Joqarǵı Keńes Baslıǵı basshılıǵında xalıqqa múnásip turmıs sharayatların jaratıw hám máhálleleler infrastrukturasın jaqsılaw baǵdarında ámelge asırılıwı tiyis wazıypalar belgilep alındı
1357
Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında xalıqqa múnásip turmıs sharayatların jaratıw hám máhálleleler infrastrukturasın jaqsılaw baǵdarında ámelge asırılıwı tiyis wazıypalarǵa arnalǵan keńeytirilgen májilis ótkerildi.
Onda Ózbekstan Respublikası Prezidentiniń keńesgóyi T.Xudaybergenov, Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Ótkerilgen májiliste sonǵı jılları “Insan qádiri ushın” principi tiykarında Húrmetli Prezidentimiz basshılıǵında barlıq orınlarda xalıqtı qıynap kiyatırǵan mashqalalarǵa sheshim tabıw, olarǵa múnásip turmıs sharayatların jaratıw maqsetinde keń kólemli jumıslar alıp barılıp atırǵanlıǵı hám bul jumıslar bunnan-bılayda dawam ettiriletuǵınlıǵı atap ótildi.
Bul baǵdarda mektep, baqsha, medicina, mádeniyat, sport obektleri, ishki jollar, ishimlik suw, elektr, gaz támiynatı hám abadanlastırıw menen baylanıslı mashqalalardıń unamlı sheshimin tabıwda barlıq imkaniyatlar jaratılıp berilmekte.
Aytıp ótiw orınlı, Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń baslaması menen “Mehir háreketi” tiykarında qala hám rayonlarımızdaǵı barlıq 424 máhálledegi 367 mıńnan aslam shańaraqlar birme-bir úyrenip shıǵıldı.
Bul jumıslardı shólkemlestiriw maqsetinde qala hám rayonlarǵa juwapkerler biriktirilip, qıstıń qırawlı suwıq kúnlerinde awır turmıs sharayatındaǵı shańaraqlarǵa hár tárepleme ámeliy járdemler kórsetildi.
Sonday-aq, qala hám rayonlarǵa biriktirilgen Tashkent qalası hám wálayatlar hákimleri menen birgelikte “Mehir háreketi” sheńberinde bunday iygilikli baslamalar dawam ettirilmekte.
“Mehir háreketi” sheńberinde máhállelerde ótkerilgen úyreniwler nátiyjesinde awır turmıs sharayatındaǵı shańaraqlardan 21 mıń 94 shańaraqtıń turaq-jayların shiferlaw hámde jasaw ushın jaramsız, avariyalıq jaǵdaydaǵı 709 turaq-jaylardı qayta qurıp beriw kerek ekenligi anıqlanǵan.
Bul alıp barılıwı tiyis zárúr ilajlardıń ámelge asırılıwın támiyinlew maqsetinde Húrmetli Prezidentimizdiń qollap-quwatlawı menen Ministrler Kabinetiniń 2023-jıl 2-fevraldaǵı 52-sanlı “Qaraqalpaqstan Respublikasında puqaralar ushın múnásip turmıs sharayatın jaratıw hám máhálleler infrastrukturasın elede jaqsılaw is-ilajları haqqında”ǵı qararı qabıl etildi.
Atap aytqanda, usı qarar tiykarında 363,9 mlrd. swm qarjılar esabınan turaq-jaylarda qurılıs-ońlaw hámde respublikamızdıń qubla rayonlarındaǵı 2000 km topıraq jollarǵa ЩPS tósew jumısları alıp barılıwı belgilengen.
Sonnan, Tórtkúl, Beruniy, Ellikqala hám Ámiwdárya rayonlarındaǵı turaq-jaylardıń qurılıs-ońlaw jumıslarına 112,3 mlrd.swm mámleketlik byudjet parametrlerinde Prezident tapsırmalarına tiykar aymaqlardı sociallıq-ekonomikalıq rawajlandırıw qárejetleri ushın názerde tutılǵan qarjılar esabınan, qalǵan qala hám rayonlardaǵı turaq-jaylardıń qurılıs ońlaw jumıslarına 231,6 mlrd.swm Qaraqalpaqstan Respublikası, wálayatlar hákimlikleriniń jergilikli byudjet qarjıları esabınan, usı tórt rayonda 2000 km ishki jollarǵa ЩPS tósew jumısları ushın 20 mlrd.swm Ministrler Kabinetiniń rezerv fondı esabınan ajıratılıwı belgilengen.
Májilis dawamında tiyisli taraw wákilleri hám juwapkerlerge aldaǵı belgilengen wazıypalardı orınlaw, eń baslısı, xalqımızdıń búgingi turmısınan razılıǵın támiyinlew jolında ayanbay miynet etiw zárúr ekenligi ayrıqsha tilge alınıp, ámelge asırılıwı tiyis tapsırmalar belgilep alındı.
Onda Ózbekstan Respublikası Prezidentiniń keńesgóyi T.Xudaybergenov, Qaraqalpaqstan Respublikası Ministrler Keńesiniń Baslıǵı F.Ermanov qatnastı.
Ótkerilgen májiliste sonǵı jılları “Insan qádiri ushın” principi tiykarında Húrmetli Prezidentimiz basshılıǵında barlıq orınlarda xalıqtı qıynap kiyatırǵan mashqalalarǵa sheshim tabıw, olarǵa múnásip turmıs sharayatların jaratıw maqsetinde keń kólemli jumıslar alıp barılıp atırǵanlıǵı hám bul jumıslar bunnan-bılayda dawam ettiriletuǵınlıǵı atap ótildi.
Bul baǵdarda mektep, baqsha, medicina, mádeniyat, sport obektleri, ishki jollar, ishimlik suw, elektr, gaz támiynatı hám abadanlastırıw menen baylanıslı mashqalalardıń unamlı sheshimin tabıwda barlıq imkaniyatlar jaratılıp berilmekte.
Aytıp ótiw orınlı, Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń baslaması menen “Mehir háreketi” tiykarında qala hám rayonlarımızdaǵı barlıq 424 máhálledegi 367 mıńnan aslam shańaraqlar birme-bir úyrenip shıǵıldı.
Bul jumıslardı shólkemlestiriw maqsetinde qala hám rayonlarǵa juwapkerler biriktirilip, qıstıń qırawlı suwıq kúnlerinde awır turmıs sharayatındaǵı shańaraqlarǵa hár tárepleme ámeliy járdemler kórsetildi.
Sonday-aq, qala hám rayonlarǵa biriktirilgen Tashkent qalası hám wálayatlar hákimleri menen birgelikte “Mehir háreketi” sheńberinde bunday iygilikli baslamalar dawam ettirilmekte.
“Mehir háreketi” sheńberinde máhállelerde ótkerilgen úyreniwler nátiyjesinde awır turmıs sharayatındaǵı shańaraqlardan 21 mıń 94 shańaraqtıń turaq-jayların shiferlaw hámde jasaw ushın jaramsız, avariyalıq jaǵdaydaǵı 709 turaq-jaylardı qayta qurıp beriw kerek ekenligi anıqlanǵan.
Bul alıp barılıwı tiyis zárúr ilajlardıń ámelge asırılıwın támiyinlew maqsetinde Húrmetli Prezidentimizdiń qollap-quwatlawı menen Ministrler Kabinetiniń 2023-jıl 2-fevraldaǵı 52-sanlı “Qaraqalpaqstan Respublikasında puqaralar ushın múnásip turmıs sharayatın jaratıw hám máhálleler infrastrukturasın elede jaqsılaw is-ilajları haqqında”ǵı qararı qabıl etildi.
Atap aytqanda, usı qarar tiykarında 363,9 mlrd. swm qarjılar esabınan turaq-jaylarda qurılıs-ońlaw hámde respublikamızdıń qubla rayonlarındaǵı 2000 km topıraq jollarǵa ЩPS tósew jumısları alıp barılıwı belgilengen.
Sonnan, Tórtkúl, Beruniy, Ellikqala hám Ámiwdárya rayonlarındaǵı turaq-jaylardıń qurılıs-ońlaw jumıslarına 112,3 mlrd.swm mámleketlik byudjet parametrlerinde Prezident tapsırmalarına tiykar aymaqlardı sociallıq-ekonomikalıq rawajlandırıw qárejetleri ushın názerde tutılǵan qarjılar esabınan, qalǵan qala hám rayonlardaǵı turaq-jaylardıń qurılıs ońlaw jumıslarına 231,6 mlrd.swm Qaraqalpaqstan Respublikası, wálayatlar hákimlikleriniń jergilikli byudjet qarjıları esabınan, usı tórt rayonda 2000 km ishki jollarǵa ЩPS tósew jumısları ushın 20 mlrd.swm Ministrler Kabinetiniń rezerv fondı esabınan ajıratılıwı belgilengen.
Májilis dawamında tiyisli taraw wákilleri hám juwapkerlerge aldaǵı belgilengen wazıypalardı orınlaw, eń baslısı, xalqımızdıń búgingi turmısınan razılıǵın támiyinlew jolında ayanbay miynet etiw zárúr ekenligi ayrıqsha tilge alınıp, ámelge asırılıwı tiyis tapsırmalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti