Abat hám payızlı máhálle elimiz kórki

Sońǵı jıllarda respublikamızdıń eń shetki awıllarınıń sociallıq infrastrukturaların jaqsılaw boyınsha kóplegen ámeliy jumıslar orınlanıp atır. Bul boyınsha húrmetli Prezidentimizdiń bir neshe arnawlı qarar hám pármanları qabıl etilip, turmısqa eńgizilmekte. Máselen, Ózbekstan Respublikası Prezidenti Sh.Mirziyoevtiń bir ǵana 2022-jıl 25-oktyabrdegi «2022-2023-jıllarda máhálleler infrastrukturasın ele de jaqsılaw boyınsha qosımsha is-ilajlar haqqında»ǵı 408-sanlı qararı tiykarında Qaraqalpaqstan Respublikasında kólemli qurılıs hám abadanlastırıw jumısları ámelge asırıldı. Usı qarar sheńberinde Beruniy rayonında 28 máhállede 21,7 mlrd  sumlıq 31 joybar ámelge asırılıwı belgilengen bolıp, búgingi kúnde 10,9 mlrd. sumlıq jumıslar orınlandı. Sonnan, 72 km ishki xojalıq jolların ońlaw boyınsha 20 joybarda 15,5 mlrd. sumlıq jumıs kólemi orınlanıwı belgilengen bolsa, házirgi waqıtta 6,5 mlrd sumlıq 45,3 km jollarda qurılıs jumısları juwmaqlandı. 3 joybar sheńberinde 2 obektte 8,2 km suw tarmaǵın tartıw, 1 obektte suwdı dushshılandırıwshı stanciya qurılısı ámelge asırılıwı rejelestirilgen bolıp, ámelde 1,7 mlrd sumlıq jumıs kólemi orınlandı hám 4 km ishimlik suw tarmaǵı jańadan tartıldı. Basqa jónelisler kesiminde 3 joybarda 7,4 km piyadalar jolların qurıw boyınsha 3,2 mlrd sumlıq jumıslar orınlanıwı rejelestirilip, búgingi kúnge kelip, 2,5 km piyadalar jolları qurıp pitkerildi.1 joybarda 401,2 mln. sumlıq túngi jaqtılandırıwshı shıraqlardı ornatıw rejelestirilgen bolıp, ámelde 384,2 mln. sumlıq jumıs kólemi orınlandı hám ele dawam etpekte. 2 joybarda aymaqlarǵa jańa transformator ornatıw hám elektr tarmaqların ońlaw boyınsha 660 mln. sum qarjı ajıratıldı hám usı kúnge shekem 348,3 mln. sumlıq, al, 2 joybarda gaz tarmaǵın jaqsılaw boyınsha 158 mln. sumlıq jumıs kólemi orınlandı.

Qaraqalpaqstan Respublikası Joqarǵı Keńesiniń Málimleme xızmeti