Málimleme texnologiyaları tarawındaǵı wazıypalar dodalandı
1345
Prezident Shavkat Mirziyoevtiń basshılıǵında 22-fevral kúni taraw hám aymaqlarda sanlastırıw procesin jedellestiriw máseleleri boyınsha videoselektor májilisi ótkerildi.
Keyingi úsh jılda málimleme texnologiyaları tarawına úlken itibar qaratılǵanı óz nátiyjesin berip atır. Ótken jılı IT-park rezidentleri 5 trillion sum muǵdarındaǵı xızmetler kórsetken, 140 million dollar muǵdarındaǵı xızmetlerdi eksport etken.
715 mámleketlik xızmetten 370 i sanlı platformaǵa ótkerilgen bolıp, olardan ótken jılı 12 million xalıq paydalanǵan. Sanlastırıw nátiyjesinde 70 ten aslam túrdegi maǵlıwmat hám hújjetlerdi xalıqtan talap etiw biykar etilgen.
Biraq, bular ele jeterli emes. Taraw hám aymaqlarda isleniwi kerek bolǵan jumıslar kóp. Atap aytqanda, ministrliklerdiń 5 mıń funkciyasınan tek ǵana 30 procenti sanlasqan. Xalıq eń kóp múrájat etetuǵın ishki isler, ádillik, standart, densawlıqtı saqlaw tarawlarında onlaǵan xızmetler elektron formaǵa ótkerilmegen.
Málimleme texnologiyaları tarawında ónimniń de, eksporttıń da tiykarǵı bólegi Tashkent qalasına tuwra kelip atır. Qaraqalpaqstan, Buxara, Namangan, Surxandárya Nawayı hám Tashkent wálayatında IT-parkler elege shekem qurıp pitkerilmegen.
Májiliste usı kemshilikler tallanıp, aldaǵı wazıypalar belgilendi.
Mámleketimizde málimleme texnologiyaları tarawındaǵı xızmetler eksportın keleshekte 1 milliard dollarǵa jetkeriw rejelestirilgen. Bunıń ushın keminde 100 mıń maman programmist, IT-arxitektor, operator hám injenerler kerek. Aymaqlarda joqarı tezliktegi internet tarmaǵın keńeytiw kerek. Sırt elli IT-kompaniyalardıń kóbeyiwi ushın jáne de qolaylı ortalıq jaratıw zárúr. Xalıq hám isbilermenler ushın eń zárúr bolǵan jańa elektron xızmetlerdi iske qosıw kerek.
Mámleketimiz basshısı bul baǵdardaǵı imkaniyatlardı kórsetip ótti.
Bárinen burın, Tashkent qalasında sınaqtan ótken joybarlar barlıq wálayatlarda engiziletuǵını belgilendi. Atap aytqanda, paytaxtımızda Sanlı geoportal, Sanlı turaq jay kommunallıq, Xalıq qadaǵalawı sıyaqlı sistemalar iske qosılǵan edi. Qala hákimliginde Sanlı rawajlanıw departamenti dúzilgen edi. Endi bul departament Sanlı texnologiyalar ministrligine ótkerilip, mámleketimizdiń barlıq aymaqlarında sanlastırıwǵa juwapker bolatuǵını atap ótildi.
Barlıq biznes processler hám xalıq ushın eń zárúr xızmetlerdi tolıq sanlastırıp, integraciyalaw máselesine ayrıqsha itibar qaratıldı.
Bir ǵana mısal: aldın mektep oqıwshılarınıń birden-bir bazası bolmaǵanı sebepli mekteplerde klasslardıń muǵdarı hár qıylı bolǵan. Ótken jılı sentyabrde mektep, baqsha, PHAJ hám ishki isler uyımlarınıń maǵlıwmatları sáykeslestirilgeni nátiyjesinde tiykarsız ashılǵan 4 mıń klass qısqartılǵan hám 350 milliard sum byudjet qarjıları únemlengen.
Mámleketimiz basshısı bunday jumıslardı basqa da tarawlarda ámelge asırıw múmkin ekenin atap ótti. Ekonomika hám qarjı ministrligine bul maqsetler ushın qarjı ajıratıw, sonday-aq, sanlastırıw esabınan jumsalǵan qarjılardıń yarımın ministrlikler hám hákimliklerdiń ózinde qaldırıw boyınsha kórsetpeler berildi.
Sanlı texnologiyalar ministrligine 26 málimleme sistemasın Birden-bir mámleketlik xızmetler portalına birlestirip, ondaǵı xızmetler sanın 570 ke jetkeriw wazıypası qoyıldı.
– Sanlastırıwdan maqsetimiz ne ózi? Adamlardı razı etiw, insan qádirin ornına qoyıw, ádillikti támiyinlew, – dedi Shavkat Mirziyoev.
Prezident jaslardı málimleme texnologiyalarına oqıtıw, jumıs islewine sharayat hám ónimi ushın bazar jaratıw zárúrligin atap ótti.
Bul baǵdarda, 1-aprelden «Elektron húkimet», «Biznes ushın baǵdarlama», bilimlendiriw baǵdarlamaları boyınsha sıylıq qorı 1 million dollar muǵdarındaǵı Respublikalıq tańlaw baslanatuǵını járiyalandı. Sonday-aq, aymaqlarda jaslar jaratqan 50 eń jaqsı programma Sanlastırıw qorları esabınan satıp alınadı.
Keyingi eki jılda elimizde 215 IT-bilimlendiriw orayları ashılǵan. Bunday mákemelerdi jáne olardıń pitkeriwshilerin qollap-quwatlaw ushın finanslıq jeńilliklerdiń beriletuǵını aytıldı. Sonıń ishinde, eksportshı kompaniyalarǵa jumısqa jaylasqan hár bir qánige ushın 25 million sumǵa shekem, imkaniyatı sheklengen jaslarǵa bolsa 35 million sumǵa shekem subsidiya ajıratıladı. IT-sertifikatı bar jaslarǵa kompyuter satıp alıwı ushın jeńilletilgen kredit olardıń jeke plastik kartasına ótkerip beriledi.
«Bir million programmist» joybarı da óz nátiyjesin berdi. Házirgi waqıtta IT-parkler qánigeleriniń kópshiligi usı baǵdarlamanı pitkergen jaslar esaplanadı.
Endi jaslardı «Coursera» platforması arqalı oqıtıw da keńeytiledi. Olardıń arasınan eń qábiletlileri tańlap alınıp, óz aldına baǵdarlama tiykarında xalıqaralıq IT-bazar ushın tayarlanadı.
Májiliste tarawdaǵı eksporttı kóbeytiw máselesine de ayrıqsha toqtap ótildi. Usı jılı bul kórsetkishti 300 million dollarǵa jetkeriw maqset etilgen.
Mámleketimiz basshısı bunıń ushın sırt el buyırtpaların tartıwǵa qosımsha sharayatlar jaratıw zárúrligin atap ótti. Sol sebepli IT-parkte sırt elli kompaniyalar ushın Sanlı finans texnologiyaları orayın dúziw wazıypası qoyıldı.
Májiliste dodalanǵan máseleler boyınsha juwapkerlerdiń málimleme hám usınısları tıńlandı.
Biraq, bular ele jeterli emes. Taraw hám aymaqlarda isleniwi kerek bolǵan jumıslar kóp. Atap aytqanda, ministrliklerdiń 5 mıń funkciyasınan tek ǵana 30 procenti sanlasqan. Xalıq eń kóp múrájat etetuǵın ishki isler, ádillik, standart, densawlıqtı saqlaw tarawlarında onlaǵan xızmetler elektron formaǵa ótkerilmegen.
Málimleme texnologiyaları tarawında ónimniń de, eksporttıń da tiykarǵı bólegi Tashkent qalasına tuwra kelip atır. Qaraqalpaqstan, Buxara, Namangan, Surxandárya Nawayı hám Tashkent wálayatında IT-parkler elege shekem qurıp pitkerilmegen.
Májiliste usı kemshilikler tallanıp, aldaǵı wazıypalar belgilendi.
Mámleketimizde málimleme texnologiyaları tarawındaǵı xızmetler eksportın keleshekte 1 milliard dollarǵa jetkeriw rejelestirilgen. Bunıń ushın keminde 100 mıń maman programmist, IT-arxitektor, operator hám injenerler kerek. Aymaqlarda joqarı tezliktegi internet tarmaǵın keńeytiw kerek. Sırt elli IT-kompaniyalardıń kóbeyiwi ushın jáne de qolaylı ortalıq jaratıw zárúr. Xalıq hám isbilermenler ushın eń zárúr bolǵan jańa elektron xızmetlerdi iske qosıw kerek.
Mámleketimiz basshısı bul baǵdardaǵı imkaniyatlardı kórsetip ótti.
Bárinen burın, Tashkent qalasında sınaqtan ótken joybarlar barlıq wálayatlarda engiziletuǵını belgilendi. Atap aytqanda, paytaxtımızda Sanlı geoportal, Sanlı turaq jay kommunallıq, Xalıq qadaǵalawı sıyaqlı sistemalar iske qosılǵan edi. Qala hákimliginde Sanlı rawajlanıw departamenti dúzilgen edi. Endi bul departament Sanlı texnologiyalar ministrligine ótkerilip, mámleketimizdiń barlıq aymaqlarında sanlastırıwǵa juwapker bolatuǵını atap ótildi.
Barlıq biznes processler hám xalıq ushın eń zárúr xızmetlerdi tolıq sanlastırıp, integraciyalaw máselesine ayrıqsha itibar qaratıldı.
Bir ǵana mısal: aldın mektep oqıwshılarınıń birden-bir bazası bolmaǵanı sebepli mekteplerde klasslardıń muǵdarı hár qıylı bolǵan. Ótken jılı sentyabrde mektep, baqsha, PHAJ hám ishki isler uyımlarınıń maǵlıwmatları sáykeslestirilgeni nátiyjesinde tiykarsız ashılǵan 4 mıń klass qısqartılǵan hám 350 milliard sum byudjet qarjıları únemlengen.
Mámleketimiz basshısı bunday jumıslardı basqa da tarawlarda ámelge asırıw múmkin ekenin atap ótti. Ekonomika hám qarjı ministrligine bul maqsetler ushın qarjı ajıratıw, sonday-aq, sanlastırıw esabınan jumsalǵan qarjılardıń yarımın ministrlikler hám hákimliklerdiń ózinde qaldırıw boyınsha kórsetpeler berildi.
Sanlı texnologiyalar ministrligine 26 málimleme sistemasın Birden-bir mámleketlik xızmetler portalına birlestirip, ondaǵı xızmetler sanın 570 ke jetkeriw wazıypası qoyıldı.
– Sanlastırıwdan maqsetimiz ne ózi? Adamlardı razı etiw, insan qádirin ornına qoyıw, ádillikti támiyinlew, – dedi Shavkat Mirziyoev.
Prezident jaslardı málimleme texnologiyalarına oqıtıw, jumıs islewine sharayat hám ónimi ushın bazar jaratıw zárúrligin atap ótti.
Bul baǵdarda, 1-aprelden «Elektron húkimet», «Biznes ushın baǵdarlama», bilimlendiriw baǵdarlamaları boyınsha sıylıq qorı 1 million dollar muǵdarındaǵı Respublikalıq tańlaw baslanatuǵını járiyalandı. Sonday-aq, aymaqlarda jaslar jaratqan 50 eń jaqsı programma Sanlastırıw qorları esabınan satıp alınadı.
Keyingi eki jılda elimizde 215 IT-bilimlendiriw orayları ashılǵan. Bunday mákemelerdi jáne olardıń pitkeriwshilerin qollap-quwatlaw ushın finanslıq jeńilliklerdiń beriletuǵını aytıldı. Sonıń ishinde, eksportshı kompaniyalarǵa jumısqa jaylasqan hár bir qánige ushın 25 million sumǵa shekem, imkaniyatı sheklengen jaslarǵa bolsa 35 million sumǵa shekem subsidiya ajıratıladı. IT-sertifikatı bar jaslarǵa kompyuter satıp alıwı ushın jeńilletilgen kredit olardıń jeke plastik kartasına ótkerip beriledi.
«Bir million programmist» joybarı da óz nátiyjesin berdi. Házirgi waqıtta IT-parkler qánigeleriniń kópshiligi usı baǵdarlamanı pitkergen jaslar esaplanadı.
Endi jaslardı «Coursera» platforması arqalı oqıtıw da keńeytiledi. Olardıń arasınan eń qábiletlileri tańlap alınıp, óz aldına baǵdarlama tiykarında xalıqaralıq IT-bazar ushın tayarlanadı.
Májiliste tarawdaǵı eksporttı kóbeytiw máselesine de ayrıqsha toqtap ótildi. Usı jılı bul kórsetkishti 300 million dollarǵa jetkeriw maqset etilgen.
Mámleketimiz basshısı bunıń ushın sırt el buyırtpaların tartıwǵa qosımsha sharayatlar jaratıw zárúrligin atap ótti. Sol sebepli IT-parkte sırt elli kompaniyalar ushın Sanlı finans texnologiyaları orayın dúziw wazıypası qoyıldı.
Májiliste dodalanǵan máseleler boyınsha juwapkerlerdiń málimleme hám usınısları tıńlandı.