Konstituciyaǵa usınıslar juwmaǵı boyınsha másláhátlesiwler bolıp ótti
1643
Ózbekstan Respublikası Prezidenti Shavkat Mirziyoev Oliy Majlis Nızamshılıq palatasi deputatları hám Senatı aǵzaları, Joqarı sud adminstraciyası menen ushırastı. Ushırasıwda Konstituciyaǵa ózgeris hám qosımshalar kirgiziw boyınsha xalqımız tárepinen kelip túsken usınıslar juwmaǵı boyınsha másláhátlesiw bolıp ótti.
Deputatlar jámiyetshilik tárepinen jiberilgen 200 mıńnan artıq usınıslardıń hár birin tereń úyrenip shıqtı, bunda xalıqaralıq tájiriybe de esapqa alındı, túrli tarawlardań jetik qánigeler hám ekspertler tartıldı.
Bir neshe ay dawam etken úyreniwler nátiyjesinde Ózbekstan Respublikası Konstituciyasına ózgeris hám qosımshalar kirgiziw haqqındaǵı Konstituciyalıq nızam joybarınıń juwmaqlawshı redakciyası tayarlandı.
Usı nızam joybarında sociallıq-ekonomikalıq, siyasiy hám mámleketlik basqarıwı tarawlarına tiyisli oǵada áhmiyetli ózgerisler sáwlelengeni sebepli nızam joybarın referendumǵa qoyıwdan aldın deputatlar Ózbekstan Respublikası Konstituciyasınıń 83-statyasında belgilengen nızamshılıq baslamasına iye subektler menen másláhátlesiwler ótkerilmekte.
Bunda parlament hám húkimet, jámiyetshilik wákilleri nızam joybarına óz usınısları hám pikirlerin bildirmekte.
Sonday-aq, usı nızam joybarı Konstituciyalıq sud tárepinen ayrıqsha kórip shıǵılıwı hám juwmaq beriliwi atap ótildi.
Másláhátlesiwler dawam etedi.
