Shomanaylı 3 jas shańaraqtıń neke toyı hám 20 balanıń súnnet toyı ótkerip berildi
1785
Prezidentimizdiń baslaması menen elimizde kem támiyinlengen, sociallıq qollap-quwatlawǵa mútáj hám mayıplıǵı bolǵan puqaraları bar shańaraqlardı qollap-quwatlaw, olarǵa hár tárepleme ǵamxorlıq kórsetiw, sociallıq járdem beriw baǵdarında keń kólemli ilajlar ámelge asırılmaqta. Jaqınlasıp qalǵan múbárek Ramazan ayı aldınan xalıqtıń járdemge mútáj qatlamına járdem beriw sıyaqlı qayırqomlıq hám sawaplı islerdi ámelge asırıw xalqımızǵa tán aǵla pazıyletlerden esaplanadı. Búgin Shomanay rayonındaǵı 3 jas shańaraqtıń neke toyı hám 20 shańaraq balalarınıń súnnet toyınıń saltanatlı máresimi ótkerip berildi. Ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı toy máresimi ótkeriliwi, sonday-aq, elimizde keń túrde dawam etip atırǵan Nawrız saltanatı hám kirip kiyatırǵan múbárek Ramazan ayı múnásibeti menen qızǵın qutlıqladı.
Onda Shomanay rayon hákimi B.Yangibaev hám Shomanay Ekoteks kárxanası baslıǵı Sh.Bazarovlar qatnastı. Saltanatlı túrde ótkerilgen toy máresiminde toy qaxarmanlarına Húrmetli Prezidentimizdiń sawǵaları tapsırıldı. Qáwenderler tárepinen ótkerilip atırǵan toy saltanatı qaraqalpaq estrada qosıqshılarıniń koncert baǵdarlaması menen dawam etti.
Qaraqalpaqstan Respublikası Joqarǵı Keńesiniń Málimleme xızmeti