Joqarǵı Kenes Baslıǵı ekologiya máselelerine arnalǵan videoselektor májilisin ótkerdi
1335
Qaraqalpaqstan Respublikası Joqarǵı Kenesiniń Baslıǵı Amanbay Orınbaev ekologiya máselelerine arnalǵan videoselektor májilisin ótkerdi.
Onda Qaraqalpaqstan Respublikası Ministrler Keńesiniń Baslıǵı F.Ermanov, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Ótkerilgen májiliste ekologiya hám tábiyattı qorǵaw, aymaqlardı kóklemzarlastırıw tarawında ámelge asırılıwı tiyis baslı wazıypalar qarap shıǵıldı.
Atap ótiw orınlı, búgingi kúnde qorshaǵan ortalıqtı qorǵaw, ekologiyalıq jaǵdaydı jaqsılaw, puqaralar den sawlıǵına hár qıylı shıǵındılar tásiriniń aldın alıw, turmıslıq shıǵındılardı toplaw hám utilizaciya qılıw boyınsha bir qansha ilajlar ámelge asırılıp atır. Tilekke qarsı, bul alıp barılıp atırǵan jumıslarda bir qansha qáte-kemshiliklerge jol qoyılıp, belgilengen wazıypalar talap dárejesinde orınlanbay atır.
Májiliste Joqarǵı Keńes Baslıǵı tarawda jol qoyılıp atırǵan kemshiliklerdi hám artta qalıwshılıq jaǵdayların sınǵa aldı.
Sonday-aq, bir qatar máseleler, sonıń ishinde jasıl mákan ulıwma milliy joybarı sheńberinde ámelge asırılıp atırǵan jumıslar, Toǵay xojalıqları tárepinen miyweli hám dekorativ terek nálleri hám shól ósimlikleri tuqımların tayarlaw jumısları, jeke sektorlar menen birgelikte sharwashılıqtı rawajlandırıw, awıl xojalıǵı ónimlerin jetistiriw, ekologiyalıq qadaǵalawdı alıp barıw, shıǵındılar menen islesiw, ulıwma paydalanıwdaǵı avtomobil jolları boylarına tereklerdi egiw hám olardı saqlaw, awıl xojalıǵı jerlerin samal hám suw eroziyalarınan qorǵaw jumısları boyınsha máseleler kórip shıǵıldı.
Sonıń menen birge, qorǵalatuǵın tábiyiy aymaqlar, Sudoche-Akpetki mámleketlik buyırtpa qorıqxanası, Saygachiy kompleks mámleketlik buyırtpa qorıqxanası, Qubla Ústyurt milliy tábiyat baǵı jumıs alıp barıwı hám Aralboyı innovaciya orayınıń jumısları boyınsha búgingi kúnde ushırasıp atırǵan mashqalalar talqılandı.
Ótkerilgen májilis dawamında jol qoyılǵan qáte-kemshiliklerdi saplastırıw hám bul baǵdarda aldaǵı ámelge asırılıwı tiyis wazıypalar belgilep alındı.
Ótkerilgen májiliste ekologiya hám tábiyattı qorǵaw, aymaqlardı kóklemzarlastırıw tarawında ámelge asırılıwı tiyis baslı wazıypalar qarap shıǵıldı.
Atap ótiw orınlı, búgingi kúnde qorshaǵan ortalıqtı qorǵaw, ekologiyalıq jaǵdaydı jaqsılaw, puqaralar den sawlıǵına hár qıylı shıǵındılar tásiriniń aldın alıw, turmıslıq shıǵındılardı toplaw hám utilizaciya qılıw boyınsha bir qansha ilajlar ámelge asırılıp atır. Tilekke qarsı, bul alıp barılıp atırǵan jumıslarda bir qansha qáte-kemshiliklerge jol qoyılıp, belgilengen wazıypalar talap dárejesinde orınlanbay atır.
Májiliste Joqarǵı Keńes Baslıǵı tarawda jol qoyılıp atırǵan kemshiliklerdi hám artta qalıwshılıq jaǵdayların sınǵa aldı.
Sonday-aq, bir qatar máseleler, sonıń ishinde jasıl mákan ulıwma milliy joybarı sheńberinde ámelge asırılıp atırǵan jumıslar, Toǵay xojalıqları tárepinen miyweli hám dekorativ terek nálleri hám shól ósimlikleri tuqımların tayarlaw jumısları, jeke sektorlar menen birgelikte sharwashılıqtı rawajlandırıw, awıl xojalıǵı ónimlerin jetistiriw, ekologiyalıq qadaǵalawdı alıp barıw, shıǵındılar menen islesiw, ulıwma paydalanıwdaǵı avtomobil jolları boylarına tereklerdi egiw hám olardı saqlaw, awıl xojalıǵı jerlerin samal hám suw eroziyalarınan qorǵaw jumısları boyınsha máseleler kórip shıǵıldı.
Sonıń menen birge, qorǵalatuǵın tábiyiy aymaqlar, Sudoche-Akpetki mámleketlik buyırtpa qorıqxanası, Saygachiy kompleks mámleketlik buyırtpa qorıqxanası, Qubla Ústyurt milliy tábiyat baǵı jumıs alıp barıwı hám Aralboyı innovaciya orayınıń jumısları boyınsha búgingi kúnde ushırasıp atırǵan mashqalalar talqılandı.
Ótkerilgen májilis dawamında jol qoyılǵan qáte-kemshiliklerdi saplastırıw hám bul baǵdarda aldaǵı ámelge asırılıwı tiyis wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti