Joqarǵı Keńes Baslıǵı 2023-jıl 29-yanvar kúni Nókis qalasındaǵı «Temir jol» MPJ aymaǵındaǵı kóp qabatlı úyde gaz shaqnawınan júz bergen jarılıw sebepli waqtınsha kóshirilgen puqaralardıń halınan xabar aldı
1020
Jaqında Nókis qalasındaǵı «Temir jol» MPJ aymaǵındaǵı kóp qabatlı úyde gaz shaqnawı sebepli jarılıw júz bergen edi.
Jarılıw júz bergen turaq jayda jasawshı puqaralar respublikamız basshısınıń tapsırması menen qáwipsiz orınǵa kóshirilip, olarǵa kerekli dári-darmaq ónimleri, úsh mezgil ıssı awqat hám basqa da zárúrli zatlar menen támiyinlendi.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev jarılıw júz beriwi sebepli waqtınsha kóshirilgen shańaraqlardıń halınan jeke ózi barıp xabar aldı.
Puqaralar menen ushırasıw dawamında Amanbay Orınbaev olardıń basınan ótip atırǵan búgingi sınawlı kúnlerinde hesh biri jalǵız qalmaytuǵınlıǵın bildirip, húkimet tárepinen zárúr bolǵan barlıq járdemler beriletuǵınlıǵın, mashaqattı jeńip ótiwde hár bir insan mehir hám itibardan shette qalmaytuǵınlıǵın atap ótti.
Puqaralar menen ushırasıw dawamında Amanbay Orınbaev olardıń basınan ótip atırǵan búgingi sınawlı kúnlerinde hesh biri jalǵız qalmaytuǵınlıǵın bildirip, húkimet tárepinen zárúr bolǵan barlıq járdemler beriletuǵınlıǵın, mashaqattı jeńip ótiwde hár bir insan mehir hám itibardan shette qalmaytuǵınlıǵın atap ótti.
Qaraqalpaqstan Respublikası Joqarǵı Keńesiniń Málimleme xızmeti