Joqarǵı Keńes Baslıǵı sociallıq tarawda ámelge asırılıp atırǵan ilajlar hám sheshimin kútip turǵan mashqalalarǵa arnalǵan videoselektor májilisin ótkerdi
1001
Qaraqalpaqstan Respublikası Joqarǵı Keńesiniń Baslıǵı Amanbay Orınbaev sociallıq tarawda ámelge asırılıp atırǵan ilajlar hám sheshimin kútip turǵan mashqalalarǵa arnalǵan videoselektor májilisin ótkerdi. Onda tiyisli ministrlik, basqarma, mákeme, shólkem basshıları hám basqa da tiyisli taraw wákilleri qatnastı.
Dáslep májiliste búgingi kúnde medicina tarawında ámelge asırılıp atırǵan jumıslar, jol qoyılıp atırǵan qáte-kemshilikler talqılandı. Ótkerilgen májiliste sociallıq áhmiyetke iye kesellikler 2021-jılǵa salıstırǵanda ótken jılı kóbeygeni, qan aylanıw sisteması kesellikleri, onkologiyalıq hám dem alıw jolları keselliklerinen dúnyadan kóz jumıw jaǵdaylarınıń artqanı, analar hám balalar salamatlıǵın bekkemlew baǵdarındaǵı jumıslar talap dárejesinde emes ekenligi, sonıń menen birge, medicina mákemelerin shıpakerler menen támiyinlew boyınsha da bir qatar mashqalalar ushırasıp atırǵanı, mayıplıǵı bolǵan shaxslardı qollap-quwatlaw hám basqa da áhmiyetli baǵdarlar haqqında máseleler sóz etildi.
Sonday-aq, onda xalıqtı kerekli dári-darmaqlar menen támiyinlew, farmacevtika kompaniyalarınıń jumısları, ayırım tekserilmegen dári ónimleri sebepli puqaralardıń, ásirese, balalar salamatlıǵına úlken zıyan jetip, hátteki awır aqıbetler júzege kelip atırǵanlıǵı, ónimler bahaları, sonıń menen birge sanitariya-epidemiologiyalıq jaǵdaylar sıyaqlı áhmiyetli baǵdarlar qarap shıǵıldı.
Bunnan soń dene tárbiya hám sport tarawı boyınsha másele kórip shıǵıldı. Atap ótiw orınlı, sport túrleri boyınsha ótken 2022-jılı ótkerilgen Aziya hám jáhán chempionatlarında sportshılarımız tárepinen sıylı orınlardı jeńip alıw dárejeleri ayırım rayonlarda tómen bolmaqta. Sonday-aq, 2022-jılı sport túrleri boyınsha ótkerilgen Qaraqalpaqstan chempionatı hám kubok jarıslarında ayırım rayonlardıń saylandı komandalarınıń tolıq qatnasıwı jolǵa qoyılmaǵan. Bunnan tısqarı, búgingi kúnde imkaniyatı sheklengen shaxslardı sportqa qamtıp alıw boyınsha jumıslar talap dárejesinde jolǵa qoyılmay atırǵanlıǵı atap ótildi. Jaslar menen islesiw baǵdarındaǵı jumıslar da búgingi qunde áhmiyetli máselelerdiń biri bolıp, bul boyınsha ámelge asırılıp atırǵan jumıslarǵa da májiliste toqtap ótildi. 2022-jıl juwmaǵı menen bahalawshı reyting nátiyjeleri boyınsha 8 máhálledegi jaslar jetekshileriniń jumısı tómen dárejede bolǵanlıǵı sebepli “Qızıl” kategoriyaǵa kirgizilgen. 257 jastıń “Jaslar dápteri”ne kirgizilgenine 6 aydan ótken bolıwına qaramastan 2022-jıl juwmaǵına shekem hesh qanday ámeliy járdem kórsetilmegen.
Majiliste sonday-aq, máhállelerde ámelge asırılıp atırǵan jumıslar da kórip shıǵıldı. Búgingi kúnde máhálle institutın rawajlandırıw ham qollap-quwatlaw baǵdarında bir qansha unamlı jumıslar ámelge asırılıwına qaramay, puqaralar jıyınlarınıń jumısların rawajlandırıw baǵdarında ayırım qáte-kemshiliklerge jol qoyılmaqta. Atap aytqanda, Puqaralar jıyınları baslıqları tárepinen nızam menen belgilengen wákillikleri hám wazıypaları haqqında elege shekem tereń túsinbey atır. Yanvar ayı juwmaqlanǵan bolıwına qaramastan máhálle baslıqlarınıń eń áhmiyetli mashqalalardı sheshiwge baǵdarlanǵan “Jol karta”ların elege shekem islep shıqpaǵan.
Ótkerilgen májilis dawamında usı sıyaqlı bir qatar áhmiyetli jónelisler sın kóz qarasta qarap shıǵıldı. Tarawda ámelge asırılıwı tiyis wazıypalar, aldaǵı isleniwi kerek áhmiyetli jumıslar belgilep alındı.
Dáslep májiliste búgingi kúnde medicina tarawında ámelge asırılıp atırǵan jumıslar, jol qoyılıp atırǵan qáte-kemshilikler talqılandı. Ótkerilgen májiliste sociallıq áhmiyetke iye kesellikler 2021-jılǵa salıstırǵanda ótken jılı kóbeygeni, qan aylanıw sisteması kesellikleri, onkologiyalıq hám dem alıw jolları keselliklerinen dúnyadan kóz jumıw jaǵdaylarınıń artqanı, analar hám balalar salamatlıǵın bekkemlew baǵdarındaǵı jumıslar talap dárejesinde emes ekenligi, sonıń menen birge, medicina mákemelerin shıpakerler menen támiyinlew boyınsha da bir qatar mashqalalar ushırasıp atırǵanı, mayıplıǵı bolǵan shaxslardı qollap-quwatlaw hám basqa da áhmiyetli baǵdarlar haqqında máseleler sóz etildi.
Bunnan soń dene tárbiya hám sport tarawı boyınsha másele kórip shıǵıldı. Atap ótiw orınlı, sport túrleri boyınsha ótken 2022-jılı ótkerilgen Aziya hám jáhán chempionatlarında sportshılarımız tárepinen sıylı orınlardı jeńip alıw dárejeleri ayırım rayonlarda tómen bolmaqta. Sonday-aq, 2022-jılı sport túrleri boyınsha ótkerilgen Qaraqalpaqstan chempionatı hám kubok jarıslarında ayırım rayonlardıń saylandı komandalarınıń tolıq qatnasıwı jolǵa qoyılmaǵan. Bunnan tısqarı, búgingi kúnde imkaniyatı sheklengen shaxslardı sportqa qamtıp alıw boyınsha jumıslar talap dárejesinde jolǵa qoyılmay atırǵanlıǵı atap ótildi. Jaslar menen islesiw baǵdarındaǵı jumıslar da búgingi qunde áhmiyetli máselelerdiń biri bolıp, bul boyınsha ámelge asırılıp atırǵan jumıslarǵa da májiliste toqtap ótildi. 2022-jıl juwmaǵı menen bahalawshı reyting nátiyjeleri boyınsha 8 máhálledegi jaslar jetekshileriniń jumısı tómen dárejede bolǵanlıǵı sebepli “Qızıl” kategoriyaǵa kirgizilgen. 257 jastıń “Jaslar dápteri”ne kirgizilgenine 6 aydan ótken bolıwına qaramastan 2022-jıl juwmaǵına shekem hesh qanday ámeliy járdem kórsetilmegen.
Majiliste sonday-aq, máhállelerde ámelge asırılıp atırǵan jumıslar da kórip shıǵıldı. Búgingi kúnde máhálle institutın rawajlandırıw ham qollap-quwatlaw baǵdarında bir qansha unamlı jumıslar ámelge asırılıwına qaramay, puqaralar jıyınlarınıń jumısların rawajlandırıw baǵdarında ayırım qáte-kemshiliklerge jol qoyılmaqta. Atap aytqanda, Puqaralar jıyınları baslıqları tárepinen nızam menen belgilengen wákillikleri hám wazıypaları haqqında elege shekem tereń túsinbey atır. Yanvar ayı juwmaqlanǵan bolıwına qaramastan máhálle baslıqlarınıń eń áhmiyetli mashqalalardı sheshiwge baǵdarlanǵan “Jol karta”ların elege shekem islep shıqpaǵan.
Ótkerilgen májilis dawamında usı sıyaqlı bir qatar áhmiyetli jónelisler sın kóz qarasta qarap shıǵıldı. Tarawda ámelge asırılıwı tiyis wazıypalar, aldaǵı isleniwi kerek áhmiyetli jumıslar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti