Joqarǵı Keńes Baslıǵı basshılıǵında gezektegi keńeytilgen apparat májilisi ótkerildi
1057
Búgin Ministrler Keńesiniń májilisler zalında Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında keńeytilgen apparat májilisi ótkerildi.
Onda Qaraqalpaqstan Respublikası Ministrler Keńesiniń Baslıǵı F.Ermanov hám Qaraqalpaqstan Respublikası Joqarǵı Keńesi Baslıǵınıń Orınbasarı R.Saparbaev qatnastı.
Ótkerilgen májiliste qala hám rayon hákimlikleri, ministrlik hám basqarıw uyımları tárepinen belgilengen tapsırmalardıń orınlanıwı hám aldaǵı ámelge asırılıwı tiyis wazıypalar talqılandı.
Májilis kún tártibinde dáslep byudjetke qosımsha túsimlerdi támiyinlew baǵdarında alıp barılıp atırǵan jumıslarǵa arnalǵan másele qarap shıǵıldı. Bul baǵdarda Salıq basqarması tárepinen orınlanıp atırǵan jumıslar qanaatlandırarsız dárejede ekenligi sınǵa alındı.
Sonıń menen birge, mámleketlik baǵdarlamalar, elimizde ámelge asırılıp atırǵan qurılıs-ońlaw jumısları, sociallıq obektler qurılısı hám abadanlastırıw jumısları, olardıń búgingi kúndegi barısı boyınsha máseleler qarap shıǵıldı.
Sonday-aq, búgingi kúnde respublikamız aymaǵında qayta tikleniwshi energiya dereklerinen paydalanıwdı en jaydırıw, bul baǵdarda quyash panelleri járdeminde jeke menshik turaq jaylarda elektr energiyasın alıwdı shólkemlestiriw, bunıń ushın mámleket tárepinen beriletuǵın hár qıylı jeńillik hám járdemler boyınsha túsinik jumısların alıp barıw máseleleri sóz etildi.
Bunnan tısqarı, májilis dawamında «Jasıl mákan» ulıwma milliy joybarı boyınsha ámelge asırılıp atırǵan jumıslarda jol qoyılıp atırǵan qáte-kemshilikler sınǵa alınıp, juwapkerler eskertildi.
Sonıń menen birge, búgingi kúnde ayırım orınlarda ulıwma bilim beriw mektepleri hám mektepke shekemgi bilimlendiriw mákemelerindegi balalarǵa berilip atırǵan azıq-awqat ónimleriniń sapası menen baylanıslı tekseriw jumısların alıp barıw boyınsha tapsırma berildi.
Májilis juwmaǵında barlıq taraw basshılarına tiyisli tapsırmalar berilip, anıq wazıypalar belgilep alındı.
Ótkerilgen májiliste qala hám rayon hákimlikleri, ministrlik hám basqarıw uyımları tárepinen belgilengen tapsırmalardıń orınlanıwı hám aldaǵı ámelge asırılıwı tiyis wazıypalar talqılandı.
Májilis kún tártibinde dáslep byudjetke qosımsha túsimlerdi támiyinlew baǵdarında alıp barılıp atırǵan jumıslarǵa arnalǵan másele qarap shıǵıldı. Bul baǵdarda Salıq basqarması tárepinen orınlanıp atırǵan jumıslar qanaatlandırarsız dárejede ekenligi sınǵa alındı.
Sonıń menen birge, mámleketlik baǵdarlamalar, elimizde ámelge asırılıp atırǵan qurılıs-ońlaw jumısları, sociallıq obektler qurılısı hám abadanlastırıw jumısları, olardıń búgingi kúndegi barısı boyınsha máseleler qarap shıǵıldı.
Sonday-aq, búgingi kúnde respublikamız aymaǵında qayta tikleniwshi energiya dereklerinen paydalanıwdı en jaydırıw, bul baǵdarda quyash panelleri járdeminde jeke menshik turaq jaylarda elektr energiyasın alıwdı shólkemlestiriw, bunıń ushın mámleket tárepinen beriletuǵın hár qıylı jeńillik hám járdemler boyınsha túsinik jumısların alıp barıw máseleleri sóz etildi.
Bunnan tısqarı, májilis dawamında «Jasıl mákan» ulıwma milliy joybarı boyınsha ámelge asırılıp atırǵan jumıslarda jol qoyılıp atırǵan qáte-kemshilikler sınǵa alınıp, juwapkerler eskertildi.
Sonıń menen birge, búgingi kúnde ayırım orınlarda ulıwma bilim beriw mektepleri hám mektepke shekemgi bilimlendiriw mákemelerindegi balalarǵa berilip atırǵan azıq-awqat ónimleriniń sapası menen baylanıslı tekseriw jumısların alıp barıw boyınsha tapsırma berildi.
Májilis juwmaǵında barlıq taraw basshılarına tiyisli tapsırmalar berilip, anıq wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti