Respublikamızdıń egislik maydanların suw menen támiyinlewshi “Oń jaǵalıq” kanalına suw ashıldı
1810
Sonǵı jıllarda respublikamız aymaǵında baqlanıp atırǵan suw jetispewshiligi dáwirinde suwdan nátiyjeli paydalanıwdıń áhmiyeti artıp barmaqta. Usı tiykarda 2022-jıldıń noyabr ayınan 2023-jıldıń fevral ayına shekemgi aralıqta Túyemoyın suw saqlaǵıshında suw jıynalıwına ayrıqsha itibar qaratılatuǵın bolıp, bul dáwirde diyqan-fermerlerimiz jer maydanların shor juwıwǵa tayarlasa, suwshılar irrigaciya tarmaqları hám gidro obektlerin suwǵarıw máwsimine tayarlaydı.
Búgin “Oń jaǵalıq” kanalına Túyemoyın suw saqlaǵıshınan suw ashılıwı múnásibeti menen saltanatlı ilaj ótkerildi.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, sonǵı jıllarǵa salıstırǵanda bıyılǵı jılda suw saqlaǵıshta suw kóbirek jıynalǵanı hám bul óz gezeginde xalqımızdıń mol ırısqı-nesiybesi bolǵan awıl xojalıǵı ónimlerin jetistiriwde áhmiyetli bolǵan aǵın suw jetkerip beriliwinde óziniń sezilerli tásirin tiygizetuǵınlıǵın atap ótti.
Hámmemizge belgili, dáryadan keletuǵın suwdaǵı qum hám ılay aralaspası esabınan kanallarda tazalaw jumısların alıp barıw zárúr boladı. Jáhán banki qatnasıwındaǵı “Qubla Qaraqalpaqstanda suw resursların basqarıwdı jaqsılaw” joybarı sheńberinde “Oń jaǵalıq” , “Bostan” hám basqa kanallarda keń kólemli rekonstrukciya jumısları ámelge asırılmaqta. Sonday-aq, joybar sheńberinde 595 km tiykarǵı hám xojalıqlararalıq suwǵarıw kanalları qayta tiklendi, 29,5 km uzınlıqtaǵı jańa kanallar hámde jańadan 932 dana gidrotexnologiyalıq obektler qurıldı, 15,37 mıń gektar suwǵarılatuǵın maydanlar lazer úskenesi járdeminde tegislendi hámde tereń jumsartıldı.
Bıyılǵı shor juwıw mapazı aldınan da “Oń jaǵalıq” kanalınıń suw alıw bóleginde suw xojalıǵı mákemeleriniń arnawlı texnikaları járdeminde ılaydan tazalaw jumısları alıp barıldı hám kanalǵa suw ashıldı.
Ótkerilgen ilajda Joqarǵı Keńes Baslıǵı tárepinen bar bolǵan suw resurslarınan nátiyjeli paydalanıp, shor juwıw ilajların shólkemleskenlik penen ótkeriw boyınsha tapsırmalar berildi.
Búgin “Oń jaǵalıq” kanalına Túyemoyın suw saqlaǵıshınan suw ashılıwı múnásibeti menen saltanatlı ilaj ótkerildi.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, sonǵı jıllarǵa salıstırǵanda bıyılǵı jılda suw saqlaǵıshta suw kóbirek jıynalǵanı hám bul óz gezeginde xalqımızdıń mol ırısqı-nesiybesi bolǵan awıl xojalıǵı ónimlerin jetistiriwde áhmiyetli bolǵan aǵın suw jetkerip beriliwinde óziniń sezilerli tásirin tiygizetuǵınlıǵın atap ótti.
Hámmemizge belgili, dáryadan keletuǵın suwdaǵı qum hám ılay aralaspası esabınan kanallarda tazalaw jumısların alıp barıw zárúr boladı. Jáhán banki qatnasıwındaǵı “Qubla Qaraqalpaqstanda suw resursların basqarıwdı jaqsılaw” joybarı sheńberinde “Oń jaǵalıq” , “Bostan” hám basqa kanallarda keń kólemli rekonstrukciya jumısları ámelge asırılmaqta. Sonday-aq, joybar sheńberinde 595 km tiykarǵı hám xojalıqlararalıq suwǵarıw kanalları qayta tiklendi, 29,5 km uzınlıqtaǵı jańa kanallar hámde jańadan 932 dana gidrotexnologiyalıq obektler qurıldı, 15,37 mıń gektar suwǵarılatuǵın maydanlar lazer úskenesi járdeminde tegislendi hámde tereń jumsartıldı.
Bıyılǵı shor juwıw mapazı aldınan da “Oń jaǵalıq” kanalınıń suw alıw bóleginde suw xojalıǵı mákemeleriniń arnawlı texnikaları járdeminde ılaydan tazalaw jumısları alıp barıldı hám kanalǵa suw ashıldı.
Ótkerilgen ilajda Joqarǵı Keńes Baslıǵı tárepinen bar bolǵan suw resurslarınan nátiyjeli paydalanıp, shor juwıw ilajların shólkemleskenlik penen ótkeriw boyınsha tapsırmalar berildi.
Qaraqalpaqstan Respublikası Joqarǵı Keńesiniń Málimleme xızmeti