Menshiklestiriw baǵdarındaǵı wazıypalar belgilendi
1269
Prezident Shavkat Mirziyoev 24-mart kúni mámleketlik múlkti menshiklestiriw jumıslarınıń orınlanıwı hám bul baǵdarda usı jılǵı rejelerdi dodalaw boyınsha májilis ótkerdi.
Menshiklestiriw – ekonomikada mámlekettiń qatnasın azaytıp, múlk iyeleriniń kóbeyiwine jol ashadı. Usı maqsette elimizde bul tarawda úlken jumıslar ámelge asırılmaqta. Sonıń ishinde, ótken on jılda 1,2 trillion sumlıq mámleketlik aktivler satılǵan bolsa, 2022-jıldıń ózinde bul kórsetkish 11,3 trillion sumǵa jetti. Yaǵnıy, sońǵı bir jılda on jıl dawamında islengen jumıslardan 10 ese kóp nátiyjege erisildi.
Menshiklesken múlklerdiń nátiyjeliligi de artpaqta. Mısalı ushın, uzaq jıllar islemegen Ándijan tájiriybe sınaw zavodı tiykarında 18 million dollar investiciya esabınan toqımashılıq kárxanası shólkemlestirilip, mıń jumıs ornı jaratılǵan, 40 million dollarlıq ónim eksport etilgen. Qoqand superfosfat zavodın sırt el ivestorı alıp, 40 million dollar investiciya kirgizgen, óndiris kólemin 4 esege arttırǵan. «Ipoteka bank» 324 million dollarǵa hám «Koka-kola» kompaniyasındaǵı mámleketlik úles 252 million dollarǵa satılǵanı da sońǵı jıllardaǵı eń iri kelisimler boldı.
Bul baǵdardaǵı jumıslar barlıq jerde de bir tegis bolıp atırǵan joq. Máselen, Tashkent wálayatında 112 obekt satılıp, olardıń tiykarında 150 isbilermenlik subekti hám mıńnan asdam jańa jumıs ornı payda bolǵan. Biraq, Qaraqalpaqstan Respublikası, Qashqadárya, Namangan, Surxandárya hám Sırdáryada ótken jılı sawdaǵa shıǵarılǵan múlklerdiń 30 procenti de satılmaǵan. Tarmaqlar kesiminde aytqanda, «Wzdonmahsulot» akcionerlik kompaniyasınıń quramındaǵı múlklerdiń menshiklestiriliwi tómen.
Ulıwma, usı jıldıń basında 30 mıńnan artıq mámleketlik obektte ótkerilgen xatlaw bul boyınsha jumıslar ele kóp ekenligin kórsetken.
Sonıń ushın búgin mámleketimiz basshısınıń qararı menen menshiklestiriw baǵdarlaması tastıyıqlandı. Onda úsh baǵdarda – akciya, kóshpes múlk hám IPO boyınsha menshiklestiriw rejeleri belgilengen.
Birinshiden, 1 mıń kárxanadaǵı mámleketlik akciya paketleri satıwǵa qoyıladı.
Ekinshiden, 1 mıń kóshpes múlk obektleri ǵalabalıq sawdalarǵa qoyıladı. Olarda 600 gektar jer hám 1 million kvadrat metrlik imarat-obektler bar. Eń áhmiyetlisi, infrastruktura menen támiyinlengen hám elatlı punktlerge jaqın.
Bul obektlerdi satıwdı tezlestiriw ushın múlklerdi satıwǵa tayarlaw múddeti házirgi 80 kúnnen 48 kúnge qısqartıladı. 2 mıń kvadrat metrge shekemgi obektlerdi isbilermenlerdiń múrájatı tiykarında tikkeley sawdaǵa shıǵarıwǵa ruqsat beriledi.
Úshinshiden, 40 iri kárxana hám banklerdegi mámlekettiń úlesi «Xalıqshıl IPO» arqalı satıladı. Sonıń ishinde, birinshi márte Nawayı hám Almalıq kombinatları, Metallurgiya kombinatı, «Óztelekom», Milliy bank, Sanaatqurılısbank sıyaqlı iri kárxanalardıń ortasha 2 procent akciyaları xalıqqa beriledi. Onda xalıqqa akciyalardı tikkeley satıp alıw imkaniyatı jaratıladı. Akciyaları satılǵan kárxanalar bes jıl dawamında sap paydasınıń keminde 30 procenti divident tólewge qaratadı.
Esap-sanaqlarǵa bola, bul baǵdarlama nátiyjesinde usı jılı 13 trillion sum túsim támiyinlenedi, 3 mıń jańa kárxana shólkemlestiriw hám 50 mıń jumıs ornın jaratıw imkaniyatı payda boladı.
Májiliste usı wazıypalar barlıq aymaqlar hám tarmaqlar kesiminde dodalandı. Juwapkerler baǵdarlamanıń orınlanıwın támiyinlew boyınsha esabat berdi.
Menshiklestiriletuǵın mámleketlik múlklerdiń imkaniyatın xalıq hám isbilermenler arasında úgit-násiyatlaw, hújjetlerdi rásmiylestiriwde olarǵa járdemlesiw zárúr ekenligi atap ótildi. Iri mámleketlik kompaniyalardı kapital bazarǵa alıp shıǵıw, investiciyalıq joybarlardıń nátiyjeliligin arttırıw boyınsha kórsetpeler berildi.
Menshiklesken múlklerdiń nátiyjeliligi de artpaqta. Mısalı ushın, uzaq jıllar islemegen Ándijan tájiriybe sınaw zavodı tiykarında 18 million dollar investiciya esabınan toqımashılıq kárxanası shólkemlestirilip, mıń jumıs ornı jaratılǵan, 40 million dollarlıq ónim eksport etilgen. Qoqand superfosfat zavodın sırt el ivestorı alıp, 40 million dollar investiciya kirgizgen, óndiris kólemin 4 esege arttırǵan. «Ipoteka bank» 324 million dollarǵa hám «Koka-kola» kompaniyasındaǵı mámleketlik úles 252 million dollarǵa satılǵanı da sońǵı jıllardaǵı eń iri kelisimler boldı.
Bul baǵdardaǵı jumıslar barlıq jerde de bir tegis bolıp atırǵan joq. Máselen, Tashkent wálayatında 112 obekt satılıp, olardıń tiykarında 150 isbilermenlik subekti hám mıńnan asdam jańa jumıs ornı payda bolǵan. Biraq, Qaraqalpaqstan Respublikası, Qashqadárya, Namangan, Surxandárya hám Sırdáryada ótken jılı sawdaǵa shıǵarılǵan múlklerdiń 30 procenti de satılmaǵan. Tarmaqlar kesiminde aytqanda, «Wzdonmahsulot» akcionerlik kompaniyasınıń quramındaǵı múlklerdiń menshiklestiriliwi tómen.
Ulıwma, usı jıldıń basında 30 mıńnan artıq mámleketlik obektte ótkerilgen xatlaw bul boyınsha jumıslar ele kóp ekenligin kórsetken.
Sonıń ushın búgin mámleketimiz basshısınıń qararı menen menshiklestiriw baǵdarlaması tastıyıqlandı. Onda úsh baǵdarda – akciya, kóshpes múlk hám IPO boyınsha menshiklestiriw rejeleri belgilengen.
Birinshiden, 1 mıń kárxanadaǵı mámleketlik akciya paketleri satıwǵa qoyıladı.
Ekinshiden, 1 mıń kóshpes múlk obektleri ǵalabalıq sawdalarǵa qoyıladı. Olarda 600 gektar jer hám 1 million kvadrat metrlik imarat-obektler bar. Eń áhmiyetlisi, infrastruktura menen támiyinlengen hám elatlı punktlerge jaqın.
Bul obektlerdi satıwdı tezlestiriw ushın múlklerdi satıwǵa tayarlaw múddeti házirgi 80 kúnnen 48 kúnge qısqartıladı. 2 mıń kvadrat metrge shekemgi obektlerdi isbilermenlerdiń múrájatı tiykarında tikkeley sawdaǵa shıǵarıwǵa ruqsat beriledi.
Úshinshiden, 40 iri kárxana hám banklerdegi mámlekettiń úlesi «Xalıqshıl IPO» arqalı satıladı. Sonıń ishinde, birinshi márte Nawayı hám Almalıq kombinatları, Metallurgiya kombinatı, «Óztelekom», Milliy bank, Sanaatqurılısbank sıyaqlı iri kárxanalardıń ortasha 2 procent akciyaları xalıqqa beriledi. Onda xalıqqa akciyalardı tikkeley satıp alıw imkaniyatı jaratıladı. Akciyaları satılǵan kárxanalar bes jıl dawamında sap paydasınıń keminde 30 procenti divident tólewge qaratadı.
Esap-sanaqlarǵa bola, bul baǵdarlama nátiyjesinde usı jılı 13 trillion sum túsim támiyinlenedi, 3 mıń jańa kárxana shólkemlestiriw hám 50 mıń jumıs ornın jaratıw imkaniyatı payda boladı.
Májiliste usı wazıypalar barlıq aymaqlar hám tarmaqlar kesiminde dodalandı. Juwapkerler baǵdarlamanıń orınlanıwın támiyinlew boyınsha esabat berdi.
Menshiklestiriletuǵın mámleketlik múlklerdiń imkaniyatın xalıq hám isbilermenler arasında úgit-násiyatlaw, hújjetlerdi rásmiylestiriwde olarǵa járdemlesiw zárúr ekenligi atap ótildi. Iri mámleketlik kompaniyalardı kapital bazarǵa alıp shıǵıw, investiciyalıq joybarlardıń nátiyjeliligin arttırıw boyınsha kórsetpeler berildi.