Ózbekstan Respublikası Prezidentiniń qararı
Elimizde mámleketlik úlesi bar xojalıq jámiyetleri hám mámleketlik unitar kárxanalarda (keyingi orınlarda – mámleket qatnasıwındaǵı kárxanalar) korporativ basqarıwdı engiziw, olardıń operaciyalıq nátiyjeliligin arttırıw hám ashıq-aydınlıǵın támiyinlew boyınsha sistemalı jumıslardı dawam ettiriw, sonday-aq, mámleket qatnasıwındaǵı kárxanalardıń bazar mexanizmlerine ótiwin jedellestiriw maqsetinde:
- 2023-2025-jıllarda reformalanatuǵın hám operaciyalıq nátiyjeliligi arttırılatuǵın mámleket qatnasıwındaǵı iri kárxanalar dizimi qosımshaǵa muwapıq tastıyıqlansın.
Ózbekstan Respublikası Prezidenti janındaǵı Strategiyalıq reformalar agentligine (keyingi orınlarda – Strategiyalıq reformalar agentligi) usı kárxanalardı reformalaw wazıypası júklensin.
- Strategiyalıq reformalar agentligi «UzAssets» investiciyalıq kompaniyası» AJ (keyingi orınlarda – «UzAssets» investiciyalıq kompaniyası) hám usı qararǵa qosımshada kórsetilgen mámleket qatnasıwındaǵı kárxanalarda mámleketlik akciya paketi (úlesi) boyınsha akcioner (qatnasıwshı) funkciyasın ámelge asıratuǵını;
usı qararǵa qosımshada kórsetilgen mámleket qatnasıwındaǵı kárxanalar ustav kapitalındaǵı mámleketlik akciya paketleri (úlesleri)
«UzAssets» investiciyalıq kompaniyası basqarıwına beriletuǵını;
«UzAssets» investiciyalıq kompaniyası tárepinen oǵan basqarıwǵa berilgen kárxanalardıń atqarıwshı uyımı hám baqlaw keńesi aǵzaların tayınlaw hám sap paydanı bólistiriw máseleleri boyınsha qararlar belgilengen tártipte
kelisilgen halda qabıl etiletuǵını;
«UzAssets» investiciyalıq kompaniyası tárepinen xalıqaralıq konsalting auditorlıq hám investiciya keńesgóyleri, investiciya bankleri hám basqa da qánigelesken kompaniyalardı tartıw eń jaqsı usınısların tańlap alıw tiykarında ámelge asırılatuǵını. Onda, olar menen dúziletuǵın shártnamalardı ekspertizadan ótkeriw talap etilmeytuǵını;
mámleketlik xızmetkerler mámleket qatnasıwındaǵı kárxanalar baqlaw keńesiniń quramına kirgiziliwi múmkin ekeni, bul kárxanalardıń jumısın licenziyalaw, tártipke salıw jáne olardıń finans-xojalıq jumısın tekseriw wazıypaları júklengen mámleketlik uyımlardıń xızmetkerleri (mámleketlik uyımlardıń basshıları hám olardıń orınbasarlarınan tısqarı) oǵan kirmeytuǵını;
basqarılatuǵın investiciyalıq aktivler ortasha jıllıq bahasınıń keminde 5 procenti muǵdarında óz materiallıq aktivlerine iye bolıw haqqındaǵı talap «UzAssets» investiciyalıq kompaniyasına baylanıslı engizilmeytuǵını belgilensin.
- Strategiyalıq reformalar agentliginiń «UzAssets» investiciyalıq kompaniyasına tómendegi qosımsha wazıypalardı júklew haqqındaǵı usınısı maqullansın:
ekonomika ushın ayrıqsha áhmiyetke iye bolǵan iri kárxanalardı
reformalaw, sonıń ishinde, ekologiyalıq, sociallıq hám korporativ basqarıw
(ESG) principlerin engiziw hám jeke menshik sektordı tartıw;
kárxanalardıń rentabelligi hám operaciyalıq nátiyjeliligin arttırıw, finanslıq turaqlılıǵın támiyinlew hám
biznes-processlerdi optimallastırıw;
Ekonomikalıq birge islesiw hám rawajlanıw shólkeminiń korporativ basqarıw boyınsha usınısların engiziw arqalı ózine basqarıwǵa berilgen kárxanalardıń
nátiyjeli basqarılıwın hám turaqlı rawajlanıwın támiyinlew jáne olardıń bahasın hám investiciyalıq tartımlılıǵın arttırıw;
ózine basqarıwǵa berilgen kárxanalardıń atqarıwshı uyımı hám baqlaw keńesine jergilikli hám sırt elli
maman menedjerlerdi tartıw.
- Strategiyalıq reformalar agentligi hám «UzAssets» investiciyalıq kompaniyasınıń mámleket qatnasıwındaǵı kárxanalardı reformalaw hám basqarıwǵa baylanıslı qárejetlerdi qarjılandırıw dárekleri etip tómendegiler belgilensin:
usı qararǵa qosımshada keltirilgen mámleket qatnasıwındaǵı kárxanalar tárepinen mámleketlik úlesi boyınsha esaplanǵan dividendler (nızam hújjetlerine tiykarlanıp Ózbekstan Respublikası Mámleketlik byudjetine ótkeriletuǵın bólegi buǵan kirmeydi);
Ózbekstan Respublikası Prezidenti janındaǵı Strategiyalıq reformalar agentligin qollap-quwatlaw qorınıń qarjıları;
nızamshılıq hújjetlerinde qadaǵan etilmegen basqa da dárekler.
- Mámleketlik aktivlerdi basqarıw agentligi, tiyisli ministrlikler hám uyımlar menen eki hápte múddette usı qararda názerde tutılǵan ózlerine tiyisli akciya paketleri (úlesleri) Strategiyalıq reformalar agentligine ótkeriliwin támiyinlesin.
- Strategiyalıq reformalar agentligi (Sh.Vafaev):
a)
bir ay múddette:
«UzAssets» investiciyalıq kompaniyasınıń shólkemlestiriwshilik strukturası hám ishki korporativ hújjetlerin tastıyıqlasın, atqarıwshı uyım hám baqlaw keńesiniń quramın qáliplestirsin;
«UzAssets» investiciyalıq kompaniyası tárepinen oǵan basqarıwǵa berilgen hár bir kárxanaǵa konsultantlar tartılıwın támiyinlesin hám kárxanalardı reformalaw grafigin tastıyıqlasın;
Mámleketlik aktivlerdi basqarıw agentligi menen birgelikte nızamshılıq hújjetlerine usı qarardan kelip shıǵatuǵın ózgerisler hám qosımshalar haqqındaǵı usınısların kirgizsin;
b)
eki ay múddette «UzAssets» investiciyalıq kompaniyasınıń nátiyjelilik áhmiyetli kórsetkishlerin nezerde tutqan halda, onıń biznes rejesin tastıyıqlasın;
v)
2023-jıl 1-iyulǵa shekem «UzAssets» investiciyalıq kompaniyası tárepinen oǵan basqarıwǵa berilgen kárxanalardıń biznes-rejeleri qayta kórip shıǵılıwın támiyinlesin.
- Usı qarardıń orınlanıwın qadaǵalaw Ózbekstan Respublikası Prezidenti Administraciyasınıń basshısı S.U.Umurzakovqa júklensin.
Ózbekstan Respublikası Prezidenti Sh.MIRZIYoEV
