Ózbekstan Prezidenti BAÁ menen innovaciyalıq birge islesiwdi rawajlandırıw áhmiyetli ekenin atap ótti
1348
Ózbekstan Respublikası Prezidenti Shavkat Mirziyoevtiń Birlesken Arab Ámirlikleri Húkimet isleri boyınsha ministri Muhammad bin Abdulloh al-Gargaviy basshılıǵındaǵı delegaciya menen 4-aprel kúni ótkerilgen ushırasıwında joqarı texnologiyalar, jasalma intellekt, sanlastırıw, qala infrastrukturasın modernizaciyalaw baǵdarındaǵı anıq joybarlar menen baǵdarlamalardı ámelge asırıw perspektivaları, aymaqlardıń sawda-investiciyalıq potencialın júzege shıǵarıw hám basqa da máseleler kórip shıǵıldı. Mámleketimiz basshısı bul baǵdarlar bolajaq joqarı dárejedegi eki tárepleme sammit kún tártibiniń tiykarın qurawı kerek ekenin atap ótti.
Bunnan tısqarı, ámelge asırılıp atırǵan reformalardıń nátiyjeliligin arttırıw, basqarıwda professional kadrlardı hám programmistlerdi tayarlaw, elektron húkimetti engiziw baǵdarlarında hám basqa da tarawlarda óz-ara paydalı birge islesiwdi jáne de keńeytiwden mápdar ekenligi bildirildi.
Ministr al-Gargaviy mámleketimiz basshısına Ámirlikler Prezidenti Shayx Muhammad Ol Nahayan hám mámlekettiń Vice-prezidenti, Bas ministri, Dubay ámiri Shayx Muhammad Ol Maktumnıń sálemi hám eń jaqsı tileklerin jetkerdi. Ushırasıw juwmaǵında Ózbekstan Prezidenti tárepinen aǵımdaǵı baǵdarlamalardı jedellestiriw hám perspektivalı joybarlardı tayarlawdı názerde tutatuǵın «jol kartası»n jańalaw boyınsha tapsırmalar berildi.
Juwmaǵında ministr al-Gargaviyge Ózbekstan hám BAÁ arasındaǵı kóp táreplemeli qatnasıqlardı keńeytiwge qosqan úlken úlesi hám Jańa Ózbekstandaǵı reformalar baǵdarlamasın hár tárepleme qollap-quwatlaǵanı ushın mámleketimizdiń joqarı sıylıǵı – «Dwstlik» ordeni tapsırıldı.
Bunnan tısqarı, ámelge asırılıp atırǵan reformalardıń nátiyjeliligin arttırıw, basqarıwda professional kadrlardı hám programmistlerdi tayarlaw, elektron húkimetti engiziw baǵdarlarında hám basqa da tarawlarda óz-ara paydalı birge islesiwdi jáne de keńeytiwden mápdar ekenligi bildirildi.
Ministr al-Gargaviy mámleketimiz basshısına Ámirlikler Prezidenti Shayx Muhammad Ol Nahayan hám mámlekettiń Vice-prezidenti, Bas ministri, Dubay ámiri Shayx Muhammad Ol Maktumnıń sálemi hám eń jaqsı tileklerin jetkerdi. Ushırasıw juwmaǵında Ózbekstan Prezidenti tárepinen aǵımdaǵı baǵdarlamalardı jedellestiriw hám perspektivalı joybarlardı tayarlawdı názerde tutatuǵın «jol kartası»n jańalaw boyınsha tapsırmalar berildi.
Juwmaǵında ministr al-Gargaviyge Ózbekstan hám BAÁ arasındaǵı kóp táreplemeli qatnasıqlardı keńeytiwge qosqan úlken úlesi hám Jańa Ózbekstandaǵı reformalar baǵdarlamasın hár tárepleme qollap-quwatlaǵanı ushın mámleketimizdiń joqarı sıylıǵı – «Dwstlik» ordeni tapsırıldı.