Ellikqala rayonında Prezident qararına tiykar xalıqtıń jasaw jaǵdayın jaqsılaw boyınsha jumıslar dawam etpekte
1162
Ózbekstan Respublikası Prezidentiniń 2022-jıl 25-oktyabrdegi «2022-2023-jıllarda máhálleler infrastrukturasın ele de jaqsılaw boyınsha qosımsha is-ilajlar haqqında»ǵı PQ-408-sanlı qararı boyınsha Ellikqala rayonı aymaǵında bir qatar qurılıs-ońlaw hám abadanlastırıw jumısları alıp barılıwı rejelestirilgen.
Sonnan, 6 joybarda 8,9 mlrd. sumlıq 33 km ishki xojalıq jolların ońlaw, 3 joybar boyınsha 6 mlrd. sumlıq 15 km den zıyat ishimlik suw támiynatı hám aqaba suw tarmaqların jaqsılaw, 2 joybarda 900 mln sumlıq elektr támiynatın jaqsılaw, transformator punktlerin ońlaw, temir beton baǵanaların almastırıw hám 4 mlrd. sum muǵdarındaǵı 4 máhálle puqaralar jıyını imaratın jańadan qurıw belgilengen.
Bunnan tısqarı, Taza baǵ awılınan ótiwshi piyadalar ótiw kópirin hám «Sharq yulduzi» awıl puqaralar jıyını aymaǵınan ótiwshi beton kópirdi ońlaw, gaz tarmaqların rekonstrukciyalaw da rejege kirgizilip, tiyisli qarjılar ajıratılǵan. Búgingi kúnde qarardıń orınlanıwın támiyinlew baǵdarında keń kólemli jumıslar alıp barılıp atır.
Qaraqalpaqstan Respublikası Joqarǵı Keńesiniń Málimleme xızmeti