Joqarǵı Keńes Baslıǵı student jaslar menen ushırasıp, jaqınnan sáwbetlesti
1813
Qaraqalpaqstan Respublikası Joqarǵı Keńesiniń Baslıǵı Amanbay Orınbaev joqarı oqıw orınlarında bilim alıp atırǵan student jaslar menen ushırastı.
Onda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Ótkerilgen ushırasıwda Joqarǵı Keńes Baslıǵı búgingi kúnde jaslardı hár tárepleme qollap-quwatlaw, olardın ozıq-oylı, bilimli hám keleshekte Watanımızdıń rawajlanıwı ushın múnásip úles qosatuǵın jetik insanlar bolıp jetisiwi ushın barlıq múmkinshilikler jaratılǵanlıǵın atap ótti.
Jaqınnan sáwbetlesiw usılında ótkerilgen ushırasıwda student jaslardıń pikirleri hám jańa ideyaları tıńlandı.
Atap ótiw orınlı, erteńgi keleshek iyeleri bolǵan jaslar tárepinen bir qatar áhmiyetli usınıslar da bildirildi hám óz gezeginde Joqarǵı Keńes Baslıǵı tárepinen olardıń hár qanday baslamaları qollap-quwatlanatuǵınlıǵı, talant hám uqıplılıǵın júzege shıǵarıw ushın barlıq imkaniyatlar iske salınatuǵınlıǵı ayrıqsha tilge alındı.
Búgingi kúnde elimizde bilimlendiriw tarawın rawajlandırıw, jańa reformalardı ámelge asırıw mámleket siyasatınıń baslı baǵdarlarınan birine aylanǵan. Mámleketimizde jaslardı joqarı bilimli, fizikalıq hám ruwxıy jaqtan kámil insan etip tárbiyalaw, olardıń qábiletlerin júzege shıǵarıw ushın zárúr bolǵan sharayatlardı jaratıw boyınsha bir qatar ilajlar alıp barılmaqta.
Búgingi kúnge kelip Qaraqalpaqstan Respublikasında joqarı oqıw orınlarınıń sanı 10 ǵa jetti. Sonnan Qaraqalpaqstan medicina institutı, Qaraqalpaqstan awıl xojalıǵı hám agrotexnologiyalar institutları óz aldına institut bolıp qayta shólkemlestirildi. Nátiyjede jaslardı joqarı oqıw orınlarına qamtıp alıw dárejesi 2016-jılı 9 procentti quraǵan bolsa, búgingi kúnge kelip bul kórsetkish 36 procentke jetti. Sonday-aq, joqarı oqıw orınlarında jámi 59 mıńnan aslam jaslarımız bilim almaqta.
Jaqınnan sáwbetlesiw túrinde ótkerilgen ushırasıw dawamında bunday ushırasıwlar jiyi-jiyi ótkerilip turatuǵınlıǵı hár bir joqarı oqıw orınlarında jaslardıń pikirleri tıńlanıwı atap ótildi.
Ótkerilgen ushırasıwda Joqarǵı Keńes Baslıǵı búgingi kúnde jaslardı hár tárepleme qollap-quwatlaw, olardın ozıq-oylı, bilimli hám keleshekte Watanımızdıń rawajlanıwı ushın múnásip úles qosatuǵın jetik insanlar bolıp jetisiwi ushın barlıq múmkinshilikler jaratılǵanlıǵın atap ótti.
Jaqınnan sáwbetlesiw usılında ótkerilgen ushırasıwda student jaslardıń pikirleri hám jańa ideyaları tıńlandı.
Atap ótiw orınlı, erteńgi keleshek iyeleri bolǵan jaslar tárepinen bir qatar áhmiyetli usınıslar da bildirildi hám óz gezeginde Joqarǵı Keńes Baslıǵı tárepinen olardıń hár qanday baslamaları qollap-quwatlanatuǵınlıǵı, talant hám uqıplılıǵın júzege shıǵarıw ushın barlıq imkaniyatlar iske salınatuǵınlıǵı ayrıqsha tilge alındı.
Búgingi kúnde elimizde bilimlendiriw tarawın rawajlandırıw, jańa reformalardı ámelge asırıw mámleket siyasatınıń baslı baǵdarlarınan birine aylanǵan. Mámleketimizde jaslardı joqarı bilimli, fizikalıq hám ruwxıy jaqtan kámil insan etip tárbiyalaw, olardıń qábiletlerin júzege shıǵarıw ushın zárúr bolǵan sharayatlardı jaratıw boyınsha bir qatar ilajlar alıp barılmaqta.
Búgingi kúnge kelip Qaraqalpaqstan Respublikasında joqarı oqıw orınlarınıń sanı 10 ǵa jetti. Sonnan Qaraqalpaqstan medicina institutı, Qaraqalpaqstan awıl xojalıǵı hám agrotexnologiyalar institutları óz aldına institut bolıp qayta shólkemlestirildi. Nátiyjede jaslardı joqarı oqıw orınlarına qamtıp alıw dárejesi 2016-jılı 9 procentti quraǵan bolsa, búgingi kúnge kelip bul kórsetkish 36 procentke jetti. Sonday-aq, joqarı oqıw orınlarında jámi 59 mıńnan aslam jaslarımız bilim almaqta.
Jaqınnan sáwbetlesiw túrinde ótkerilgen ushırasıw dawamında bunday ushırasıwlar jiyi-jiyi ótkerilip turatuǵınlıǵı hár bir joqarı oqıw orınlarında jaslardıń pikirleri tıńlanıwı atap ótildi.
Qaraqalpaqstan Respublikası Joqarǵı Keńesiniń Málimleme xızmeti