Hayal-qızlar bayramı bolıp ótti
2744
Búgin Nókis qalasındaǵı záwlim imaratta «8-mart – Xalıqaralıq hayal-qızlar kúni» múnásibeti menen saltanatlı bayram ilaji ótkerildi. Onda respublikamızdıń barlıq qala hám rayonlarınan kelgen nuranıy analar, jámiyetlik turmısta belsendilik kórsetip, pidayı miynet etip atırǵan hayal-qızlar, túrli ministrlik hám mákemeler wákilleri qatnastı.
Ótkerilgen ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, respublikamız hayal-qızların gózzallıq, oyanıw hám jasarıw áyyyamı bolǵan 8-mart – Xalıqaralıq Hayal-qızlar bayramı menen qızǵın qutlıqladı.
Sonǵı jılları húrmetli Prezidentimiz tárepinen elimizde hayal-qızlardı qollap-quwatlawǵa, olardıń bántligin támiyinlewge, jámiyetlik-siyasiy belsendiligin arttırıwǵa ayrıqsha itibar qaratılmaqta. Ásirese, elimizde gender teńligi máselesi mámleketlik siyasat dárejesine kóterildi.
Sonday-aq, «Hayallar dapteri» jolǵa qoyıldı, hayal-qızlar menen islesiwde «Máhállebay» sistemasınıń engizildi, talantlı qızlarımız ushın hár qıylı sıylıqlar, isbilermen hayal-qızlarımız ushın jeńilletilgen kreditler, qızlarımız ushın joqarı oqıw orınlarında qosımsha kvotalar berilmekte.
Atap aytqanda, bir ǵana ótken jıldın ózinde 970 ten aslam hayal-qızlarımız turaq-jay menen támiyinlendi, 21 mıń 800 den zıyat hayal-qızlarǵa isbilermenlik jumısın baslawı ushın derlik 475 mlrd.swmlıq kreditler ajıratıldı, joqarı hám orta arnawlı oqıw orınlarında bilim alıp atırǵan 5500 den aslam qızlarımızǵa 42,7 mlrd.swmlıq shártnama pulların tólewi ushın 7 jıl múddetke payızsız kreditler ajıratıldı, magistraturada oqıp atırǵan 900 ge jaqın qızlarımızdıń shártnama pulları tólep berildi.
8-mart – Xalıqaralıq hayal-qızlar kúni múnásibeti menen Ózbekstan Respublikası Prezidentiniń arnawlı párman hám qararına muwapıq óziniń nátiyjeli miyneti, bay ámeliy tájiriybesi menen elimizde alıp barılıp atırǵan túpkilikli reformalar procesinde belsene qatnasıp, Jańa Ózbekstandı qurıw, xalqımızdıń abadan turmısın támiyinlew jolında baslama hám úlgi kórsetip kiyatırǵan hayal-qızlarımız orden, medal hám mámleketlik sıylıqlar menen sıylıqlandı.
Atap ótiw kerek, Qaraqalpaqstan Respublikası IIM Operativ izlew xızmeti bólim baslıǵı U.Qurbanbaevaǵa bayram qarsańında Polkovnik dárejesi berildi.
Saltanatlı ilaj dawamında bayram múnásibeti menen Qaraqalpaqstan Respublikası Joqarǵı Keńesi Prezidiumınıń arnawlı qararı tiykarında túrli tarawlarda jemisli miynet etip kiyatırǵan, shańaraqlardıń tatıwlıǵın támiyinlew, perzentlerimizdi ana Watanǵa muhabbat, milliy hám ulıwmainsanıylıq qádiriyatlarǵa húrmet ruwxında tárbiyalaw jolında kórsetken pidákerligi ushın bir topar hayal-qızlarǵa kókirek belgileri tapsırıldı.
Sıylıqlanǵanlar atınan sózge shıqqanlar hayal-qızlarǵa qaratılıp atırǵan úlken mehir hám ayrıqsha itibar ushın Húrmetli Prezidentimizge, respublikamız basshısına óz minnetdarshılıǵın bildirdi.
Ótkerilgen ilaj kórkem óner sheberleriniń koncert baǵdarlaması menen dawam etti.
Sonǵı jılları húrmetli Prezidentimiz tárepinen elimizde hayal-qızlardı qollap-quwatlawǵa, olardıń bántligin támiyinlewge, jámiyetlik-siyasiy belsendiligin arttırıwǵa ayrıqsha itibar qaratılmaqta. Ásirese, elimizde gender teńligi máselesi mámleketlik siyasat dárejesine kóterildi.
Sonday-aq, «Hayallar dapteri» jolǵa qoyıldı, hayal-qızlar menen islesiwde «Máhállebay» sistemasınıń engizildi, talantlı qızlarımız ushın hár qıylı sıylıqlar, isbilermen hayal-qızlarımız ushın jeńilletilgen kreditler, qızlarımız ushın joqarı oqıw orınlarında qosımsha kvotalar berilmekte.
Saltanatlı ilaj dawamında bayram múnásibeti menen Qaraqalpaqstan Respublikası Joqarǵı Keńesi Prezidiumınıń arnawlı qararı tiykarında túrli tarawlarda jemisli miynet etip kiyatırǵan, shańaraqlardıń tatıwlıǵın támiyinlew, perzentlerimizdi ana Watanǵa muhabbat, milliy hám ulıwmainsanıylıq qádiriyatlarǵa húrmet ruwxında tárbiyalaw jolında kórsetken pidákerligi ushın bir topar hayal-qızlarǵa kókirek belgileri tapsırıldı.
Sıylıqlanǵanlar atınan sózge shıqqanlar hayal-qızlarǵa qaratılıp atırǵan úlken mehir hám ayrıqsha itibar ushın Húrmetli Prezidentimizge, respublikamız basshısına óz minnetdarshılıǵın bildirdi.
Ótkerilgen ilaj kórkem óner sheberleriniń koncert baǵdarlaması menen dawam etti.
Qaraqalpaqstan Respublikası Joqarǵı Keńesiniń Málimleme xızmeti