Aral teńiziniń ultanın «jasıl lipas»qa aylandırıw boyınsha jumıslarǵa Joqarǵı Keńes deputatları ózleriniń úlesin qosıp atır
1708
Teńiz sheginse de insan sheginbeydi. Bul urannıń tórkininde úlken mazmun bar desek aljaspaǵan bolamız. Sebebi, búgingi kúnde Aral apatshılıǵı dúnya júzine óziniń tásirin qánshelli tiygizip atırǵan bolsa, usı apatshılıq aqıbetlerin jumsartıw boyınsha alıp barılıp atırǵan jumıslar kólemi de sonshama artıp atır.
Jaqında Joqarǵı Keńes Baslıǵı basshılıǵında Aral teńiziniń qurıǵan ultanın jasıl aymaqlarǵa aylandırıw boyınsha jumıslardıń bıyılǵı jılǵı mapazı baslap jiberilgen edi. Búgin Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev basshılıǵındaǵı deputatları usı iygilikli baslamaǵa ózleriniń úlesin qosıw maqsetinde burın kógalay kók teńiz bolǵan, házirgi waqıtta quw dalańlıqqa aylanǵan Aral teńiziniń qurıǵan maydanlarına bardı.
Deputatlar Aral ultanında jasıl qaplamalardı payda etiw ushın jáwlan urıp xızmet etip atırǵan miynetkeshlerdiń halınan xabar alıp, olarǵa azıq-awqat hám basqa da kerekli ónimlerdi tapsırdı hám keń maydanǵa seksewil, jıńǵıl sıyaqlı shólge shıdamlı ósimliklerdi egiwge kirisip ketti.
Sonǵı jılları Aral teńizi qurıp ketiwiniń unamsız aqıbetlerin jumsartıw, teńizdiń qurıǵan túbinde jasıl qaplamalardı payda etiw hámde degredaciyaǵa ushıraǵan jerlerde ekosistemanı tiklew boyınsha keń kólemli jumıslar ámelge asırılmaqta.
Baslanǵan jumıslarda hár jılı Respublika walayatlarınan kelgen kómekshiler, Toǵay xojalıǵı mámleketlik komiteti, Abadanlastırıw basqarmaları hám jergilikli puqaralar qatnasıp, búgingi kúnge shekem, yaǵnıy 2018-2022-jıllar dawamında jámi 1 mln. 624 mıń gektar maydanlarǵa shól ósimlikleri egilgen. Búgingi kúnde de bul jumıslar qızǵın túrde dawam ettirilmekte.
Jasıl qaplamalardı payda etiwde qatnasıp atırǵan Joqarǵı Keńes deputatları Aral ultanında miynet etip atırǵan taraw pidayıları menen jaqınnan sáwbetlesti hám olardıń bul ámelge asırıp atırǵan tarıyxıy pidayılıqları óziniń kútilgenindey nátiyjesin beretuǵınlıǵına bekkem isenim bildirdi.
Deputatlar Aral ultanında jasıl qaplamalardı payda etiw ushın jáwlan urıp xızmet etip atırǵan miynetkeshlerdiń halınan xabar alıp, olarǵa azıq-awqat hám basqa da kerekli ónimlerdi tapsırdı hám keń maydanǵa seksewil, jıńǵıl sıyaqlı shólge shıdamlı ósimliklerdi egiwge kirisip ketti.
Sonǵı jılları Aral teńizi qurıp ketiwiniń unamsız aqıbetlerin jumsartıw, teńizdiń qurıǵan túbinde jasıl qaplamalardı payda etiw hámde degredaciyaǵa ushıraǵan jerlerde ekosistemanı tiklew boyınsha keń kólemli jumıslar ámelge asırılmaqta.
Baslanǵan jumıslarda hár jılı Respublika walayatlarınan kelgen kómekshiler, Toǵay xojalıǵı mámleketlik komiteti, Abadanlastırıw basqarmaları hám jergilikli puqaralar qatnasıp, búgingi kúnge shekem, yaǵnıy 2018-2022-jıllar dawamında jámi 1 mln. 624 mıń gektar maydanlarǵa shól ósimlikleri egilgen. Búgingi kúnde de bul jumıslar qızǵın túrde dawam ettirilmekte.
Jasıl qaplamalardı payda etiwde qatnasıp atırǵan Joqarǵı Keńes deputatları Aral ultanında miynet etip atırǵan taraw pidayıları menen jaqınnan sáwbetlesti hám olardıń bul ámelge asırıp atırǵan tarıyxıy pidayılıqları óziniń kútilgenindey nátiyjesin beretuǵınlıǵına bekkem isenim bildirdi.
Qaraqalpaqstan Respublikası Joqarǵı Keńesiniń Málimleme xızmeti