Taqıyatas rayonındaǵı sharayatı awır máhállelerde keń kólemli jumıslar alıp barılıp, xalıqtıń abadanlıǵı támiyinlenedi
1055
Búgingi kúnde respublikamız aymaǵında xalıqtıń kúndelikli turmısında ushırasıp atırǵan mashqalalarǵa sheshim tabıw, olardıń jasaw jaǵdayın jaqsılaw boyınsha keń kólemli jumıslar alıp barılıp atır. Bul baǵdardaǵı iygilikli jumıslarǵa respublika walayatları da úles qosıp kelmekte.
Házirgi waqıtta Taqıyatas rayonındaǵı awıl hám mákan puqaralar jıyınlarınıń infrastrukturasın jaqsılaw, xalıqqa múnásip turmıs sharayatın jaratıw boyınsha usınday baslamalar baslap jiberilgen.
Búgin Ferǵana wálayatınıń «Baxodir Log‘on Tekstil» klasterinen Taqıyatas rayonınıń awır aymaqları esaplanǵan “Nurlı keleshek” MPJ, Keneges awılı hám “Qusshılıq” MPJ “Áskeriy qalasha” awıllarınıń sociallıq turmıs sharayatın jaqsılaw hám infrastrukturaların jańalaw ushın qayırqomlıq járdem esabında qurılıs hám azıq awqat ónimleri kárwanı 45 júk avtomashinalarında jetip keldi.
Miymanlardı Qaraqalpaqstan Respublikası Joqarǵı Keńesiniń Baslıǵı Amanbay Orınbaev xalqımızǵa tán ashıq kewillilik penen kútip aldı.
Aytıp ótiw orınlı, Ózbekstan Respublikası Ministrler Kabinetiniń “Islam rawajlanıw banki hám OPEK xalıqaralıq rawajlanıw fondı qatnasıwında “Awıllıq orınlardı turaqlı rawajlandırıw” joybarın ámelge asırıw is-ilajları haqqında”ǵı qararı tiykarında Qaraqalpaqstan Respublikasınıń altı (Ámiwdárya, Beruniy, Tórtkúl, Ellikqala, Nókis rayonı hám Taqıyatas) rayonında Islam rawajlanıw banki hám OPEK xalıqaralıq rawajlanıw fondınıń 99,6 mln. AQSh dollar qarjıları esabınan sociallıq taraw hám infrastruktura obektlerinde qurılıs-ońlaw jumısların ámelge asırıw belgilengen.
Qararǵa muwapıq “Awıllıq orınlardı turaqlı rawajlandırıw” joybarı sheńberinde Qaraqalpaqstan Respublikasında 46 máhállede 2022-2025-jıllar dawamında infrastruktura, sociallıq taraw obektleri hám basqa da zárúrli obektlerdi qurıw hám ońlaw rejelestirilgen. Sonnan, birinshi basqıshta 15 máhállede qurılıs-ońlaw hám abadanlastırıw jumısların alıp barıw belgilengen.
Qarar tiykarında Taqıyatas rayonındaǵı “Naymankól” awıl puqaralar jıyını, “Tas awıl”, “Nurlı keleshek” hám “Doslıq” mákan puqaralar jıyınları aymaǵında keń kólemli jumıslar alıp barıladı.
Rejedegi jumıslar qatarında ishki xojalıq jolların ońlaw, elektr hám gaz támiynatın jaqsılaw, tarmaqlar hám tayanısh baǵanaların jańalaw, transformator punktlerin jańasına almastırıw, balalar maydanshaların qurıw hám basqa da áhmiyetli wazıypalar belgilenip alınǵan bolıp, barlıq jumıslar Joqarǵı Keńes Baslıǵınıń jeke qadaǵalawı astında shólkemleskenlik penen alıp barılmaqta.
Ótkerilgen ilajda xalqımızdıń búgingi turmısınan razılıǵın támiyinlew jolında barlıq kúsh-jiger jumsalatuǵınlıǵı hám xalıqqa múnásip turmıs sharayatın jaratıw boyınsha zárúr ilajlar kóriletuǵınlıǵı atap ótilip, dáslepki jumıslar baslap jiberildi.
Miymanlardı Qaraqalpaqstan Respublikası Joqarǵı Keńesiniń Baslıǵı Amanbay Orınbaev xalqımızǵa tán ashıq kewillilik penen kútip aldı.
Aytıp ótiw orınlı, Ózbekstan Respublikası Ministrler Kabinetiniń “Islam rawajlanıw banki hám OPEK xalıqaralıq rawajlanıw fondı qatnasıwında “Awıllıq orınlardı turaqlı rawajlandırıw” joybarın ámelge asırıw is-ilajları haqqında”ǵı qararı tiykarında Qaraqalpaqstan Respublikasınıń altı (Ámiwdárya, Beruniy, Tórtkúl, Ellikqala, Nókis rayonı hám Taqıyatas) rayonında Islam rawajlanıw banki hám OPEK xalıqaralıq rawajlanıw fondınıń 99,6 mln. AQSh dollar qarjıları esabınan sociallıq taraw hám infrastruktura obektlerinde qurılıs-ońlaw jumısların ámelge asırıw belgilengen.
Qararǵa muwapıq “Awıllıq orınlardı turaqlı rawajlandırıw” joybarı sheńberinde Qaraqalpaqstan Respublikasında 46 máhállede 2022-2025-jıllar dawamında infrastruktura, sociallıq taraw obektleri hám basqa da zárúrli obektlerdi qurıw hám ońlaw rejelestirilgen. Sonnan, birinshi basqıshta 15 máhállede qurılıs-ońlaw hám abadanlastırıw jumısların alıp barıw belgilengen.
Qarar tiykarında Taqıyatas rayonındaǵı “Naymankól” awıl puqaralar jıyını, “Tas awıl”, “Nurlı keleshek” hám “Doslıq” mákan puqaralar jıyınları aymaǵında keń kólemli jumıslar alıp barıladı.
Rejedegi jumıslar qatarında ishki xojalıq jolların ońlaw, elektr hám gaz támiynatın jaqsılaw, tarmaqlar hám tayanısh baǵanaların jańalaw, transformator punktlerin jańasına almastırıw, balalar maydanshaların qurıw hám basqa da áhmiyetli wazıypalar belgilenip alınǵan bolıp, barlıq jumıslar Joqarǵı Keńes Baslıǵınıń jeke qadaǵalawı astında shólkemleskenlik penen alıp barılmaqta.
Ótkerilgen ilajda xalqımızdıń búgingi turmısınan razılıǵın támiyinlew jolında barlıq kúsh-jiger jumsalatuǵınlıǵı hám xalıqqa múnásip turmıs sharayatın jaratıw boyınsha zárúr ilajlar kóriletuǵınlıǵı atap ótilip, dáslepki jumıslar baslap jiberildi.
Qaraqalpaqstan Respublikası Joqarǵı Keńesiniń Málimleme xızmeti