Joqarǵı Keńes Baslıǵı basshılıǵında eń shetki alıs aymaqlardıń biri bolǵan Qumbasqan awılında keń kólemli qurılıs ońlaw ham abadanlastırıw jumısları baslap jiberildi
1127
Qaraqalpaqstan Respublikası Joqarǵı Keńesiniń Baslıǵı Amanbay Orınbaev respublikamız boyınsha kóshpeli qabıllawlar ótkerip, puqaralardıń tilek-ótinishlerin tıńlap, mashqalalarına sheshim tabıw ilajların kórip atır. Usı tiykarda eń shetki alıs aymaq turǵınlarınıń mashqalalarına da sheshim tabılıp, puqaralardıń abadan turmısın támiyinlew jolında ámeliy jumıslar dawam etpekte.
Qısqa waqıt ishinde Joqarǵı Keńes Baslıǵı eń shetki Shuqırqaq, Qostruba awılları, Qaraqalpaqstan, Jaslıq posyolkaları sıyaqlı alıs aymaq turǵınlarınıń mashqalaların tıńlap, bul mashqalalar kópshiligi saplastırıldı. Xalıq iygiligi jolında jumıslar dawam ettirilmekte.
Ótken 2022-jıl aqırında respublikanıń eń shetki aymaqlarınan biri bolǵan Tórtkúl rayonı Qumbasqan awılında da kóshpeli qabıllaw ótkerilip, onda aymaq xalqınıń jasaw sharayatın jaqsılaw boyınsha mashqalalar tıńlanıp, puqaralar tárepinen aymaqtaǵı ishki jollardı ońlaw, elektr hám ishimlik suwı tarmaqların jetilistiriw ulıwma aytqanda infrastrukturanı jaqsılaw boyınsha múrájatlar bildirilgen edi.
Áyne usı bildirilgen múrájatlarǵa tiykar awıl turǵınlarınıń búgingi turmısınan, mámleketimizde ámelge asırılıp atırǵan reformalardan razılıǵın támiyinlew maqsetinde Joqarǵı Keńes Baslıǵı basshılıǵında Qumbasqan awılında keń kólemli jumıslar baslap jiberildi. Bul baslama tiykarında eń baslısı, puqaralardı jıllar dawamında qıynap kelgen mashqalalarǵa sheshim tabıladı.
Atap aytqanda, awıldaǵı kóshelerge asfalt hám qum-щeben (ЩPS) aralaspasın tósew, elektr energiyası támiynatın jetilistiriw baǵdarında tarmaq kabelleri hám temir beton baǵanalardı jańalaw, ishimlik suw jetkerip beriliwin jaqsılaw, 50 ge shamalas járdemge mútáj shańaraqlardıń turaq jayların shiferlap beriw, úylerin ońlaw sıyaqlı jumıslar ámelge asırılıwı rejelestirildi hám dáslkepki jumıslar baslap jiberildi.
Maǵlıwmat ornında aytıw kerek, jaqında Tórtkúl rayonı ishki xojalıq jolların ońlaw boyınsha keń kólemli jumıslar baslap jiberilgen edi.
Aytıp ótiw orınlı, Ózbekstan Respublikası Prezidentiniń 2022-jıl 25-oktyabrdegi “2022-2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqında”ǵı 408-sanlı qararı sheńberinde Tórtkúl rayonındaǵı ishki jollarda ońlaw jumısları, suw tarmaqların jańadan tartıw hám rekonstrukciyalaw, suwdı dushshılandırıwshı obektlerdi rekonstrukciyalaw, máhálle imaratların, piyadalar jolın qurıw, transformatorlardı jańalaw hám gaz tarmaqların ońlaw rejelestirilgenligi rayon xalqı ushın jáne bir jaqsı jańalıq boldı.
Bul wazıypalardı ámelge asırıwǵa 33 mlrd. 187 mln.swm qarjı ajıratılıp, jumıslar baslap jiberilgen hám usı qarar tiykarda Qumbasqan awılında da bir qatar joybarlar ámelge asırıladı.
Házirgi waqıtta belgilengen wazıypalardı orınlaw boyınsha barlıq taraw wákilleri tárepinen jumıslar dawam ettirilmekte hám bul jumıslar Joqarǵı Keńes Baslıǵınıń jeke qadaǵalawında turmısta óz sáwlesin tabadı.
Áyne usı bildirilgen múrájatlarǵa tiykar awıl turǵınlarınıń búgingi turmısınan, mámleketimizde ámelge asırılıp atırǵan reformalardan razılıǵın támiyinlew maqsetinde Joqarǵı Keńes Baslıǵı basshılıǵında Qumbasqan awılında keń kólemli jumıslar baslap jiberildi. Bul baslama tiykarında eń baslısı, puqaralardı jıllar dawamında qıynap kelgen mashqalalarǵa sheshim tabıladı.
Atap aytqanda, awıldaǵı kóshelerge asfalt hám qum-щeben (ЩPS) aralaspasın tósew, elektr energiyası támiynatın jetilistiriw baǵdarında tarmaq kabelleri hám temir beton baǵanalardı jańalaw, ishimlik suw jetkerip beriliwin jaqsılaw, 50 ge shamalas járdemge mútáj shańaraqlardıń turaq jayların shiferlap beriw, úylerin ońlaw sıyaqlı jumıslar ámelge asırılıwı rejelestirildi hám dáslkepki jumıslar baslap jiberildi.
Maǵlıwmat ornında aytıw kerek, jaqında Tórtkúl rayonı ishki xojalıq jolların ońlaw boyınsha keń kólemli jumıslar baslap jiberilgen edi.
Aytıp ótiw orınlı, Ózbekstan Respublikası Prezidentiniń 2022-jıl 25-oktyabrdegi “2022-2023-jıllarda máhálleler infrastrukturasın elede jaqsılaw boyınsha qosımsha is-ilajlar haqqında”ǵı 408-sanlı qararı sheńberinde Tórtkúl rayonındaǵı ishki jollarda ońlaw jumısları, suw tarmaqların jańadan tartıw hám rekonstrukciyalaw, suwdı dushshılandırıwshı obektlerdi rekonstrukciyalaw, máhálle imaratların, piyadalar jolın qurıw, transformatorlardı jańalaw hám gaz tarmaqların ońlaw rejelestirilgenligi rayon xalqı ushın jáne bir jaqsı jańalıq boldı.
Bul wazıypalardı ámelge asırıwǵa 33 mlrd. 187 mln.swm qarjı ajıratılıp, jumıslar baslap jiberilgen hám usı qarar tiykarda Qumbasqan awılında da bir qatar joybarlar ámelge asırıladı.
Házirgi waqıtta belgilengen wazıypalardı orınlaw boyınsha barlıq taraw wákilleri tárepinen jumıslar dawam ettirilmekte hám bul jumıslar Joqarǵı Keńes Baslıǵınıń jeke qadaǵalawında turmısta óz sáwlesin tabadı.
Qaraqalpaqstan Respublikası Joqarǵı Keńesiniń Málimleme xızmeti