«Ózbekstan – ulıwma úyimiz» atamasında doslıq festivalı bolıp ótti
2011
Usı jıldıń 23-fevral kúni Berdaq atındaǵı Qaraqalpaq mámleketlik akademiyalıq muzıkalı teatrında «Ózbekstan – ulıwma úyimiz» atamasında doslıq festivalı bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, elimizde milletleraralıq tatıwlıq, doslıqtı bekkemlew baǵdarında alıp barılıp atırǵan jumıslar, milliy mádeniy oraylar menen islesiwdi ele de jetilistiriwge baǵdarlanǵan ilajlardıń ámelge asırılıp atırǵanlıǵın atap ótti.
Ótkerilgen ilajda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Sonday-aq, ilajda búgingi kúnde elimizde 130 dan aslam hár qıylı millet wákilleri tatıw hám awızbirshilikli túrde jasap, miynet etip, úrp-ádet hám dástúrlerine húrmet penen qaralıp, hár bir milletke tiyisli bayramlardı keń túrde belgilewge ayrıqsha itibar qaratılǵanlıǵı, bul baǵdarda mámleketimizde túrli millet wákilleriniń óz ana tili, kórkem óner hám mádeniyatı, milliy qádiriyatların rawajlandırıwda 150 ge shamalas mádeniy oraylar nátiyjeli jumıs alıp barıp atırǵanlıǵı haqqında keń túrde sóz etildi.
Bunnan soń, doslıq festivalı sheńberinde Ózbekstan mámleketlik kórkem óner hám mádeniyat institutı Nókis filialı jámááti, bir qatar kórkem óner sheberleri hám student-jaslar qatnasıwında koncert baǵdarlaması jıynalǵanlar názerine usınıldı.
Sonday-aq, ilajda búgingi kúnde elimizde 130 dan aslam hár qıylı millet wákilleri tatıw hám awızbirshilikli túrde jasap, miynet etip, úrp-ádet hám dástúrlerine húrmet penen qaralıp, hár bir milletke tiyisli bayramlardı keń túrde belgilewge ayrıqsha itibar qaratılǵanlıǵı, bul baǵdarda mámleketimizde túrli millet wákilleriniń óz ana tili, kórkem óner hám mádeniyatı, milliy qádiriyatların rawajlandırıwda 150 ge shamalas mádeniy oraylar nátiyjeli jumıs alıp barıp atırǵanlıǵı haqqında keń túrde sóz etildi.
Bunnan soń, doslıq festivalı sheńberinde Ózbekstan mámleketlik kórkem óner hám mádeniyat institutı Nókis filialı jámááti, bir qatar kórkem óner sheberleri hám student-jaslar qatnasıwında koncert baǵdarlaması jıynalǵanlar názerine usınıldı.
Qaraqalpaqstan Respublikası Joqarǵı Keńesiniń Málimleme xızmeti