Joqarǵı Keńes Baslıǵı respublikamız aymaǵındaǵı sociallıq tarmaqlar belsendileri bolǵan bir qatar blogerler menen ushırastı
1731
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev respublikamız aymaǵındaǵı sociallıq tarmaqlar belsendileri bolǵan bir qatar blogerler menen ushırastı.
Sońǵı jılları elimizde húrmetli Prezidentimizdiń tikkeley qollap-quwatlawı menen sóz erkinligin támiyinlewge hám ǵalaba xabar quralları, sonday-aq, sociallıq tarmaq belsendilerin qollap-quwatlawǵa ayrıqsha itibar qaratılmaqta. Ótkerilgen ushırasıw da shın mánisinde elimizde ashıq-aydınlıqtı támiyinlew baǵdarında ámelge asırılıp atırǵan jumıslardıń ámeliy kórinisiniń biri boldı desek aljaspaǵan bolamız.
Ushırasıwda Joqarǵı Keńes Baslıǵı elimizde “Insan qádiri ushın” principi tiykarında alıp barılıp atırǵan keń kólemli reformalar, qurılıs-ońlaw hám abadanlastırıw jumısları, puqaralar turmısındaǵı unamlı ózgerisler haqqında maǵlıwmat berdi. Bunnan soń óz-ara pikir alısıldı. Haqıyqatında da, Joqarǵı Keńes Baslıǵı blogerler menen ashıq-aydın sáwbetlesti hám óz náwbetinde blolerler tárepinen bir qatar pikir-usınıslar bildirildi.
Jaqın múnásibetler hám ashıq-aydın pikir almasıw formasında ótkerilgen ushırasıwda bunnan bılayda xalıq hám basqarıw uyımları arasında birge islesiwdi kúsheytiw hám bul orında sociallıq tarmaq belsendileriniń xızmetin asırıw zárúrligi atap ótildi. Ushırasıwda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Qaraqalpaqstan Respublikası Joqarǵı Keńesiniń Málimleme xızmeti