Qaraqalpaqstan Respublikası Joqarǵı Keńesiniń Baslıǵı Amanbay Orınbaev Arqa-Batıs áskeriy okruginde shólkemlestirilgen “Mártlik mektebi” oqıw-jıyınınıń ashılıw máresiminde qatnastı

Házirgi waqıtta elimizde jaslardı hár tárepleme qollap-quwatlaw, olardı jetik, fizikalıq jaqtan shınıqqan, ozıq oylı, kámil insan etip kamalǵa keltiriw, Watansúyiwshilik ruwxında tárbiyalaw baǵdarında keń kólemli jumıslar ámelge asırılıp atır. Búgingi kúnde jámlespegen jaslar arasında “Mártlik mektebi” oqıw-jıyını engizilgen bolıp, usı tiykarda jaslarda Watansúyiwshilik sezimlerin ele de arttırıw, olardı kásipke úyretiw, dene tárbiya hám sportqa keńnen tartıw belgilep alınǵan. Búgin Arqa-Batıs áskeriy okruginde shólkemlestirilgen usınday oqıw-jıyını baslandı. Oqıw-jıyınınıń ashılıw ilajında Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnasıp, jıynalǵanlardı qutlıqladı hám mámleketimizde jaslarǵa jaratıp berilip atırǵan imkaniyatlar hám múmkinshilikler haqqında atap ótti. Ilajda áskeriy kúsh dúzilmeleri tárepinen áskeriy shıǵıwlar hám koncert baǵdarlamaları jıynalǵanlar názerine usınıldı.

Qaraqalpaqstan Respublikası Joqarǵı Keńesiniń Málimleme xızmeti