Qarar orınlanıwı támiyinlenip, puqaralardıń mashqalaları óz sheshimin tawıp atır

Ózbekstan Respublikası Prezidentiniń 2022-jıl 25-oktyabrdegi «2022-2023-jıllarda máhálleler infrastrukturasın ele de jaqsılaw boyınsha qosımsha is-ilajlar haqqında»ǵı PQ-408-sanlı qararı tiykarında Qaraqalpaqstan Respublikası aymaǵında bir qatar qurılıs-ońlaw hám abadanlastırıw jumısları alıp barılıwı rejelestirilgen. Rejede belgilep alınǵan jumıslar sheńberinde qala hám rayonlarda jumıslar baslap jiberilip, búgingi kúnde de qızǵın dawam etpekte.

  Qarar orınlanıwın támiyinlew hám puqaralardıń turmısında ushırasıp atırǵan mashqalalardı sheshiw boyınsha Kegeyli rayonında bir qatar wazıypalar belgilep alınıp, sonnan, ishki xojalıq jolların ońlaw boyınsha 6 mákan puqaralar jıyını hám 1 awıl puqaralar jıyını aymaǵındaǵı 8,5 km topıraq jollarǵa 1,8 mlrd. sumlıq qum-щeben aralaspasın tósew belgilengen edi. Búgingi kúnge kelip joybar-smetada belgilengen 8 km jollarda ЩPS tóseldi hám belgilengen reje juwmaqlanıw aldında tur.

 

Qaraqalpaqstan Respublikası Joqarǵı Keńesiniń Málimleme xızmeti