Joqarǵı Keńes Baslıǵı múrájatlar menen islesiw hám basqarıw uyımlarınıń málimleme xızmetiniń jumıslarına arnalǵan videoselektor májilisin ótkerdi
2118
Qaraqalpaqstan Respublikası Joqarǵı Keńesiniń Baslıǵı Amanbay Orınbaev múrájatlar menen islesiw hám basqarıw uyımlarınıń málimleme xızmetiniń jumıslarına arnalǵan videoselektor májilisin ótkerdi.
Onda Qaraqalpaqstan Respublikası Ministrler Keńesiniń Baslıǵı F.Ermanov, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Kún tártibinde dáslep múrájatlar menen islesiw baǵdarında jol qoyılǵan bir qatar qáte-kemshilikler talqılandı.
Ótken 2022-jılı múrájatlar menen islesiw, xalıqtı qıynap kiyatırǵan mashqalalardı tıńlaw, olardı qıynap kiyatırǵan kóp jıllıq mashqalaların saplastırıw boyınsha Xalıq múrájatı platforması óz jumısın basladı hám búgingi kúnde tuwrıdan-tuwrı baylanıs arqalı máseleler sheshimin tawıp atır.
Sonǵı waqıtları múrájatlardı unamlı sheshiw boyınsha ayırım basqarıw uyımlarınıń kórsetkishleri tómenlep ketken jaǵdayları ushıraspaqta.
Xalıq múrájatı platformasına kelip túsken múrájatlardıń máseleleri boyınsha analiz etilgende tiykarınan turaq-jay, bántlik hám materiallıq járdem máseleleri boyınsha múrájatlar ayırım qala hám rayonlarda keskin kóbeyip baratırǵanlıǵı anıqlanǵan.
Úyrenilgen múrájatlardıń unamlı sheshiliw dárejesi qala hám rayon hákimlikleri kesiminde qarap shıǵılǵanda ayırım orınlarda talapqa juwap bermeytuǵın jaǵdayları ushıraspaqta. Ellikqala, Shomanay, Beruniy, Nókis rayonlarında múrájatlardıń unamlı sheshiliwi tómen dárejede. Sonıń menen birge, májiliste ayırım múrájatlardıń kórip shıǵıw múddetleri buzılıwı, juwaplı xızmetkerler tárepinen puqaralar múrájatlarına nemquraydılıq penen qarawı hámde ayırım jaǵdaylarda bilim dárejesi jeterli bolmaǵanlıǵı sebepli tákirariy múrájat etiw jaǵdayları ushırasıp atırǵanlıǵı atap ótildi.
Ótkerilgen májiliste sektor basshıları tárepinen ótkerilgen kóshpeli qabıllawlardıń nátiyjeliligi, ayırım sektor basshıları tárepinen puqaralar múrájatların tıńlaw maqsetinde kóshpeli qabıllaw ótkerilmegenligi, sonıń menen birge, isbilermenler múrájatlarına sheshim tabıwdıń qanaatlandırarsız túrde alıp barılıp atırǵanlıǵı sınǵa alındı.
Májilis kún tártibinde keyingi másele jergiligikli hákimiyat hám basqarıw uyımlarınıń málimleme xızmeti jumıslarınıń nátiyjeliligine arnaldı. Onda tarawdaǵı bir qatar qáte-kemshilikler sınǵa alındı.
Búgingi kúnde derlik barlıq mámleketlik hákimiyat hám basqarıw uyımlarınıń veb-saytları eskirgen hám olarda jámiyetshilik ushın áhmiyetsiz esaplanǵan maǵlıwmatlar orın almaqta. Usı kúnge shekem 10 mámleketlik uyımlardıń veb-saytları jolǵa qoyılmaǵan. 11 ministrliktiń óz saytında ashıq maǵlıwmatlar hám óz jumısları menen baylanıslı málimlemeler jarıtılmaǵan hámde jańalıqlar turaqlı berilip barılmay atır.
Bir katar jergilikli hákimiyat hám basqarıw uyımlarınıń rásmiy veb-saytları kiberqáwipsizlik talaplarına juwap bermeydi hám kózi ázziler ushın qolaylıq jaratılmaǵan.
Saytlarǵa kirgizilip atırǵan maǵlıwmatlar basqa dereklerden tek ǵana kóshirip járiyalanıp, qabıl etilgen párman hám qararlardıń mazmunı, orınlarda ámelge asırılıp atırǵan reformalar, puqaralar múrájatlarınıń sheshimi keń túrde sáwlelendirilmey atır.
Sonıń menen birge, óz jumıslarına nemquraydılıq penen qaraǵanlıǵı, mámleketlik baǵdarlamalar sheńberinde ámelge asırılıp atırǵan jumıslardı óz waqtında xalqımızǵa jetkermey, óz wazıypasın talap dárejesinde orınlamaǵanı ushın Ellikqala rayonı hákimligi málimleme xızmetine qatań jaza sharasın qollaw, sonday-aq, Qaraózek rayonı hákimligi málimleme xızmeti baslıǵına intizamıy jaza sharasın qollaw boyınsha tapsırmalar berildi.
Sonıń menen birge Media-rejedegi tapsırmalardıń orınlanıwında jol qoyılǵan qáte kemshilikleri, sociallıq tarmaqlarda bildirilip atırǵan sın pikirlerge rásmiy maǵlıwmat beriwdegi nemquraydılıǵı ushın Bántlik hám miynet qatnasıqları ministrligi menen Mektepke shekemgi bilimlendiriw ministrliginiń málimleme xızmetlerine de intizamıy jaza sharası qollanıldı.
Ótkerilgen májilis dawamında jergilikli hákimiyat hám basqarıw uıymlarınıń xalıq arasında jaqınnan múnásibet ornatılıwın támiyinlew, xalıqqa isenimli qalıs maǵlıwmatlardı óz waqtında jetkerip barıw hám basqa da áhmiyetli máseleler kórip shıǵıldı.
Májilis juwmaǵında aldaǵı ámelge asırılıwı kerek wazıypalar belgilep alındı.
Onda Qaraqalpaqstan Respublikası Ministrler Keńesiniń Baslıǵı F.Ermanov, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Kún tártibinde dáslep múrájatlar menen islesiw baǵdarında jol qoyılǵan bir qatar qáte-kemshilikler talqılandı.
Ótken 2022-jılı múrájatlar menen islesiw, xalıqtı qıynap kiyatırǵan mashqalalardı tıńlaw, olardı qıynap kiyatırǵan kóp jıllıq mashqalaların saplastırıw boyınsha Xalıq múrájatı platforması óz jumısın basladı hám búgingi kúnde tuwrıdan-tuwrı baylanıs arqalı máseleler sheshimin tawıp atır.
Sonǵı waqıtları múrájatlardı unamlı sheshiw boyınsha ayırım basqarıw uyımlarınıń kórsetkishleri tómenlep ketken jaǵdayları ushıraspaqta.
Xalıq múrájatı platformasına kelip túsken múrájatlardıń máseleleri boyınsha analiz etilgende tiykarınan turaq-jay, bántlik hám materiallıq járdem máseleleri boyınsha múrájatlar ayırım qala hám rayonlarda keskin kóbeyip baratırǵanlıǵı anıqlanǵan.
Úyrenilgen múrájatlardıń unamlı sheshiliw dárejesi qala hám rayon hákimlikleri kesiminde qarap shıǵılǵanda ayırım orınlarda talapqa juwap bermeytuǵın jaǵdayları ushıraspaqta. Ellikqala, Shomanay, Beruniy, Nókis rayonlarında múrájatlardıń unamlı sheshiliwi tómen dárejede. Sonıń menen birge, májiliste ayırım múrájatlardıń kórip shıǵıw múddetleri buzılıwı, juwaplı xızmetkerler tárepinen puqaralar múrájatlarına nemquraydılıq penen qarawı hámde ayırım jaǵdaylarda bilim dárejesi jeterli bolmaǵanlıǵı sebepli tákirariy múrájat etiw jaǵdayları ushırasıp atırǵanlıǵı atap ótildi.
Ótkerilgen májiliste sektor basshıları tárepinen ótkerilgen kóshpeli qabıllawlardıń nátiyjeliligi, ayırım sektor basshıları tárepinen puqaralar múrájatların tıńlaw maqsetinde kóshpeli qabıllaw ótkerilmegenligi, sonıń menen birge, isbilermenler múrájatlarına sheshim tabıwdıń qanaatlandırarsız túrde alıp barılıp atırǵanlıǵı sınǵa alındı.
Májilis kún tártibinde keyingi másele jergiligikli hákimiyat hám basqarıw uyımlarınıń málimleme xızmeti jumıslarınıń nátiyjeliligine arnaldı. Onda tarawdaǵı bir qatar qáte-kemshilikler sınǵa alındı.
Búgingi kúnde derlik barlıq mámleketlik hákimiyat hám basqarıw uyımlarınıń veb-saytları eskirgen hám olarda jámiyetshilik ushın áhmiyetsiz esaplanǵan maǵlıwmatlar orın almaqta. Usı kúnge shekem 10 mámleketlik uyımlardıń veb-saytları jolǵa qoyılmaǵan. 11 ministrliktiń óz saytında ashıq maǵlıwmatlar hám óz jumısları menen baylanıslı málimlemeler jarıtılmaǵan hámde jańalıqlar turaqlı berilip barılmay atır.
Bir katar jergilikli hákimiyat hám basqarıw uyımlarınıń rásmiy veb-saytları kiberqáwipsizlik talaplarına juwap bermeydi hám kózi ázziler ushın qolaylıq jaratılmaǵan.
Saytlarǵa kirgizilip atırǵan maǵlıwmatlar basqa dereklerden tek ǵana kóshirip járiyalanıp, qabıl etilgen párman hám qararlardıń mazmunı, orınlarda ámelge asırılıp atırǵan reformalar, puqaralar múrájatlarınıń sheshimi keń túrde sáwlelendirilmey atır.
Sonıń menen birge, óz jumıslarına nemquraydılıq penen qaraǵanlıǵı, mámleketlik baǵdarlamalar sheńberinde ámelge asırılıp atırǵan jumıslardı óz waqtında xalqımızǵa jetkermey, óz wazıypasın talap dárejesinde orınlamaǵanı ushın Ellikqala rayonı hákimligi málimleme xızmetine qatań jaza sharasın qollaw, sonday-aq, Qaraózek rayonı hákimligi málimleme xızmeti baslıǵına intizamıy jaza sharasın qollaw boyınsha tapsırmalar berildi.
Sonıń menen birge Media-rejedegi tapsırmalardıń orınlanıwında jol qoyılǵan qáte kemshilikleri, sociallıq tarmaqlarda bildirilip atırǵan sın pikirlerge rásmiy maǵlıwmat beriwdegi nemquraydılıǵı ushın Bántlik hám miynet qatnasıqları ministrligi menen Mektepke shekemgi bilimlendiriw ministrliginiń málimleme xızmetlerine de intizamıy jaza sharası qollanıldı.
Ótkerilgen májilis dawamında jergilikli hákimiyat hám basqarıw uıymlarınıń xalıq arasında jaqınnan múnásibet ornatılıwın támiyinlew, xalıqqa isenimli qalıs maǵlıwmatlardı óz waqtında jetkerip barıw hám basqa da áhmiyetli máseleler kórip shıǵıldı.
Májilis juwmaǵında aldaǵı ámelge asırılıwı kerek wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti