Joqarǵı Keńes komitetiniń májilisi ótkerildi
1680
Jergilikli hákimiyattıń wákillikli hám puqaralardıń ózin-ózi basqarıw uyımları hám de mámleketlik uyımlardıń ashıqlıǵın támiyinlew máseleleri komitetiniń májilisi bolıp ѳtti.
Májilisti Qaraqalpaqstan Respublikası Joqarǵı Keńesiniń Jergilikli hákimiyattıń wákillikli hám puqaralardıń ózin-ózi basqarıw uyımları hám de mámleketlik uyımlardıń ashıqlıǵın támiyinlew máseleleri komiteti baslıǵı Sh.Otemisov ashtı hám alıp bardı.
Onda 2022-jıl dawamında puqaralar jıyınlarınıń materiallıq-texnikalıq bazasın bekkemlew boyınsha ámelge asırılǵan ilajlar haqqında Nókis qalası hákimi U.Panaevtiń málimlemesi tıńlandı.
Ótkerilgen májiliste atap ótilgenindey, Nѳkis qalasında 33 máhálle imaratın (“Ámiwdárya”, “Altın jaǵıs”, “Kattagar”, “Aydın jol”, “Aq otaw”, “Bes tóbe”, “Jayxun”, “Tunǵısh qonıs”, “Jeke terek”, “Qutlı qonıs”, “Qum awıl”, “Eli abat”, “Samanbay”, “Hawa jolı”, “Nawqan baǵ”, “Guzar”, “Doslıq”, “Ata mákan”, “Taslaq”, “Vatanparvar”, “Amanlıq guzarı”, “Qos kól”, “Allaniyaz Qaharman”, “Turan”, “Tele oray”, “Órnek”, “Almazar”, “Darbent”, “Gulzar”, “Nawrız”, “Kók ózek”, “Qumbız awıl”, “Shıǵıs” mákan puqaralar jıyınları) qurıw ushın jer orınları ajıratılıp búgingi kúnde qurılıs jumısları alıp barılmaqta. Sonıń ishinde 3 máhálle imaratı (“Altın jaǵıs”, “Ámiwdárya” hám “Teleoray”) qurılıs jumısları tolıq juwmaqlanǵan bolsa, 30 máhállede qurılıs jumısları 70 payızǵa orınlanǵan. Sonday-aq, usı 38 mákan puqaralar jıyınlarınıń barlıǵında imaratlardıń qurılıs jumısların qısqa múddetlerde juwmaqlap, paydalanıwǵa tapsırıw rejelestirilmekte.
Barlıq mákan puqaralar jıyınları 100 payız internet tarmaǵına jalǵanıp, 68,8 payızı yaǵnıy 44 puqaralar jıyını xızmet telefonları menen támiyinlengen bolsa, 10 máhállede tozıwı jetken mebel buyımları hám kompyuter toplamların tez arada zamanagóy zárúr inventarlar menen támiyinlew belgilengen.
Májilistde komitet aǵzaları ѳzlerine qızıqtırǵan sorawlarǵa juwaplar alıp, Nókis qalası hákiminiń 2022-jıl dawamında puqaralar jıyınlarınıń materiallıq-texnikalıq bazasın bekkemlew boyınsha ámelge asırılǵan ilajları haqqındaǵı málimlemesi boyınsha tiyisli qarar qabıl etti.
Barlıq mákan puqaralar jıyınları 100 payız internet tarmaǵına jalǵanıp, 68,8 payızı yaǵnıy 44 puqaralar jıyını xızmet telefonları menen támiyinlengen bolsa, 10 máhállede tozıwı jetken mebel buyımları hám kompyuter toplamların tez arada zamanagóy zárúr inventarlar menen támiyinlew belgilengen.
Qaraqalpaqstan Respublikası Joqarǵı Keńesiniń Málimleme xızmeti