Joqarǵı Keńes Baslıǵı Qaraózek rayonı jasları menen ushırastı
1674
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonında bir qatar jasları menen ushırastı.
Ótkerilgen ushırasıwda Joqarǵı Keńes Baslıǵı búgingi kúnde jaslarǵa jaratılıp berilip atırǵan imkaniyatlar hám olarǵa húrmetli Prezidentimizdiń ayrıqsha itibarı joqarı ekenligin atap ótti.
Aytıp ótiw orınlı, búgingi kúnde elimizde jaslardı ozıq oylı, joqarı bilimli, fizikalıq jaqtan shınıqqan hám ruwxıy bay insan etip tárbiyalaw, olardıń qábiletlerin júzege shıǵarıw ushın zárúr sharayatlar jaratıw boyınsha bir qatar ilajlar ámelge asırılıp kelinbekte. Jaslarǵa itibar mámleketlik siyasat dárejesine kóterilip, barlıq baǵdarlarda olar hár tárepleme qollap-quwatlanıp atır.
Shınında da, házirgi waqıtta jámiyetimizdiń barlıq tarawlarında jaslardıń belsendiligin arttırıwǵa ayrıqsha itibar qaratılıp, bul baǵdarda keń kólemli ilajlar ámelge asırılmaqta. Sebebi, Jaslar – tiykarǵı kúshimiz hám erteńgi keleshegimizdiń qurıwshıları bolıp tabıladı.
Ayrıqsha aytıp ótiwimiz kerek, húrmetli Prezidentimiz tárepinen qabıl etilgen párman hám qararlar jaslarımızdıń bántligin támiyinlewde, olardıń kásip-óner iyelewinde, ózleriniń ideya hám joybarların ámelge asırıwda, kishi biznes hám isbilermenlik jumısın alıp barıwında áhmiyetli orın tutıp, qosımsha imkaniyatlardı jaratıp bermekte.
Sonday-aq, búgingi kúnde jaslardıń mashqalaların “máhállebay” úyreniw hámde sheshiw sisteması jolǵa qoyıldı. Barlıq máhállelerde jaslar menen tikkeley islesetuǵın jaslar jetekshileri lawazımları engizilip, olarǵa zárúrli sharayatlar jaratıldı.
Ótkerilgen ushırasıw ashıq pikirlesiw usılında bolıp, rayon jasları Joqarǵı Keńes Baslıǵına ózleriniń mashqalaları menen birge pikir hám usınısların bildirdi.
Máselen, Qaraózek awıl puqaralar jıyını turǵını B.Bazarbaev anasınıń nawqas ekenligin hám onı emlewxanaǵa jatqarıwda biraz qolı keltelik etip atırǵanlıǵın aytıp múrájat etti. B.Bazarbaevtıń múrájatı sol orınnıń ózinde unamlı sheshilip, juwapkerlerge nawqas anasın emletiw boyınsha tapsırma berildi.
Rayondaǵı 33-sanlı mektep oqıtıwshısı A.Qazaqbaeva mektepte oqıwshılarǵa sapalı bilim beriwde kerekli bolǵan elektron doska menen támiyinlewdi soraǵan bolsa, Berdaq APJ turǵını A.Baxiev aymaǵınan sport zal shólkemlestiriw ushın bos imarat ajıratılıwın soradı. Sonday-aq, P.Ayapbergenova rayondaǵı jaslar orayınıń kitapxanasına kerekli bolǵan kitaplar menen támiyinlew boyınsha óz pikirin bildirdi. Jaqında ǵana mártlik mektebinde tárbiyalanǵan F.Maratov rayon jasları ushın Áskeriy garnizonǵa sayaxat shólkemlestiriwdi soradı.
Óz náwbetinde jaslar tárepinen bildirilgen múrájat hám pikir-usınıslar Joqarǵı Keńes Baslıǵı tárepinen sol orınnıń ózinde unamlı sheshimin taptı.
Ushırasıw dawamında bildirilgen pikirlerden kelip shıǵıp, kem támiyinlengen shańaraqlardıń balaları IT tarawında oqıwı ushın oqıw pulları mámleket esabınan tólep beriletuǵın boldı.
Sonıń menen birge, jaslardı Watansúyiwshilik ruwxında tárbiyalaw, olardıń ruwxıy dúnyasın bayıtıw maqsetinde “Ruwxıylıq kúni” sheńberinde “Teatr kúni”, “Muzey kúni” belgilep alınıp, belgilengen grafik tiykarında jaslardıń teatr hám muzeylerge sayaxatları shólkemlestiriletuǵın boldı.
Jaslar menen Joqarǵı Keńes Baslıǵınıń ushırasıwı jıynalǵanlarda úlken tásir qaldırdı hám bunday ilajlar bunnan bılay da jiyi-jiyi ótkeriliwi atap ótildi.
Ótkerilgen ushırasıwda Joqarǵı Keńes Baslıǵı búgingi kúnde jaslarǵa jaratılıp berilip atırǵan imkaniyatlar hám olarǵa húrmetli Prezidentimizdiń ayrıqsha itibarı joqarı ekenligin atap ótti.
Aytıp ótiw orınlı, búgingi kúnde elimizde jaslardı ozıq oylı, joqarı bilimli, fizikalıq jaqtan shınıqqan hám ruwxıy bay insan etip tárbiyalaw, olardıń qábiletlerin júzege shıǵarıw ushın zárúr sharayatlar jaratıw boyınsha bir qatar ilajlar ámelge asırılıp kelinbekte. Jaslarǵa itibar mámleketlik siyasat dárejesine kóterilip, barlıq baǵdarlarda olar hár tárepleme qollap-quwatlanıp atır.
Shınında da, házirgi waqıtta jámiyetimizdiń barlıq tarawlarında jaslardıń belsendiligin arttırıwǵa ayrıqsha itibar qaratılıp, bul baǵdarda keń kólemli ilajlar ámelge asırılmaqta. Sebebi, Jaslar – tiykarǵı kúshimiz hám erteńgi keleshegimizdiń qurıwshıları bolıp tabıladı.
Ayrıqsha aytıp ótiwimiz kerek, húrmetli Prezidentimiz tárepinen qabıl etilgen párman hám qararlar jaslarımızdıń bántligin támiyinlewde, olardıń kásip-óner iyelewinde, ózleriniń ideya hám joybarların ámelge asırıwda, kishi biznes hám isbilermenlik jumısın alıp barıwında áhmiyetli orın tutıp, qosımsha imkaniyatlardı jaratıp bermekte.
Sonday-aq, búgingi kúnde jaslardıń mashqalaların “máhállebay” úyreniw hámde sheshiw sisteması jolǵa qoyıldı. Barlıq máhállelerde jaslar menen tikkeley islesetuǵın jaslar jetekshileri lawazımları engizilip, olarǵa zárúrli sharayatlar jaratıldı.
Ótkerilgen ushırasıw ashıq pikirlesiw usılında bolıp, rayon jasları Joqarǵı Keńes Baslıǵına ózleriniń mashqalaları menen birge pikir hám usınısların bildirdi.
Qaraqalpaqstan Respublikası Joqarǵı Keńesiniń Málimleme xızmeti