekenligin ayrıqsha tilge alıp, hár bir lawazımlı shaxs, hár bir juwapker bul jolda jankúyerlik penen ayanbay miynet etiwi kerek ekenligin atap ótti.
Bozataw rayonın rawajlandırıw baǵdarında bir qansha ámeliy jumıslar baslanǵan. Biraq, usıǵan qaramay ayırım jónelislerde artta qalıwshılıq jaǵdayları ushıraspaqta.
Atap aytqanda, búgingi kúnge kelip, 2022-jılı ótkerilgen májiliste belgilep berilgen 25 tapsırmanıń 19 tapsırması orınlanǵan. Hákim járdemshileri tárepinen aymaqlarda jasawshı puqaralardıń dáramatın asırıw maqsetinde ajıratılıwı tiyis bolǵan jeńilletilgen kreditlerdiń óz mánziline jetip barıwı tolıq támiyinlenbegen. Al, “sharaqlıq isbilermenlikti rawajlandırıw” baǵdarlaması tiykarında ajıratılǵan kreditlerden mashqalalı qarızdarlıqlar júzege kelgen.
Rayonda ótken jılı jańadan shólkemlestiriliwi belgilengen 7 kishi biznes subekttiń ashılıwı támiyinlenbegen, nátiyjede xojalıqlarǵa kirip keliwi múmkin bolǵan dáramat deregi óz iyelerine jetip barmaǵan. 2022-jılda ashılǵan 75 kishi biznes subektlerinen 5 subekt háreketsiz turǵan bolıp, usı subektlerden nátiyjeli paydalanıw jolǵa qoyılmaǵan. Bunnan tısqarı, 2022-jılda 985 mıń dollarlıq ónimler eksportı támiyinlenbegenligi sebepli, jergilikli byudjet túsimlerine bul keri tásirin tiygizbesten qalmaǵan. Rayonda miynetke jaramlı puqaralardan jumısqa mútáj bolǵanlar kórsetkishi respublika kórsetkishinen artıp ketken.
Bunnan tısqarı, jańa jumıs orınların jaratıw hám xalıqtıń bántligin támiyinlew maqsetinde shólkemlestiriliwi kerek bolǵan kishi isbilermenlik subektleriniń jumısları jolǵa qoyıldı dep esabatlarǵa qosıp jazıw jaǵdaylarına jol qoyılǵan.
Májilis dawamında barlıq basshılarǵa bildirilgen sın pikirlerden juwmaq shıǵarıw tapsırılıp, aldaǵı isleniwi kerek anıq wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti