Respublikamızdıń alıs aymaqların suw menen támiyinlew jumısları Joqarǵı Keńes Baslıǵınıń qadaǵalawında
1300
Respublikamızdıń alıs aymaqlarında jasawshı puqaralardı ishimlik suwı menen támiyinlew, olardıń kúndelikli turmısında paydalanıwı ushın suw jetkerip beriliwin jolǵa qoyıw maqsetinde alıp kelingen burǵılawshı texnikalar járdeminde artezian qudıqların qazıw jumısları Taxtakópir rayonınıń alıs Beltaw APJ aymaǵınan baslanǵan edi.
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ministrler Keńesiniń Baslıǵı F.Ermanov, respublika prokurorı E.Tadjiev hám Ishki isler ministri B.Tórebekovlar Taxtakópir rayonı Beltaw APJ aymaǵında artezian qudıqların qazıw hám Beltaw puqaraların suw menen támiyinlew baǵdarında alıp barılıp atırǵan jumıslardı barıp kórdi.
Házirgi waqıtta awıl puqaralar jıyını aymaǵınan úlken kólemdegi 7 artezian qudıǵınan suw shıǵarıwǵa erisildi. Bunnan tısqarı, jáne 1 qudıqtan tez arada suw shıǵarıladı, tiykarınan shárwashılıq hám aymaq turǵınlarınıń qıytaq jerlerin suw menen támiyinlew hám basqa da usı sıyaqlı awıl xojalıǵı jumısları ushın paydalanıw rejelestirilgen.
Óz náwbetinde bul jumıslar tolıq orınlanıwı menen awıl turǵınları suw menen támiyinlenip, eń baslısı, jańa jerler ashılıwı nátiyjesinde awıl xalqı ushın jańa jumıs orınları da jaratıladı hám aymaq turǵınlarınıń turmıs abadanlıǵı jaqsılanadı.
Atap ótiw orınlı, 167 xojalıqta 1000 nan aslam puqara jasawshı awıl puqaralar jıyını turǵınları aymaqtı jaqsılaw boyınsha alıp barılıp atırǵan jumıslardan minnetdar.
Joqarǵı Keńes Baslıǵı, bunnan soń Dáwqara awıl puqaralar jıyınında jaylasqan 32 xojalıqta 200 ge shamalas turǵınlar jasawshı Diyqan awılında boldı. Turǵınlar menen ushırasıp, awılda sharwa hám basqa da zárúr mútájlikler ushın paydalanıw maqsetinde qazılıp atırǵan artezian qudıqtan suw shıǵarıw jumısların kózden ótkerdi.
Xalıq iygiligi jolında ámelge asırılıp atırǵan bul jumıslar álbette óz nátiyjesin bereri sózsiz. Eń baslısı, bul ámeller xalqımızdıń abadan turmısın támiyinlewge xızmet etedi.
Házirgi waqıtta awıl puqaralar jıyını aymaǵınan úlken kólemdegi 7 artezian qudıǵınan suw shıǵarıwǵa erisildi. Bunnan tısqarı, jáne 1 qudıqtan tez arada suw shıǵarıladı, tiykarınan shárwashılıq hám aymaq turǵınlarınıń qıytaq jerlerin suw menen támiyinlew hám basqa da usı sıyaqlı awıl xojalıǵı jumısları ushın paydalanıw rejelestirilgen.
Óz náwbetinde bul jumıslar tolıq orınlanıwı menen awıl turǵınları suw menen támiyinlenip, eń baslısı, jańa jerler ashılıwı nátiyjesinde awıl xalqı ushın jańa jumıs orınları da jaratıladı hám aymaq turǵınlarınıń turmıs abadanlıǵı jaqsılanadı.
Atap ótiw orınlı, 167 xojalıqta 1000 nan aslam puqara jasawshı awıl puqaralar jıyını turǵınları aymaqtı jaqsılaw boyınsha alıp barılıp atırǵan jumıslardan minnetdar.
Joqarǵı Keńes Baslıǵı, bunnan soń Dáwqara awıl puqaralar jıyınında jaylasqan 32 xojalıqta 200 ge shamalas turǵınlar jasawshı Diyqan awılında boldı. Turǵınlar menen ushırasıp, awılda sharwa hám basqa da zárúr mútájlikler ushın paydalanıw maqsetinde qazılıp atırǵan artezian qudıqtan suw shıǵarıw jumısların kózden ótkerdi.
Xalıq iygiligi jolında ámelge asırılıp atırǵan bul jumıslar álbette óz nátiyjesin bereri sózsiz. Eń baslısı, bul ámeller xalqımızdıń abadan turmısın támiyinlewge xızmet etedi.
Qaraqalpaqstan Respublikası Joqarǵı Keńesiniń Málimleme xızmeti