«Milletleraralıq tatıwlıq, awızbirshilik hám xalıqlar doslıǵı» uranı astında doslıq festivalı bolıp ótti
2522
Berdaq atındaǵı Qaraqalpaq mámleketlik universitetinde «Milletleraralıq tatıwlıq, awızbirshilik hám xalıqlar doslıǵı» uranı astında doslıq festivalı bolıp ótti.
Onda «Qazaq», «Rus», «Ukrain» , «Túrkmen», «Koreec» mádeniy milliy oraylarınan bir qatar wákilller qatnastı.
Ótkerilgen festivalda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shıǵıp sóylep, búgingi kúnde mámleketimizde 130 dan artıq millet wákillleri bir shańaraq perzentlerindey bolıp, teń huqıqlı hám óz-ara awızbirshilikli túrde jasap atırǵanlıǵı, Watanımız ǵárezsizligin bekkemlewge óz úlesin qosıp kiyatırǵanlıǵın atap ótti. Sonday-aq, elimizde hár bir insannıń huqıq hám erkinlikleri, nızamlı máplerin támiyinlew, bilim alıwı, kásip-óner iyelewi, mádeniyatları, úrp-ádet, dástúrlerin saqlaw hám rawajlandırıw ushın barlıq sharayatlar jaratılıp berilgenligi ayrıqsha tilge alındı.
Ilajda sózge shıqqanlar, Ózbekstan Respublikasında milletler aralıq tatıwlıq hám diniy keńpeyillik baǵdarında ámelge asırılıp atırǵan jumıslar, jámiyette milletleraralıq tatıwlıq, óz-ara húrmet, mehir-múriwbet, tınıshlıq hám tatıwlıqtı bekkemlew, sociallıq-ruwxıy salamat ortalıqtı támiyinlew, búgingi kúnde xalıqtı razı qılıw ushın elimizde alıp barılıp atırǵan reformalar unamlı nátiyjesin berip atırǵanlıǵı haqqında keń túrde túsinik berdi.
Sonıń menen bir qatarda, festival sheńberinde mádeniy-milliy oraylardıń kórgizbesi hám belsendi student-jaslardıń koncert baǵdarlaması jıynalǵanlardıń názerine usınıldı.
Qaraqalpaqstan Respublikası Joqarǵı Keńesiniń Málimleme xızmeti