Qaraqalpaqstan Respublikası Joqarǵı Keńesiniń qırıq birinshi sessiyası haqqında málimleme
1699
2023-jıldıń 21-fevral kúni Qaraqalpaqstan Respublikası Joqarǵı Keńesiniń qırıq birinshi sessiyası bolıp ótti.
Sessiyaǵa Ózbekstan Respublikası Oliy Majlisi Senatı hám Húkimet aǵzaları, Respublika sektor hám taraw basshıları, ǵalaba xabar quralları wákilleri, sonday-aq, Joqarǵı Keńestiń deputatları qatnasıp atır.
Sessiyanı Qaraqalpaqstan Respublikası Joqarǵı Keńesiniń Baslıǵı Amanbay Orınbaev kiris sóz benen ashtı hám basqarıp barmaqta.
Sessiyanıń kún tártibindegi birinshi másele Ekologiya hám qorshaǵan ortalıqtı qorǵaw komiteti tárepinen 2022-jıl dawamında ámelge asırılǵan jumısları haqqında Ekologiya hám qorshaǵan ortalıqtı qorǵaw komiteti baslıǵınıń esabatı tuwralı bolıp, bul másele boyınsha komitet baslıǵı M.Djumaniyazov bayanat jasadı.
Onda 2022-jıl dawamında respublikamız aymaǵında ekologiya hám qorshaǵan ortalıqtı qorǵaw, átirap-aymaqtıń tazalıǵın saqlaw hám basqa da usı baǵdardaǵı áhmiyetli máseleler sóz etildi.
Sessiyanıń kún tártibindegi dáslepki másele boyınsha qarar qabıl etildi.
Keyingi másele, yaǵnıy, puqaralardıń huqıqların qorǵaw, jınayatshılıqtıń aldın alıw hám jınayatshılıqqa qarsı gúresiw baǵdarında 2022-jılda ámelge asırılǵan jumıslar haqqında Qaraqalpaqstan Respublikası prokurorınıń esabatı tuwralı bolıp, bul másele boyınsha Qaraqalpaqstan Respublikası prokurorı E.Tadjiev bayanat jasadı.
Ótkerilip atırǵan sessiyanıń kún tártibindegi keyingi másele Ózbekstan Respublikası Prezidentiniń 2022-jıl 25-oktyabrdegi “2022-2023-jıllarda máhálleler infrastrukturasın jáne de jaqsılaw boyınsha qosımsha ilajlar haqqında”ǵı PQ-408-sanlı qararı talaplarınıń Qaraqalpaqstan Respublikasında orınlanıw barısı boyınsha “Aymaqlıq elektr tarmaqları” akcionerlik jámiyeti aymaqlıq filialı direktorı A.Nurımbetov bayanat jasadı.
Búgingi kúnde húrmetli Prezidentimiz tárepinen qabıl etilgen qararda belgilep berilgen wazıypalardı orınlaw, xalıqqa turaqlı túrde elektr energiyası jetkerip beriliwin támiyinlew, bul baǵdarda energiya tarmaqların jaqsılaw, transformator punktlerin ońlaw, eskilerin jańasına almastırıw boyınsha bir qatar unamlı jumıslar ámelge asırılıp atır. Sessiyada usı orınlanıp atırǵan jumıslarǵa keń túrde toktalıp ótilip, kún tártibindegi másele boyınsha deputatlar tárepinen arnawlı qarar qabıl etildi.
Ótkerilip atırǵan sessiyada Ózbekstan Respublikası Oraylıq banki Qaraqalpaqstan Respublikası Bas basqarması tárepinen 2022-jıl dawamında ámelge asırılǵan jumısları haqqında Oraylıq banktiń Qaraqalpaqstan Respublikası Bas basqarması baslıǵı A.Tileumuratov bayanat jasadı.
Gezektegi másele boyınsha deputatlar tárepinen arnawlı qarar qabıl etildi.
Kún tártibindegi keyingi másele 2022-jılda puqaralar huqıqların hám erkinliklerin, sonıń menen birge, kárxanalar, mákemeler hám shólkemlerdiń huqıqları hámde nızam menen qorǵalatuǵın máplerin sud jolı menen qorǵawdı ámelge asırıwǵa baylanıslı jumısları haqqında Qaraqalpaqstan Respublikası sudı baslıǵı K.Tarixov hám Hákimshilik sudı baslıǵı A.Nurlipesovlar bayanat jasadı.
Másele tolıǵı menen qarap shıǵıldı hám deputatlar tárepinen tiyisli qarar qabıl etildi.
Sessiya kún tártibindegi keyingi másele 2022-jıl dawamında puqaralar jıyınlarınıń materiallıq-texnikalıq bazasın bekkemlew boyınsha ámelge asırılǵan ilajlar haqqında U.Panaevtıń málimlemesi tıńlandı.
Atap ótiw orınlı, búgingi kúnde puqaralar menen tıǵız islesiwshi, birinshiler qatarında olardıń mashqalalarınan xabar tabıwshı uyım jergilikli máhálle puqaralar jıyını esaplanadı. Olardıń nátiyjeli jumıs alıp barıwın támiyinlew baǵdarında qolaylı sharayat jaratıp beriw zárúr hám bul baǵdardaǵı jumıslar búgingi kúnde orınlarda dawam ettirilmekte.
Sessiyada usı máhálle puqaralar jıyınları átirapın abadanlastırıw hám kóklemzarlastırıw boyınsha tapsırma berildi.
Deputatlar tárepinen kún tártibindegi másele boyınsha arnawlı qarar kabıl etildi.
Sessiyanıń qún tártibindegi keyingi másele Qaraqalpaqstan Respublikası Konstituciyalıq baqlaw komiteti aǵzasın saylaw haqqında boldı. Konstituciyalıq baqlaw komitetiniń aǵzalıǵına Joqarǵı Keńes Baslıǵı tárepinen Kallibekov Toǵaytore Shınıbekovichtiń kandidaturası usınıs etildi.
Kún tártibindegi másele boyınsha deputatlar tárepinen tiyisli qarar qabıl etildi hám T.Kallibekov Konstituciyalıq baqlaw komitetine aǵza bolıp saylandı.
“Qaraqalpaqstan Respublikası Konstituciyalıq baqlaw komiteti haqqında”ǵı Qaraqalpaqstan Respublikası Nızamınıń 17-statyasına muwapıq Qaraqalpaqstan Respublikası Konstituciyalıq baqlaw komitetiniń aǵzası bolıp birinshi márte saylanǵan shaxslar ant beriwi belgilengen. Konstituciyalıq baqlaw komitetine aǵza bolıp saylangan Kallibekov Toǵaytore ant berdi.
Sessiyanıń kún tártibindegi keyingi másele Qaraqalpaqstan Respublikası Joqarǵı Keńesiniń ayırım komitetleri quramına ózgerisler hám qosımshalar kirgiziw haqqında boldı.
Bul máseleler boyınsha deputatlar tiyisli qarar qabıl etkennen soń, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqındaǵı másele kórip shıǵıldı.
Deputatlar bul másele boyınsha da tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń qırıq birinshi sessiyası óz jumısın juwmaqladı.
Sessiyanıń kún tártibindegi birinshi másele Ekologiya hám qorshaǵan ortalıqtı qorǵaw komiteti tárepinen 2022-jıl dawamında ámelge asırılǵan jumısları haqqında Ekologiya hám qorshaǵan ortalıqtı qorǵaw komiteti baslıǵınıń esabatı tuwralı bolıp, bul másele boyınsha komitet baslıǵı M.Djumaniyazov bayanat jasadı.
Onda 2022-jıl dawamında respublikamız aymaǵında ekologiya hám qorshaǵan ortalıqtı qorǵaw, átirap-aymaqtıń tazalıǵın saqlaw hám basqa da usı baǵdardaǵı áhmiyetli máseleler sóz etildi.
Sessiyanıń kún tártibindegi dáslepki másele boyınsha qarar qabıl etildi.
Keyingi másele, yaǵnıy, puqaralardıń huqıqların qorǵaw, jınayatshılıqtıń aldın alıw hám jınayatshılıqqa qarsı gúresiw baǵdarında 2022-jılda ámelge asırılǵan jumıslar haqqında Qaraqalpaqstan Respublikası prokurorınıń esabatı tuwralı bolıp, bul másele boyınsha Qaraqalpaqstan Respublikası prokurorı E.Tadjiev bayanat jasadı.
Ótkerilip atırǵan sessiyanıń kún tártibindegi keyingi másele Ózbekstan Respublikası Prezidentiniń 2022-jıl 25-oktyabrdegi “2022-2023-jıllarda máhálleler infrastrukturasın jáne de jaqsılaw boyınsha qosımsha ilajlar haqqında”ǵı PQ-408-sanlı qararı talaplarınıń Qaraqalpaqstan Respublikasında orınlanıw barısı boyınsha “Aymaqlıq elektr tarmaqları” akcionerlik jámiyeti aymaqlıq filialı direktorı A.Nurımbetov bayanat jasadı.
Búgingi kúnde húrmetli Prezidentimiz tárepinen qabıl etilgen qararda belgilep berilgen wazıypalardı orınlaw, xalıqqa turaqlı túrde elektr energiyası jetkerip beriliwin támiyinlew, bul baǵdarda energiya tarmaqların jaqsılaw, transformator punktlerin ońlaw, eskilerin jańasına almastırıw boyınsha bir qatar unamlı jumıslar ámelge asırılıp atır. Sessiyada usı orınlanıp atırǵan jumıslarǵa keń túrde toktalıp ótilip, kún tártibindegi másele boyınsha deputatlar tárepinen arnawlı qarar qabıl etildi.
Ótkerilip atırǵan sessiyada Ózbekstan Respublikası Oraylıq banki Qaraqalpaqstan Respublikası Bas basqarması tárepinen 2022-jıl dawamında ámelge asırılǵan jumısları haqqında Oraylıq banktiń Qaraqalpaqstan Respublikası Bas basqarması baslıǵı A.Tileumuratov bayanat jasadı.
Gezektegi másele boyınsha deputatlar tárepinen arnawlı qarar qabıl etildi.
Kún tártibindegi keyingi másele 2022-jılda puqaralar huqıqların hám erkinliklerin, sonıń menen birge, kárxanalar, mákemeler hám shólkemlerdiń huqıqları hámde nızam menen qorǵalatuǵın máplerin sud jolı menen qorǵawdı ámelge asırıwǵa baylanıslı jumısları haqqında Qaraqalpaqstan Respublikası sudı baslıǵı K.Tarixov hám Hákimshilik sudı baslıǵı A.Nurlipesovlar bayanat jasadı.
Másele tolıǵı menen qarap shıǵıldı hám deputatlar tárepinen tiyisli qarar qabıl etildi.
Sessiya kún tártibindegi keyingi másele 2022-jıl dawamında puqaralar jıyınlarınıń materiallıq-texnikalıq bazasın bekkemlew boyınsha ámelge asırılǵan ilajlar haqqında U.Panaevtıń málimlemesi tıńlandı.
Atap ótiw orınlı, búgingi kúnde puqaralar menen tıǵız islesiwshi, birinshiler qatarında olardıń mashqalalarınan xabar tabıwshı uyım jergilikli máhálle puqaralar jıyını esaplanadı. Olardıń nátiyjeli jumıs alıp barıwın támiyinlew baǵdarında qolaylı sharayat jaratıp beriw zárúr hám bul baǵdardaǵı jumıslar búgingi kúnde orınlarda dawam ettirilmekte.
Sessiyada usı máhálle puqaralar jıyınları átirapın abadanlastırıw hám kóklemzarlastırıw boyınsha tapsırma berildi.
Deputatlar tárepinen kún tártibindegi másele boyınsha arnawlı qarar kabıl etildi.
Sessiyanıń qún tártibindegi keyingi másele Qaraqalpaqstan Respublikası Konstituciyalıq baqlaw komiteti aǵzasın saylaw haqqında boldı. Konstituciyalıq baqlaw komitetiniń aǵzalıǵına Joqarǵı Keńes Baslıǵı tárepinen Kallibekov Toǵaytore Shınıbekovichtiń kandidaturası usınıs etildi.
Kún tártibindegi másele boyınsha deputatlar tárepinen tiyisli qarar qabıl etildi hám T.Kallibekov Konstituciyalıq baqlaw komitetine aǵza bolıp saylandı.
“Qaraqalpaqstan Respublikası Konstituciyalıq baqlaw komiteti haqqında”ǵı Qaraqalpaqstan Respublikası Nızamınıń 17-statyasına muwapıq Qaraqalpaqstan Respublikası Konstituciyalıq baqlaw komitetiniń aǵzası bolıp birinshi márte saylanǵan shaxslar ant beriwi belgilengen. Konstituciyalıq baqlaw komitetine aǵza bolıp saylangan Kallibekov Toǵaytore ant berdi.
Sessiyanıń kún tártibindegi keyingi másele Qaraqalpaqstan Respublikası Joqarǵı Keńesiniń ayırım komitetleri quramına ózgerisler hám qosımshalar kirgiziw haqqında boldı.
Bul máseleler boyınsha deputatlar tiyisli qarar qabıl etkennen soń, Qaraqalpaqstan Respublikası Joqarǵı Keńesi Prezidiumınıń tiyisli qararların tastıyıqlaw haqqındaǵı másele kórip shıǵıldı.
Deputatlar bul másele boyınsha da tiyisli qarar qabıl etti.
Usınıń menen Qaraqalpaqstan Respublikası Joqarǵı Keńesiniń qırıq birinshi sessiyası óz jumısın juwmaqladı.
Qaraqalpaqstan Respublikası Joqarǵı Keńesiniń Málimleme xızmeti