Berilgen tapsırmalardıń orınlanıwı boyınsha wazıypalar belgilep alındı

Qońırat rayonı hákimliginde rayonlıq Keńestiń deputatları hám puqaralar jıyınları baslıqlarınıń qatnasıwında májilis bolıp ótti. Májiliste Qaraqalpaqstan Respublikası Joqarǵı Keńesiniń Baslıǵı A.Orınbaevtıń basshılıǵında ótkerilgen «Qońırat rayonın sociallıq-ekonomikalıq rawajlandırıw,  kámbaǵallıqtı qısqartıw, xalıqtıń bántligin támiyinlew hám investiciyalıq joybarlardı ámelge asırıw baǵdarındaǵı jumıslar haqqında»ǵı májilis bayanlamasınıń orınlanıwın támiyinlew máseleleri dodalandı. Sonday-aq, Ózbekstan Respublikası Ministrler Kabinetiniń 2023-jıl 2-fevral kúngi «Qaraqalpaqstan Respublikasında xalıq ushın múnásip turmıs sharayatların jaratıw hám máhállelerdiń infrastrukturasın jánede jaqsılaw ilajları haqqında»ǵı qararı talaplarınan kelip shıǵatuǵın wazıypalar dodalanıp, pikir-usınıslar bildirildi. Májiliske Qaraqalpaqstan Respublikası Joqarǵı Keńesiniń komitet baslıǵı Sh.Ótemisov qatnasıp, máhállelerdegi jumıslardıń keshiktiriwge bolmaytuǵınlıǵı atap ótilip, jergilikli keńes deputatları hám máhálle baslıqlarınıń bayanlama sheshiminiń orınlanıwında áhmiyetli wazıypalar belgilep alındı. Atap aytqanda, Qońırat rayonında 2023-jılda «Shańaraqlıq isbilermenlikti rawajlandırıw» baǵdarlaması tiykarında jámi 74,3 milliard sumlıq jeńilletilgen kreditlerdiń tolıq ózlestiriliwin támiyinlew, jıl juwmaǵına shekem jańadan rejedegi 10699 jumıs orınların tolıq jaratıw máselelerinde deputatlıq hám jámiyetlik qadaǵalawdı ámelge asırıw baǵdarında islenetuǵın tiykarǵı jumıslar belgilendi.