Joqarǵı Keńes Baslıǵı basshılıǵında Beruniy rayonın sociallıq-ekonomikalıq jaqtan rawajlandırıw baǵdarında ámelge asırılıp atırǵan jumıslar talqılandı
1440
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Beruniy rayonın sociallıq-ekonomikalıq jaqtan rawajlandırıw baǵdarında ámelge asırılıp atırǵan jumıslar boyınsha májilis ótkerdi.
Onda tiyisli ministrlik, komitet, basqarma basshıları hám rayonlıq mákeme, shólkem baslıqları qatnastı.
Ótken jılı qala hám rayonlar qatarında Beruniy rayonında da mámleketlik baǵdarlamalardıń orınlanıwın támiyinlew, xalıqtıń jasaw sharayatın jaqsılaw, abadan turmıs ushın sharayat jaratıw, rayonnıń sociallıq-ekonomikalıq jaǵdayın kóteriw baǵdarında ámelge asırılıp atırǵan jumıslar, sonıń menen birge jol qoyılıp atırǵan qáte-kemshilikler boyınsha májilis ótkerilgen edi.
Onda puqaralardı qıynap kiyatırǵan mashqalalarǵa sheshim tabıw, orınlardaǵı tarawlarda jol qoyılıp atırǵan kemshiliklerdi saplastırıw baǵdarında anıq wazıypalar belgilep berildi. Usı májilis bayanlaması menen ózine júkletilgen wazıypalardı óz waqtında orınlamay kelgen ayırım lawazımlı shaxslarǵa intizamiy jaza sharaları qollanılǵan edi. Bunnan tısqarı, Beruniy rayonın sociallıq-ekonomikalıq rawajlandırıw baǵdarında belgilep berilgen 20 tapsırma berilip, búgingi kúnde bul tapsırmalardıń 17 tapsırması orınlanǵan.
Atap aytqanda, 2022-jılda “Shańaraqlıq isbilermenlikti rawajlandırıw” baǵdarlaması tiykarında ajırıtılıwı rejelestirilgen jeńilletilgen kredit qarjılarınıń ózlestiriliwi, rejelestirilgen kishi biznes subektleriniń ashılıwı tolıq támiyinlenbegen.
Beruniy rayonında ótken jılı ótkerilgen májiliste rayon potencialın tereń úyrengen halda bir qatar lawazımlı shaxslar hám basshılarǵa xalıqqa paydası tiyetuǵın kishi joybarlardı qısqa múddette iske túsiriw wazıypası belgilep berilgen edi. Biraq, úyreniwler dawamında ayırım joybarlardıń usı kúnge shekem iske túsirilmegenligi anıqlanǵan.
Ótkerilgen májiliste taraw basshıları hám juwapker shaxslar tárepinen ámelge asırılǵan jumıslar birme-bir talqılanıp, artta qalıwshılık jaǵdayları sınǵa alındı.
Májiliste usı sıyaqlı bir qatar kemshilikler sınǵa alındı hám óz jumısına nemquraydılıq penen qarap, belgilengen wazıypalardı orınlamay, xalıq abadanlıǵı ushın xızmet etiwi kerek qarjılarǵa juwapkershiliksiz qaraǵanı ushın Beruniy rayonı hákiminiń qarjı-ekonomika hám kambaǵallıqtı qısqartırıw máseleleri boyınsha birinshi orınbasarı qatań eskertildi hám múddet berildi. Bunnan tısqarı, barlıq hákim járdemshileri jumısların úyrenip shıǵıw, zárúr bolsa nızamlı jaza sharasın qollaw boyınsha tiyisli uyımlarǵa tapsırma berildi.
Sonıń menen birge jańa jumıs orınların jaratıw, eksport potencialın jaqsılaw, isbilermenlikti qollap-quwatlaw, kredit qarjıların ajıratıw hám basqa da jónelisler boyınsha bir qansha baslı wazıypalardıń orınlanıwın támiyinlew tiyis ekenligi atap ótildi.
Ótkerilgen májilis juwmaǵında barlıq juwapkerlerge anıq wazıypalar belgilep berildi.
Beruniy rayonında ótken jılı ótkerilgen májiliste rayon potencialın tereń úyrengen halda bir qatar lawazımlı shaxslar hám basshılarǵa xalıqqa paydası tiyetuǵın kishi joybarlardı qısqa múddette iske túsiriw wazıypası belgilep berilgen edi. Biraq, úyreniwler dawamında ayırım joybarlardıń usı kúnge shekem iske túsirilmegenligi anıqlanǵan.
Ótkerilgen májiliste taraw basshıları hám juwapker shaxslar tárepinen ámelge asırılǵan jumıslar birme-bir talqılanıp, artta qalıwshılık jaǵdayları sınǵa alındı.
Májiliste usı sıyaqlı bir qatar kemshilikler sınǵa alındı hám óz jumısına nemquraydılıq penen qarap, belgilengen wazıypalardı orınlamay, xalıq abadanlıǵı ushın xızmet etiwi kerek qarjılarǵa juwapkershiliksiz qaraǵanı ushın Beruniy rayonı hákiminiń qarjı-ekonomika hám kambaǵallıqtı qısqartırıw máseleleri boyınsha birinshi orınbasarı qatań eskertildi hám múddet berildi. Bunnan tısqarı, barlıq hákim járdemshileri jumısların úyrenip shıǵıw, zárúr bolsa nızamlı jaza sharasın qollaw boyınsha tiyisli uyımlarǵa tapsırma berildi.
Sonıń menen birge jańa jumıs orınların jaratıw, eksport potencialın jaqsılaw, isbilermenlikti qollap-quwatlaw, kredit qarjıların ajıratıw hám basqa da jónelisler boyınsha bir qansha baslı wazıypalardıń orınlanıwın támiyinlew tiyis ekenligi atap ótildi.
Ótkerilgen májilis juwmaǵında barlıq juwapkerlerge anıq wazıypalar belgilep berildi.
Qaraqalpaqstan Respublikası Joqarǵı Keńesiniń Málimleme xızmeti