Rayon hákimlikleri esabında turǵan rezerv jerler hesh bir hújjetsiz paydalanıwǵa kirgizilgen

Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń tapsırması menen awıl xojalıǵı tarawında alıp barılǵan úyreniwler nátiyjesinde bir qansha nızamsız háreketler anıqlanǵan. Atap aytqanda, ótkerilgen monitoring nátiyjesinde rayon hákimlikleriniń rezervinde turǵan 7 157 gektar egislik jerlerge hesh bir hújjetsiz awıl xojalıǵı eginleri egip kelgenligi anıqlanǵan. Atap aytqanda: - Shomanayda 2 408 gektar, Beruniyde 665 gektar, Qanlıkólde 643 gektar, Qaraózekte 436 gektar, Taqıyatasta 392 gektar, Shımbayda 363 gektar, Tórtkúlde 203 gektar, Bozatawda 182 gektar, Qońıratta 107 gektar hám Kegeyli rayonında 89 gektar jer maydanǵa hesh bir hújjetsiz awıl xojalıǵı eginleri egilip kelingen. Bul kemshilikler hákimlerdiń hám taraw basshılarınıń itibarsızlıǵı sebebinen kelip shıqqan. Sonıń menen birge  tiykarǵı túrdegi azıq-awqat ónimleriniń biri bolǵan kartoshka hám pıyazdı jetistiriw boyınsha hesh bir rayonda qánigelesken xojalıqlar shólkemlestirilmegen hám bul xojalıqlardı shólkemlestiriw boyınsha hesh bir másele kóterilmegen. Anıqlanǵan kemshilikler boyınsha juwapkerlerge qatań jaza sharasın qollaw ilajları kórilmekte.

Qaraqalpaqstan Respublikası Joqarǵı Keńesiniń Málimleme xızmeti