Joqarǵı Keńes Baslıǵı awıl xojalıǵı tarawındaǵı jumıslardı sın kóz qarasta talqıladı
1643
Qaraqalpaqstan Respublikası Joqarǵı Keńesiniń Baslıǵı Amanbay Orınbaev awıl xojalıǵı tarawına arnalǵan videoselektor májilisin ótkerdi.
Onda awıl hám suw xojalıǵı, sharwashılıqtı rawajlandırıw, azıq-awqat qáwipsizligin támiyinlew baǵdarında alıp barılıp atırǵan ilajlar hám de usı tarawlardaǵı sheshimin kútip turǵan mashqalalar haqqındaǵı máseleler qarap shıǵıldı.
Sonǵı jılları elimizde awıl xojalıǵı tarawın modernizaciyalaw, azıq-awqat qáwipsizligin támiyinlew, tarawǵa bazar qatnasıqların keńnen en jaydırıw, innovaciyalıq texnologiyalardı tartıw baǵdarında keń kólemli reformalar alıp barılmaqta.
Awıl xojalıǵı tarawında usınday iygilikli jumıslar dawam etip atırǵan bir waqıtta, ayırım baǵdarlarda, atap aytqanda, azıq-awqat káwipsizligin támiyinlew hám ishki bazarlarımızda tutınıwǵa sapalı awıl xojalıǵı ónimlerin jetkerip beriw baǵdarında orınlarda ámelge asırılıp atırǵan ayırım jumıslar talap dárejesinde júrgizilmey atır. Ótkerilgen májiliste Joqarǵı Keńes Baslıǵı tárepinen bul baǵdardaǵı jumıslar keń túrde qarap shıǵılıp, kemshilikler sın kóz-qarasta talqılandı.
Yaǵnıy, biyday, kartoshka, palız ónimleri, dánli eginler, sobıqlı ósimlikler hám maylı eginler rejege salıstırǵanda kem egilgen. 11 rayonda hákimlik rezervindegi egislik jerlerine hesh bir hújjetsiz awıl xojalıǵı eginleri egiliwine jol qoyılǵan. Bunnan tısqarı, baǵshılıq jónelisindegi jumıslar da talap dárejesinde orınlanbaǵan.
Ámiwdárya, Qanlıkól, Xojeli rayonlarında rejede belgilenbegen bolsa da, nızamsız salı egilip, nátiyjede xalıqqa zárúr tiykarǵı azıq-awqat ónimleri ushın suw jetip barmaǵan.
Joqarıdaǵılar menen bir qatarda, awıl xojalıǵı eginleriniń durıs jaylastırılmawı hám rejedegi eginlerdiń tolıq egilmewi nátiyjesinde hár jılı xalıqtıń azıq-awqat ónimlerine bolǵan talabınıń támiyinleniw dárejesi tómen bolıp qalmaqta.
Sonıń menen birge, 2022-jılı diyqan xojalıqların shólkemlestiriw ushın belgilengen 462 gektar jer maydanları ajıratılmastan qalǵan. Rejege salıstırǵanda talap dárejesinde salı tapsırılmaǵan. Bulardan tısqarı, ótken 2022-jılda nızamsız salı ekken subektlerge qollanılǵan járiyma tolıq óndirilmegen.
Sonday-aq, paxtashılıq hám ǵálle jetistiriw jónelisindegi jumıslar da qanaatlandırarsız dárejede shólkemlestirilgen. Klasterler tárepinen fermerlerge beriliwi kerek qarızdarlıq tolıq berilmegen.
Sharwashılıqtı rawajlandırıw baǵdarında alıp barılıp atırǵan ilajlar da búgingi kúnniń talabına juwap bermeydi. Eń ashınarlısı, 59 sharwashılıqqa qánigelestirilgen fermer xojalıqlarında 1 bas ta qara mal joq. Rayonlarda 8 sharwashılıqqa qánigelesken hám 4 qusshılıqqa qánigelesken kompleksler paydalanbay bos turǵanlıǵı anıqlanǵan. Usılar menen bir qatarda, 179 sharwashılıq xojalıqlarında rejede belgilenbegen 3 639 gektar maydanǵa salı ekken fakt anıqlanǵan.
Íssıxana sharayatında ónim jetistiriw dárejesi de respublika boyınsha talap dárejesinde jolǵa qoyılmaǵan.
Májilis dawamında usı sıyaqlı bir qatar jónelislerdegi qáte-kemshilikler sınǵa alındı. Ásirese, suw tamtarıslıǵı dáwirinde suw xojalıǵı tarawında bir qatar kemshiliklerge jol qoyılǵanlıǵı nátiyjesinde suwdan únemli paydalanbaw jaǵdayı kóbeygeni ayrıqsha sınǵa alındı. Eń ashınarlısı, «Ámiwdárya» dáryası boyına qurılǵan 120 dana nasos agregatlarınıń 47 danası nızamsız qurılǵanlıǵı anıqlanǵan.
Agroklasterler jumısları, awıl xojalıǵı tarawına investiciya joybarların engiziw, ónimlerdi eksportqa jiberiw, agrologistika orayların rawajlandırıw hám zamanagóy laboratoriyalar sanın kóbeytiw boyınsha jumıslar da qanaatlandırarsız dárejede qalmaqta.
Májilis dawamında Joqarǵı Keńes Baslıǵı awıl xojalıǵı tarawındaǵı bar bolǵan kemshiliklerdi saplastırıw, bıyılǵı egis mapazında ótken 2022-jılda jol qoyılǵan kemshiliklerdi boldırmaw, belgilengen rejege muwapıq jumıslardı shólkemleskenlik penen alıp barıw, eń baslısı, barlıq orınlarda nızam ústemligin támiyinlew boyınsha juwapkerlerge anıq tapsırmalar berilip, aldaǵı wazıypalar belgilep berildi.
Onda awıl hám suw xojalıǵı, sharwashılıqtı rawajlandırıw, azıq-awqat qáwipsizligin támiyinlew baǵdarında alıp barılıp atırǵan ilajlar hám de usı tarawlardaǵı sheshimin kútip turǵan mashqalalar haqqındaǵı máseleler qarap shıǵıldı.
Sonǵı jılları elimizde awıl xojalıǵı tarawın modernizaciyalaw, azıq-awqat qáwipsizligin támiyinlew, tarawǵa bazar qatnasıqların keńnen en jaydırıw, innovaciyalıq texnologiyalardı tartıw baǵdarında keń kólemli reformalar alıp barılmaqta.
Awıl xojalıǵı tarawında usınday iygilikli jumıslar dawam etip atırǵan bir waqıtta, ayırım baǵdarlarda, atap aytqanda, azıq-awqat káwipsizligin támiyinlew hám ishki bazarlarımızda tutınıwǵa sapalı awıl xojalıǵı ónimlerin jetkerip beriw baǵdarında orınlarda ámelge asırılıp atırǵan ayırım jumıslar talap dárejesinde júrgizilmey atır. Ótkerilgen májiliste Joqarǵı Keńes Baslıǵı tárepinen bul baǵdardaǵı jumıslar keń túrde qarap shıǵılıp, kemshilikler sın kóz-qarasta talqılandı.
Yaǵnıy, biyday, kartoshka, palız ónimleri, dánli eginler, sobıqlı ósimlikler hám maylı eginler rejege salıstırǵanda kem egilgen. 11 rayonda hákimlik rezervindegi egislik jerlerine hesh bir hújjetsiz awıl xojalıǵı eginleri egiliwine jol qoyılǵan. Bunnan tısqarı, baǵshılıq jónelisindegi jumıslar da talap dárejesinde orınlanbaǵan.
Ámiwdárya, Qanlıkól, Xojeli rayonlarında rejede belgilenbegen bolsa da, nızamsız salı egilip, nátiyjede xalıqqa zárúr tiykarǵı azıq-awqat ónimleri ushın suw jetip barmaǵan.
Joqarıdaǵılar menen bir qatarda, awıl xojalıǵı eginleriniń durıs jaylastırılmawı hám rejedegi eginlerdiń tolıq egilmewi nátiyjesinde hár jılı xalıqtıń azıq-awqat ónimlerine bolǵan talabınıń támiyinleniw dárejesi tómen bolıp qalmaqta.
Sonıń menen birge, 2022-jılı diyqan xojalıqların shólkemlestiriw ushın belgilengen 462 gektar jer maydanları ajıratılmastan qalǵan. Rejege salıstırǵanda talap dárejesinde salı tapsırılmaǵan. Bulardan tısqarı, ótken 2022-jılda nızamsız salı ekken subektlerge qollanılǵan járiyma tolıq óndirilmegen.
Sonday-aq, paxtashılıq hám ǵálle jetistiriw jónelisindegi jumıslar da qanaatlandırarsız dárejede shólkemlestirilgen. Klasterler tárepinen fermerlerge beriliwi kerek qarızdarlıq tolıq berilmegen.
Sharwashılıqtı rawajlandırıw baǵdarında alıp barılıp atırǵan ilajlar da búgingi kúnniń talabına juwap bermeydi. Eń ashınarlısı, 59 sharwashılıqqa qánigelestirilgen fermer xojalıqlarında 1 bas ta qara mal joq. Rayonlarda 8 sharwashılıqqa qánigelesken hám 4 qusshılıqqa qánigelesken kompleksler paydalanbay bos turǵanlıǵı anıqlanǵan. Usılar menen bir qatarda, 179 sharwashılıq xojalıqlarında rejede belgilenbegen 3 639 gektar maydanǵa salı ekken fakt anıqlanǵan.
Íssıxana sharayatında ónim jetistiriw dárejesi de respublika boyınsha talap dárejesinde jolǵa qoyılmaǵan.
Májilis dawamında usı sıyaqlı bir qatar jónelislerdegi qáte-kemshilikler sınǵa alındı. Ásirese, suw tamtarıslıǵı dáwirinde suw xojalıǵı tarawında bir qatar kemshiliklerge jol qoyılǵanlıǵı nátiyjesinde suwdan únemli paydalanbaw jaǵdayı kóbeygeni ayrıqsha sınǵa alındı. Eń ashınarlısı, «Ámiwdárya» dáryası boyına qurılǵan 120 dana nasos agregatlarınıń 47 danası nızamsız qurılǵanlıǵı anıqlanǵan.
Agroklasterler jumısları, awıl xojalıǵı tarawına investiciya joybarların engiziw, ónimlerdi eksportqa jiberiw, agrologistika orayların rawajlandırıw hám zamanagóy laboratoriyalar sanın kóbeytiw boyınsha jumıslar da qanaatlandırarsız dárejede qalmaqta.
Májilis dawamında Joqarǵı Keńes Baslıǵı awıl xojalıǵı tarawındaǵı bar bolǵan kemshiliklerdi saplastırıw, bıyılǵı egis mapazında ótken 2022-jılda jol qoyılǵan kemshiliklerdi boldırmaw, belgilengen rejege muwapıq jumıslardı shólkemleskenlik penen alıp barıw, eń baslısı, barlıq orınlarda nızam ústemligin támiyinlew boyınsha juwapkerlerge anıq tapsırmalar berilip, aldaǵı wazıypalar belgilep berildi.
Qaraqalpaqstan Respublikası Joqarǵı Keńesiniń Málimleme xızmeti