Joqarǵı Keńes Baslıǵı Abadanlastırıw xızmetkerleri menen ushırasıp, maqtanıshlı hám mashaqatlı miynetleri ushın minnetdarshılıq bildirdi
1649
Qaraqalpaqstan Respublikası Joqarǵı Keńesiniń Baslıǵı Amanbay Orınbaevtıń Nókis qalasındaǵı Abadanlastırıw basqarması xızmetkerleri menen ushırasıwı bolıp ótti.
Onda Joqarǵı Keńes Baslıǵı Nókis qalasında ámelge asırılıp atırǵan keń kólemli qurılıs-ońlaw hám abadanlastırıw jumısların ámelge asırıw, qalamız tazalıǵın hám máhállelerdiń abadanlıǵın támiyinlewda taraw pidayılıranıń xızmetleriniń ayrıqsha ekenligin atap ótti.
Aytıp ótiw orınlı, ótken 2022-jılda paytaxtımız Nókis qalasındaǵı máhállelerde burın bolmaǵan qurılıs-ońlaw hám abadanlastırıw jumısları ámelge asırıldı.
Bul iygilikli jumıslar dawamında 33 máhállede 390 km den aslam topıraq jollarǵa ЩPS, 152 km jolǵa asfalt tóseldi. 14 km jol betonlandı. 40 km den aslam piyadalar jolları jańalandı, 150 km den aslam jollar jaqtılandırıldı. Sonday-aq, máhállelerdegi sharayatı awır shańaraqlardıń turaq-jayların ońlaw jumısları alıp barıldı. Bul jumıslar búgingi kúnde de dawam etpekte.
Álbette, usı jumıslardı orınlawda Abadanlastırıw xızmetkerleri pidayılıq penen minsiz xızmet atqardı. Olardıń bul iygilikli jumıslardaǵı salmaqlı xızmeti bárhama húrmet hám itibarǵa ılayıq.
Ótkerilgen ushırasıwda Nókis qalasınıń tazalıǵın saqlaw hám abadanlastırıw jumısların alıp barıwdı ele de jetilistiriw maqsetinde Joqarǵı Keńes Baslıǵı bir qatar taraw xızmetkerlerine arnawlı texnikalardıń giltlerin, jańa xızmet formaları menen birge bahalı sawǵalardı tapsırdı.
Bunnan soń, taraw pidayıları «Qaraqalpaqstan kórkem-óner» sarayında shólkemlestirilgen koncert baǵdarlamasına mirát etildi.
Onda Joqarǵı Keńes Baslıǵı Nókis qalasında ámelge asırılıp atırǵan keń kólemli qurılıs-ońlaw hám abadanlastırıw jumısların ámelge asırıw, qalamız tazalıǵın hám máhállelerdiń abadanlıǵın támiyinlewda taraw pidayılıranıń xızmetleriniń ayrıqsha ekenligin atap ótti.
Aytıp ótiw orınlı, ótken 2022-jılda paytaxtımız Nókis qalasındaǵı máhállelerde burın bolmaǵan qurılıs-ońlaw hám abadanlastırıw jumısları ámelge asırıldı.
Bul iygilikli jumıslar dawamında 33 máhállede 390 km den aslam topıraq jollarǵa ЩPS, 152 km jolǵa asfalt tóseldi. 14 km jol betonlandı. 40 km den aslam piyadalar jolları jańalandı, 150 km den aslam jollar jaqtılandırıldı. Sonday-aq, máhállelerdegi sharayatı awır shańaraqlardıń turaq-jayların ońlaw jumısları alıp barıldı. Bul jumıslar búgingi kúnde de dawam etpekte.
Álbette, usı jumıslardı orınlawda Abadanlastırıw xızmetkerleri pidayılıq penen minsiz xızmet atqardı. Olardıń bul iygilikli jumıslardaǵı salmaqlı xızmeti bárhama húrmet hám itibarǵa ılayıq.
Ótkerilgen ushırasıwda Nókis qalasınıń tazalıǵın saqlaw hám abadanlastırıw jumısların alıp barıwdı ele de jetilistiriw maqsetinde Joqarǵı Keńes Baslıǵı bir qatar taraw xızmetkerlerine arnawlı texnikalardıń giltlerin, jańa xızmet formaları menen birge bahalı sawǵalardı tapsırdı.
Bunnan soń, taraw pidayıları «Qaraqalpaqstan kórkem-óner» sarayında shólkemlestirilgen koncert baǵdarlamasına mirát etildi.
Qaraqalpaqstan Respublikası Joqarǵı Keńesiniń Málimleme xızmeti