Joqarǵı Keńes Baslıǵı Bozataw rayonında Prezident qararı orınlanıwı barısın kózden ótkerdi
1656
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Bozataw rayonında boldı.
Dáslep Joqarǵı Keńes Baslıǵı rayondaǵı Bozataw posyolka puqaralar jıyını Mádeniyat awılında bolıp, awıl turǵınları menen ushırastı. Ushırasıwda puqaralar menen jaqınnan sáwbetlesip, olardıń mashqalaların tıńladı.
Sonday-aq, Ózbekstan Respublikası Prezidentiniń 2022-jıl 25-oktyabrdegi «2022-2023-jıllarda máhálleler infrastrukturasın ele de jaqsılaw boyınsha qosımsha is-ilajlar haqqında»ǵı PQ-408-sanlı qararı boyınsha ámelge asırılıp atırǵan ishimlik suw hám ishki jollardı ońlaw jumısların kózden ótkerdi hám qurılıs jumısların óz waqtında sapalı etip juwmaqlaw boyınsha juwapkerlerge anıq tapsırmalar berildi.
Ózbekstan Respublikası Prezidentiniń 2022-jıl 25-oktyabr kúngi "Máhálleler infrastrukturasın ele de jaqsılaw boyınsha qosımsha is-ilajlar haqqında"ǵı PQ-408-sanlı qararına tiykar 2022-2023-jıllarda máhálleler infrastrukturasın rawajlandırıw baǵdarlaması sheńberinde Bozataw rayonı aymaǵında 9 mlrd 297 mln swmlıq isleniwi zárúr bolǵan 6 joybar ámelge asırılıwı belgilengen. Sonnan 4,3 mlrd. swmlıq ishki xojalıq jolların ońlaw boyınsha 4 joybar, 5 mlrd. swmlıq suw tarmaqların qurıw hám ońlaw boyınsha 2 joybar ámelge asırıladı.
Bunnan soń Joqarǵı Keńes Baslıǵı rayon orayındaǵı Bozataw tekstil kárxanası jumısların kózden ótkerdi.
Atap ótiw orınlı, tigiwshilik hám trikotaj ónimlerin islep shıǵarıw menen shuǵıllanıwshı kárxana jumısları qayta shólkemlestirilip, búgingi kúnde 270 ten aslam jańa jumıs orınları jaratılǵan hám bir qatar hayal-qızlardıń bántligi támiyinlengen.
Joqarǵı Keńes Baslıǵı bul jerde jumısshılar ushın jaratılǵan sharayatlar, kárxananıń jumısları, ásbap-úskenelerdiń islew quwatlılıǵın kórip shıqtı hám kárxanada miynet etip atırǵan hayal-qızlar menen jaqınnan sáwbetlesti.
Sonǵı jılları xalqımızdıń abadan turmısın támiyinlew, olarǵa múnásip turmıs sharayatın jaratıw, ásirese, alıs aymaq turǵınları mashqalalarına unamlı sheshim tabıw boyınsha bir qansha jumıslar ámelge asırılıp atır. Bozataw rayonında ámelge asırılıp atırǵan jumıslar da mine usı «Insan qádiri ushın» principi tiykarında turmısqa engizilip atırǵan jumıslardıń ámeliy kórinisi desek aljaspaǵan bolamız.
Sonday-aq, Ózbekstan Respublikası Prezidentiniń 2022-jıl 25-oktyabrdegi «2022-2023-jıllarda máhálleler infrastrukturasın ele de jaqsılaw boyınsha qosımsha is-ilajlar haqqında»ǵı PQ-408-sanlı qararı boyınsha ámelge asırılıp atırǵan ishimlik suw hám ishki jollardı ońlaw jumısların kózden ótkerdi hám qurılıs jumısların óz waqtında sapalı etip juwmaqlaw boyınsha juwapkerlerge anıq tapsırmalar berildi.
Ózbekstan Respublikası Prezidentiniń 2022-jıl 25-oktyabr kúngi "Máhálleler infrastrukturasın ele de jaqsılaw boyınsha qosımsha is-ilajlar haqqında"ǵı PQ-408-sanlı qararına tiykar 2022-2023-jıllarda máhálleler infrastrukturasın rawajlandırıw baǵdarlaması sheńberinde Bozataw rayonı aymaǵında 9 mlrd 297 mln swmlıq isleniwi zárúr bolǵan 6 joybar ámelge asırılıwı belgilengen. Sonnan 4,3 mlrd. swmlıq ishki xojalıq jolların ońlaw boyınsha 4 joybar, 5 mlrd. swmlıq suw tarmaqların qurıw hám ońlaw boyınsha 2 joybar ámelge asırıladı.
Bunnan soń Joqarǵı Keńes Baslıǵı rayon orayındaǵı Bozataw tekstil kárxanası jumısların kózden ótkerdi.
Atap ótiw orınlı, tigiwshilik hám trikotaj ónimlerin islep shıǵarıw menen shuǵıllanıwshı kárxana jumısları qayta shólkemlestirilip, búgingi kúnde 270 ten aslam jańa jumıs orınları jaratılǵan hám bir qatar hayal-qızlardıń bántligi támiyinlengen.
Joqarǵı Keńes Baslıǵı bul jerde jumısshılar ushın jaratılǵan sharayatlar, kárxananıń jumısları, ásbap-úskenelerdiń islew quwatlılıǵın kórip shıqtı hám kárxanada miynet etip atırǵan hayal-qızlar menen jaqınnan sáwbetlesti.
Sonǵı jılları xalqımızdıń abadan turmısın támiyinlew, olarǵa múnásip turmıs sharayatın jaratıw, ásirese, alıs aymaq turǵınları mashqalalarına unamlı sheshim tabıw boyınsha bir qansha jumıslar ámelge asırılıp atır. Bozataw rayonında ámelge asırılıp atırǵan jumıslar da mine usı «Insan qádiri ushın» principi tiykarında turmısqa engizilip atırǵan jumıslardıń ámeliy kórinisi desek aljaspaǵan bolamız.
Qaraqalpaqstan Respublikası Joqarǵı Keńesiniń Málimleme xızmeti