Respublikamızǵa jańa "Tez járdem" avtotransportları alıp kelindi
1483
Búgin Respublikamız aymaǵına nawqaslarǵa “Tez járdem” xızmetin usınıwdıń sapasın jaqsılaw, medicinalıq járdem kórsetiwdi jetilistiriw maqsetinde 10 dana jańa avtotransport quralları alıp kelindi. Qaraqalpaqstan Respublikası Densawlıqtı saqlaw ministrliginde “Tez járdem” bólimleri ushın ajıratılǵan 10 dana zamanagóy “Volkswagen Caddy” avtotransportları giltleri saltanatlı túrde tapsırıldı. Aytıp ótiw orınlı, usı jıldıń yanvar ayında usınday zamanagóy tez járdem avtotransportlarınan 10 danası alıp kelinip, rayonlıq medicina birlespelerine tapsırılǵan edi. Aradan kóp waqıt ótpesten jáne 10 jańa tez járdem mashinaları respublikamızǵa alıp kelindi.
Qaraqalpaqstan Respublikası Joqarǵı Keńesiniń Málimleme xızmeti