Joqarǵı Keńes Baslıǵı bilimlendiriw tarawına arnalǵan videoselektor májilisin ótkerdi
1602
Elimizde bilimlendiriw tarawında alıp barılıp atırǵan reformalardıń orınlarda ámelge asırılıwın támiyinlew, keleshegimiz bolǵan jaslarımızǵa sapalı bilim beriw baslı wazıypalarımızdan sanaladı.
Qaraqalpaqstan Respublikası Joqarǵı Keńesiniń Baslıǵı bilimlendiriw tarawına arnalǵan videoselektor májilisin ótkerdi.
Onda bilimlendiriw tarawında búgingi kúnde ámelge asırılıp atırǵan ilajlar, jol qoyılıp atırǵan qáte-kemshilikler hám sheshimin kútip turǵan mashqalalar haqqındaǵı máseleler sın kóz-qarasta qarap shıǵıldı.
Aytıp ótiw orınlı, búgingi kúnde mektepke shekemgi bilimlendiriw tarawında ámelge asırılıp atırǵan jumıslar talap dárejesinde emes. Yaǵnıy, ayırım rayonlardaǵı puqaralar jıyınlarında elege shekem balalar baqshası shólkemlestirilmegen.
Atap aytqanda Nókis qalasındaǵı “Qos kól”, “Órnek”, Tórtkúldegi “Nawrız” hám “Tınıshlıq”, Taxtakópirdegi “Qos truba” hám “Dawıtsay”, Xojeli rayonındaǵı “Júzimzar” puqaralar jıyınlarında baqsha shólkemlestirilmegen. Nátiyjede usı puqaralar jıyınlarındaǵı jámi 626 bala balalar baqshalarına qamtıp alınbaǵan. Nátiyjede balalardıń joqarı tálim-tárbiya alıwına tosqınlıq bolmaqta.
Májiliste mektepke shekemgi bilimlendiriw tarawındaǵı bir qatar kemshilikler sınǵa alındı. Sonıń menen birge ulıwma bilim beriw mektepleri jumısları da qarap shıǵıldı.
Ulıwma bilim beriw mektepleriniń bilimlendiriw sapasın anıqlaw ushın engizilgen milliy reyting nátiyjeleri boyınsha 2021-jılı Qaraqalpaqstan 10-orındı iyelegen. Bul nátiyje aymaǵımızdaǵı kópshilik mekteplerde elege shekem bilim beriw sapasınıń tómen ekenliginen derek bermekte. Reyting nátiyjesi boyınsha Moynaq, Shımbay hám Taqıyatas rayonı eń tómen nátiyje kórsetken.
Usılar menen bir qatarda, Nókis qalası hám rayonlardaǵı ayırım mekteplerde oqıwshılardı qamtıp alıw koefficienti belgilengen normadan zıyat bolmaqta. Bul da búgingi kúnde tarawda ushırasıp atırǵan mashqalalardan sanalıp, óz gezeginde mekteplerde smenalar sanınıń artıwına, klasslardıń jetispewshiligine alıp kelmekte. Bunnan tısqarı, oqıwshı jaslar arasında jınayatshılıq, óz janına qast etiw jaǵdayları júz bermekte.
Mektepte bilimlendiriwdiń sapasın arttırıwda pedagoglardı jańa metodikalarǵa úyretiw milliy orayı aldına úlken wazıypalar júklemekte. Degen menen, búgingi kúnde bul orayda tiykarǵı shtatta jumıs islewshi pedagog xızmetkerlerdiń ilimiy potencialı tómen dárejede qalmaqta. Sonday-aq, elimizde jaslardı orta arnawlı hám professional oqıw orınlarına qamtıp alıw arqalı olardı kásip-ónerge úyretiw boyınsha bir qansha jumıslar ámelge asırılmaqta.
2022-jılı orta arnawlı hám professional oqıw orınlarınıń 803 pedagog xızmetkerinen 39 oqıtıwshı tájiriybesin arttırıw kurslarınan ótpegen.
Bul baǵdarda Qaraqalpaq mámleketlik universiteti janındaǵı pedagog kadrlardı qayta tayarlaw hám olardıń tájiriybesin arttırıw regionallıq orayı tárepinen ámelge asırılıwı tiyis jumıslar talap dárejesinde orınlanbaǵan.
Dene tárbiya hám sport boyınsha qánigelerdi qayta tayarlaw hám tájiriybesin arttırıw institutınıń Nókis filialı tárepinen 2022-jılı jámi 2164 pedagog kadrlardıń tájiriybesin arttırıw belgilengen bolsa da jumıslar nátiyjeli shólkemlestirilmegen.
Ótkerilgen májilis dawamında mámleketlik test orayınıń aymaqlıq bólimi jumısları, Ózbekstan Ilimler akademiyası Qaraqalpaqstan bólimi hám joqarı oqıw orınlarında alıp barılıp atırǵan tálim-tárbiya hám ilimiy izertlew jumısları talap dárejesinde emes ekenligi atap ótildi.
Májilis juwmaǵında aldaǵı wazıypalar belgilep alındı.
Ulıwma bilim beriw mektepleriniń bilimlendiriw sapasın anıqlaw ushın engizilgen milliy reyting nátiyjeleri boyınsha 2021-jılı Qaraqalpaqstan 10-orındı iyelegen. Bul nátiyje aymaǵımızdaǵı kópshilik mekteplerde elege shekem bilim beriw sapasınıń tómen ekenliginen derek bermekte. Reyting nátiyjesi boyınsha Moynaq, Shımbay hám Taqıyatas rayonı eń tómen nátiyje kórsetken.
Usılar menen bir qatarda, Nókis qalası hám rayonlardaǵı ayırım mekteplerde oqıwshılardı qamtıp alıw koefficienti belgilengen normadan zıyat bolmaqta. Bul da búgingi kúnde tarawda ushırasıp atırǵan mashqalalardan sanalıp, óz gezeginde mekteplerde smenalar sanınıń artıwına, klasslardıń jetispewshiligine alıp kelmekte. Bunnan tısqarı, oqıwshı jaslar arasında jınayatshılıq, óz janına qast etiw jaǵdayları júz bermekte.
Mektepte bilimlendiriwdiń sapasın arttırıwda pedagoglardı jańa metodikalarǵa úyretiw milliy orayı aldına úlken wazıypalar júklemekte. Degen menen, búgingi kúnde bul orayda tiykarǵı shtatta jumıs islewshi pedagog xızmetkerlerdiń ilimiy potencialı tómen dárejede qalmaqta. Sonday-aq, elimizde jaslardı orta arnawlı hám professional oqıw orınlarına qamtıp alıw arqalı olardı kásip-ónerge úyretiw boyınsha bir qansha jumıslar ámelge asırılmaqta.
2022-jılı orta arnawlı hám professional oqıw orınlarınıń 803 pedagog xızmetkerinen 39 oqıtıwshı tájiriybesin arttırıw kurslarınan ótpegen.
Bul baǵdarda Qaraqalpaq mámleketlik universiteti janındaǵı pedagog kadrlardı qayta tayarlaw hám olardıń tájiriybesin arttırıw regionallıq orayı tárepinen ámelge asırılıwı tiyis jumıslar talap dárejesinde orınlanbaǵan.
Qaraqalpaqstan Respublikası Joqarǵı Keńesiniń Málimleme xızmeti