Ekonomikalıq reformalardı ámelge asırıwda ilimiy qatnaslardı keńeytiw hám basqarıw kadrların tayarlaw sistemasın jáne de jetilistiriw ilajları haqqında
1585
Ózbekstan Respublikası Prezidentiniń qararı
Ózbekstan Respublikası Prezidentiniń 2022-jıl 21-dekabrdegi «Jańa Ózbekstannıń hákimshilik reformaların ámelge asırıw ilajları haqqında»ǵı PP-269-sanlı Pármanına muwapıq, sonday-aq, ekonomikalıq reformalardı ámelge asırıwǵa baylanıslı qararlardıń orınlanıwın nátiyjeli ámelge asırıwda ilimiy qatnaslar hám basqarıw kadrların tayarlaw sistemasın jetilistiriw maqsetinde: 1. Ministrler Kabineti hám Ekonomika hám qarjı ministrliginiń Ekonomika hám qarjı ministrligi janındaǵı: Prognozlastırıw hám makroekonomikalıq izertlewler institutı tiykarında Ózbekstan Respublikası Ministrler Kabineti janındaǵı Makroekonomikalıq hám aymaqlıq izertlewler institutın (keyingi orınlarda – Institut); Biznes hám isbilermenlik joqarı mektebiniń tiykarında Ózbekstan Respublikası Ministrler Kabineti janındaǵı Biznes hám isbilermenlik joqarı mektebin (keyingi orınlarda – Joqarı mektep) shólkemlestiriw haqqındaǵı usınısları maqullansın. 2. Tómendegiler: Ministrler Kabineti janındaǵı Makroekonomikalıq hám aymaqlıq izertlewler institutı jumısınıń tiykarǵı baǵdarları 1-qosımshaǵa muwapıq; Ministrler Kabineti janındaǵı Biznes hám isbilermenlik joqarı mektebi jumısınıń tiykarǵı baǵdarları 2-qosımshaǵa muwapıq; Ministrler Kabineti janındaǵı Makroekonomikalıq hám aymaqlıq izertlewler institutı sonday-aq, Biznes hám isbilermenlik joqarı mektebiiniń basshıların tayınlaw, xızmetkerlerine medicinalıq xızmet kórsetiw, miynetke haqı tólew hám ústeme belgilew tártibi 3-qosımshaǵa muwapıq tastıyıqlansın. 3. Institut hám Joqarı mektep jumısınıń tiykarǵı baǵdarlarınıń nátiyjeli ámelge asırılıwın támiyinlew maqsetinde: Institut quramında aymaqlarda jer resurslarınan únemli paydalanıw hám olardı optimal bólistiriw arqalı bántlikti támiyinlew, xalıqtıń dáramatların arttırıw boyınsha mashqalalardı úyreniw hám ámeliy usınıslar tayarlawǵa qaratılǵan yuridikalıq shaxs bolmaǵan «Jer reformaları orayı»; Joqarı mektep strukturasında yuridikalıq shaxs bolmaǵan «Jasıl ekonomikanı alǵa qoyıw hám engiziw» joybarlaw ofisi hám Biznes inkubator hám startap joybarlar menen islesiw orayı shólkemlestirilsin. 4. Ministrler Kabineti (J.Qwchqorov): Institut hám Joqarı mekteptiń basqarıw sonday-aq, ilimiy pedagogikalıq xızmetkerlerin attestaciyadan ótkeriw hám zamanagóy talaplarǵa sáykes joqarı tájiriybeli kadrlar menen tolıqtırıw; Institut hám Joqarı mekteptiń Qáwenderlik keńesi arqalı olardıń jumısın muwapıqlastırıp barıw hám materiallıq-texnikalıq bazasın jaqsılaw ilajların kórsin. 5. Aymaqlar hám tarawlar kesimindegi mashqalalardı orınlarǵa shıǵıp úyreniw, xalıq hám isbilermenler arasında sorawnamalar alıp barıw, turaqlı túrde Ózbekstan ekonomistler forumın shólkemlestiriw, sırt el ekspertlerin tartıw hám xızmetkerlerdi materiallıq xoshametlew maqsetinde Institut janında yuridikalıq shaxs bolmaǵan Izertlewlerdi qollap-quwatlaw hám xoshametlew qorı shólkemlestirilsin hám onıń qarjılandırıw dárekleri etip tómendegiler belgilensin: Mámleketlik byudjetten hár jılı Instituttıń bir jıllıq miynetke haqı tólew qorınıń 40 procenti muǵdarında ajıratılatuǵın qarjılar; nızamshılıqta qadaǵan etilmegen basqa da dárekler. 6. Tómendegiler Institut hám Joqarı mektep jumısınıń qarjılandırıw dárekleri etip belgilensin: 2023-jılı Ózbekstan Respublikasınıń respublikalıq byudjeti parametlerinde Institut hám Joqarı mektep jumıs alıp barıwı ushın názerde tutılǵan qarjılar, 2024-jıldan baslap belgilengen tártipte Mámleketlik byudjet parametrlerinde názerde tutılatuǵın qarjılar; fizikalıq hám yuridikalıq táreplerdiń qayırqomlıq qáwenderlikleri hám nızamshılıq hújjetlerinde qadaǵan etilmegen basqa dárekler. 7. Ministrler Kabineti eki ay múddette Institut hám Joqarı mektep jumısın nátiyjeli jolǵa qoyıw, olardıń rejelerin tastıyıqlaw, materiallıq-texnikalıq bazasın jaqsılaw hám basqa da shólkemlestiriw-texnikalıq máselelerdi názerde tutıwshı qarardı qabıllasın. 8. Usı qarardıń orınlanıwın qadaǵalaw Bas ministrdiń orınbasarı J.A.Qwchqorovqa júklensin.Ózbekstan Respublikası Prezidenti Sh.MIRZIYoEV