Bankler kapitalına sırt elli investiciyalar tartıladı
1758
Prezident Shavkat Mirziyoev 28-mart kúni «Asakabank» hám «Ózsanaatqurılısbank» kapitalına sırt elli investiciyalardı tartıw boyınsha prezentaciya menen tanıstı.
Ekonomikanıń ósiwinde bank sistemasınıń áhmiyeti úlken. Elimizde bul tarawdaǵı reformalar nátiyjesinde keyingi úsh jılda, banklerdiń ulıwma kreditleriniń kólemi 2 esege, kapital kólemi 1,6 esege artqan.
Banklerimiz dáslepki márte abıraylı xalıqaralıq kredit reytinglerine iye bolıp, xalıqaralıq bazarlarda evrobondlar jaylastırdı. Jeke menshik bankler de kóbeydi.
Sonday-aq, Vengriya, Gruziya, Túrkiyanıń abıraylı bankleri Ózbekstanǵa kirip keldi. «Ipoteka-bank» reformalanǵanı nátiyjesinde onıń kapitalına strategiyalıq sırt elli investor investiciya kirgizdi.
Bul jumıslardı dawam ettirip, «Asakabank» hám «Ózsanaatqurılısbank»ke de sırt elli investiciyalar tartıw rejelestirilgen. Usı maqsette xalıqaralıq finans institutları menen birgelikte bul banklerge 30 maman xalıqaralıq qánigeler alıp kelindi.
2023-jıl dawamında «Ózsanaatqurılısbank» kapitalına 125 million dollar, «Asakabank»ke 100 million dollar qarjı tartılıwı názerde tutılmaqta. Banklerdiń operaciyalıq jumısında zamanagóy programmalıq IT ónimler hám 100 den aslam jańa bank xızmet túrleri engiziledi.
Ámelge asırılatuǵın jumıslar nátiyjesinde 2027-jıl nátiyjeleri boyınsha «Ózsanaatqurılısbank» dáramatı 1,61 esege, kredit portfeli 1,74 esege artıwı názerde tutıladı. «Asakabank»te depozitler 1,71 esege, bank aktivleriniń kólemi bolsa 1,72. Eń áhmiyetlisi, usı hám basqa da Ózbekstan banklerine xalıqaralıq finans bazarlarında isenim hám olardıń jumısında qatnasıw ushın sırt elli investor hám birge islesiwshilerdiń qızıǵıwshılıǵı artadı.
Prezentaciyada bul processke xalıqaralıq konsultantlardı mirát etiw, olardıń kapitalın arttırıw hám qosımsha investiciyalar tartıw boyınsha kórsetpeler berildi.
Bul jumıslardı dawam ettirip, «Asakabank» hám «Ózsanaatqurılısbank»ke de sırt elli investiciyalar tartıw rejelestirilgen. Usı maqsette xalıqaralıq finans institutları menen birgelikte bul banklerge 30 maman xalıqaralıq qánigeler alıp kelindi.
2023-jıl dawamında «Ózsanaatqurılısbank» kapitalına 125 million dollar, «Asakabank»ke 100 million dollar qarjı tartılıwı názerde tutılmaqta. Banklerdiń operaciyalıq jumısında zamanagóy programmalıq IT ónimler hám 100 den aslam jańa bank xızmet túrleri engiziledi.
Ámelge asırılatuǵın jumıslar nátiyjesinde 2027-jıl nátiyjeleri boyınsha «Ózsanaatqurılısbank» dáramatı 1,61 esege, kredit portfeli 1,74 esege artıwı názerde tutıladı. «Asakabank»te depozitler 1,71 esege, bank aktivleriniń kólemi bolsa 1,72. Eń áhmiyetlisi, usı hám basqa da Ózbekstan banklerine xalıqaralıq finans bazarlarında isenim hám olardıń jumısında qatnasıw ushın sırt elli investor hám birge islesiwshilerdiń qızıǵıwshılıǵı artadı.
Prezentaciyada bul processke xalıqaralıq konsultantlardı mirát etiw, olardıń kapitalın arttırıw hám qosımsha investiciyalar tartıw boyınsha kórsetpeler berildi.