Jámiyetlik transport tarawında jańa sistema engiziledi
1521
Prezident Shavkat Mirziyoev 31-yanvar kúni Tashkent hám Nókis qalaları hám wálayat oraylarında jámiyetlik transporttıń jańa sistemasın engiziw boyınsha májilis ótkerdi.
Jámiyetlik transport xalıqtıń uzaǵın jaqın etip, qárejeti hám waqıtın únemleytuǵın, turmıs sapasın kórsetetuǵın áhmiyetli sociallıq xızmet. Elimizde bul xızmetten kúnine 10 millionnan artıq jolawshı paydalanadı.
Mámleketimiz basshısınıń Múrájatında jolawshı tasıwdıń sapasın jaqsılaw maqsetinde 2023-jılı jáne 2 mıń avtobus alıp kelinetuǵını aytılǵan edi. Biraq, dedi Prezident májiliste, qansha kóp avtobus alıp kelinbesin, orınlardaǵı transport basqarmaları hám avtobus parklerinde házirgi jumıs sisteması ózgermese, xalıqtıń talabına jarasa xızmet kórsetip bolmaydı.
Barlıq aymaqlarda xalıq ushın jańa turaq jay, mektep, baqsha, emlewxana hám basqa da mákemeler qurılıp atır. Biraq, transport tarawı bul ózgerislerden artta qalıp, házirgi rawajlanıw talaplarına sáykes kelmey atır.
Atap aytqanda. ayırım wálayat orayında jámiyetlik transporttı rawajlandırıw rejesi islep shıǵılmaǵan. Transport kárxanaları kúnlik túsim rejesin orınlawǵa baylanısıp qalǵanı sebepli avtobuslar kúnniń «eń dáramatlı» waqıtında háreketleniwge ádetlenip qalǵan. Qalǵan waqıtta jolawshılar uzaq kútiw yamasa takside júriwge májbúr.
Sonıń ushın májiliste tarawdaǵı jumıs sistemasın ózgertip, xızmet sapasın jaqsılaw boyınsha usınıslar kórip shıǵıldı.
Oǵan bola, kúnlik túsim rejesin belgilew ámeliyatı biykar etiledi. Tasıwshılarǵa qarjılar avtobustıń júrgen aralıǵı hám adamlar xızmet sapasınan qanaatlanıwına qarap beriledi. Xızmet sapasına avtobustaǵı qolaylıqlar hám sanitariyalıq jaǵday, kesh qalmastan bándirgige jetip keliwine qarap baha beretuǵın sistema boladı.
Bul sistema Tashkent, Samarqand, Ándijan hám Úrgenish qalalarında usı jılı, basqa wálayat orayları hám Nókis qalasında kelesi jılı jolǵa qoyılatuǵını belgilendi.
Mámleketimiz basshısı jámiyetlik transport xalıqqa qolaylı, isbilermenlerge tartımlı bolıwı kerekligin atap ótti.
Házirgi avtobus jónelislerin keyingi jıllardaǵı xalıqtıń mútájligi tiykarında qayta kórip shıǵılıwı kerek. Prezidentimiz bul baǵdarda jergilikli sorawlar ótkerip, xalıqtıń talap hám tileklerin biliw zárúr ekenligin atap ótti.
Transport parkin izbe-iz jańalap barıw da áhmiyetli. Májiliste onı xoshametlew baǵdarında usınıslar bildirildi.
Sonıń ishinde, jámiyetlik transport jónelisleri boyınsha ashıq tenderde avtobuslardıń jańalıq dárejesi tiykarǵı norma etip belgilenedi. Tasıwshılarǵa tólenetuǵın qarjılardı qáliplestiriwde hár jılı avtobuslardıń 20 procentin jańalap barıw qárejetleri názerde tutıladı.
Bunnan tısqarı, isbilermenler alıp kelgen jańa avtobuslar boyınsha qosımsha qun salıǵın bólip-bólip tólewge ruqsat etiledi. Avtobuslar satıp alıw ushın 10 jılǵa shekemgi múddetke jeńilletilgen kredit beriledi.
Jollarda jámiyetlik transporttıń irkinishsiz háreketleniwin támiyinlew – áhmiyetli másele.
Tashkent qalasında 73 tiykarǵı kóshede avtobuslar ushın ayrıqsha jol shólkemlestirip, kesilispelerdiń ótkeriwsheńligin arttırıw baǵdarlaması islep shıǵıldı. Bul arqalı avtobuslardıń ortasha tezligi 1,5 esege artıp, keshigiwler saplastırıladı.
Wálayatlar hákimlerine óz aymaǵında paytaxttaǵıday transport infrastrukturasın jaqsılaw boyınsha mánzilli baǵdarlamanı tastıyıqlap, ámelge asırıwdı baslaw tapsırıldı. Onda jol hám kesilispelerde jámiyetlik transportqa ústinlik beriw, bándirgilerde xalıq hám isbilermenlerge sharayat jaratıw zárúr ekenligi kórsetip ótildi.
Barlıq aymaqlarda xalıq ushın jańa turaq jay, mektep, baqsha, emlewxana hám basqa da mákemeler qurılıp atır. Biraq, transport tarawı bul ózgerislerden artta qalıp, házirgi rawajlanıw talaplarına sáykes kelmey atır.
Atap aytqanda. ayırım wálayat orayında jámiyetlik transporttı rawajlandırıw rejesi islep shıǵılmaǵan. Transport kárxanaları kúnlik túsim rejesin orınlawǵa baylanısıp qalǵanı sebepli avtobuslar kúnniń «eń dáramatlı» waqıtında háreketleniwge ádetlenip qalǵan. Qalǵan waqıtta jolawshılar uzaq kútiw yamasa takside júriwge májbúr.
Sonıń ushın májiliste tarawdaǵı jumıs sistemasın ózgertip, xızmet sapasın jaqsılaw boyınsha usınıslar kórip shıǵıldı.
Oǵan bola, kúnlik túsim rejesin belgilew ámeliyatı biykar etiledi. Tasıwshılarǵa qarjılar avtobustıń júrgen aralıǵı hám adamlar xızmet sapasınan qanaatlanıwına qarap beriledi. Xızmet sapasına avtobustaǵı qolaylıqlar hám sanitariyalıq jaǵday, kesh qalmastan bándirgige jetip keliwine qarap baha beretuǵın sistema boladı.
Bul sistema Tashkent, Samarqand, Ándijan hám Úrgenish qalalarında usı jılı, basqa wálayat orayları hám Nókis qalasında kelesi jılı jolǵa qoyılatuǵını belgilendi.
Mámleketimiz basshısı jámiyetlik transport xalıqqa qolaylı, isbilermenlerge tartımlı bolıwı kerekligin atap ótti.
Házirgi avtobus jónelislerin keyingi jıllardaǵı xalıqtıń mútájligi tiykarında qayta kórip shıǵılıwı kerek. Prezidentimiz bul baǵdarda jergilikli sorawlar ótkerip, xalıqtıń talap hám tileklerin biliw zárúr ekenligin atap ótti.
Transport parkin izbe-iz jańalap barıw da áhmiyetli. Májiliste onı xoshametlew baǵdarında usınıslar bildirildi.
Sonıń ishinde, jámiyetlik transport jónelisleri boyınsha ashıq tenderde avtobuslardıń jańalıq dárejesi tiykarǵı norma etip belgilenedi. Tasıwshılarǵa tólenetuǵın qarjılardı qáliplestiriwde hár jılı avtobuslardıń 20 procentin jańalap barıw qárejetleri názerde tutıladı.
Bunnan tısqarı, isbilermenler alıp kelgen jańa avtobuslar boyınsha qosımsha qun salıǵın bólip-bólip tólewge ruqsat etiledi. Avtobuslar satıp alıw ushın 10 jılǵa shekemgi múddetke jeńilletilgen kredit beriledi.
Jollarda jámiyetlik transporttıń irkinishsiz háreketleniwin támiyinlew – áhmiyetli másele.
Tashkent qalasında 73 tiykarǵı kóshede avtobuslar ushın ayrıqsha jol shólkemlestirip, kesilispelerdiń ótkeriwsheńligin arttırıw baǵdarlaması islep shıǵıldı. Bul arqalı avtobuslardıń ortasha tezligi 1,5 esege artıp, keshigiwler saplastırıladı.
Wálayatlar hákimlerine óz aymaǵında paytaxttaǵıday transport infrastrukturasın jaqsılaw boyınsha mánzilli baǵdarlamanı tastıyıqlap, ámelge asırıwdı baslaw tapsırıldı. Onda jol hám kesilispelerde jámiyetlik transportqa ústinlik beriw, bándirgilerde xalıq hám isbilermenlerge sharayat jaratıw zárúr ekenligi kórsetip ótildi.