Qurılıs joybarları dodalandı
1539
Prezident Shavkat Mirziyoev Jańa Tashkent qalası joybarınıń koncepciyası hám paytaxttaǵı qurılıs jumıslarına baylanıslı prezentaciya menen tanıstı.
Mámleketimiz basshısı 18-mart kúni Jańa Tashkent qalasınıń joybarına tırnaq tasın qoyǵan edi. Búgingi prezentaciyada onıń birinshi basqıshı sheńberindegi máseleler kórip shıǵıldı.
Bul basqıshta 60 mıń xalıqqa mólsherlengen kóp qabatlı turaq jaylar, mámleketlik uyımlar ushın hákimshilik imaratlar, baǵlar, sociallıq hám ekonomikalıq obektler qurılıwı rejelestirilgen. Olardı jaylastırıw hám barlıq jumıslardı muwapıqlastırıw ushın direkciya dúzildi. Sırt el megapolislerindegi urbanizaciya hám qurılıs tájiriybesi úyrenildi.
Soǵan muwapıq, Jańa Tashkentti administraciya, ekonomika, bilimlendiriw, densawlıqtı saqlaw hám mádeniyat sıyaqlı 5 negiz tiykarında qurıw mólsherlenbekte. Olardıń hár biri sistemadaǵı buwınlar hám tómengi shólkemlerdi óz ishine aladı.
Prezentaciyada qurılıs procesiniń «jol kartası» boyınsha da málimleme berildi. Álbette, bunday úlken joybardı ámelge asırıw ushın jumıs, bárinen burın, infrastruktura jaratıwdan baslanadı. Atap ótilgenindey, onda zamanagóy urbanizaciya qatnasları, «aqıllı» texnologiyalar qollanıladı. Máselen, «úsh-generaciya» stanciyası qurılıp, hám elektr islep shıǵarıladı, hám imaratlar qısta ısıtılıp, jazda suwıtıladı. Barlıq elektr, baylanıs tarmaqları, gaz hám suw qubırları jerdiń astınan ótkeriledi.
Qalada infrastruktura, turmıs hám ekologiya teń salmaqlı boladı. «Tashkenttiń jasıl belbewi» joybarı usı jerden baslanadı. Piyadalar hám velosipedshilerdiń erkin háreketleniwi ushın qolaylı sharayat jaratıladı. Usı maqsette avtomobiller ushın jer astı avtomobiller turıw orınları, 14 zamanagóy tunnel, Shırshıq hám Qarasuw dáryalarınıń ústinde 7 kópir qurıladı.
Mámleketimiz basshısı bolajaq qalada «insan qádiri» principin engiziw, hár qıylı jastaǵı adamlardıń mútájliklerin inabatqa alıp, barlıq qolaylıqlardı jaratıw zárúr ekenligin atap ótti. Imaratlardı ekspluataciyalaw hám transportlar ushın qolaylı jaylastırıw, jasıl aymaqlar kóp bolıwına ayrıqsha itibar qaratıw zárúr ekenligin atap ótti.
Prezentaciyadaǵı jáne bir joybar Tashkent jer ústi metrosınıń astında sawda hám xızmet shaqapshaların jaylastırıw haqqında boldı. Sonıń ishinde, bul transport obektiniń Yashnabad rayonındaǵı bóliminde 4 kilometr bos orın bar. Ol jerde jasıl aymaqlar, avtomashinalar turıw orınları, vorkaut maydanshaları, sawda hám xızmet kórsetiw shaqapshaların shólkemlestiriw múmkin. Bul boyınsha Berlin qalasınıń tájiriybesi úyrenilgen.
Bul aymaqlardı lotlarǵa ajıratqan halda ijaraǵa beriw, qáwipsizlikti támiyinlep, xalıq ushın qosımsha qolaylıqlar jaratıw boyınsha kórsetpeler berildi.
Soǵan muwapıq, Jańa Tashkentti administraciya, ekonomika, bilimlendiriw, densawlıqtı saqlaw hám mádeniyat sıyaqlı 5 negiz tiykarında qurıw mólsherlenbekte. Olardıń hár biri sistemadaǵı buwınlar hám tómengi shólkemlerdi óz ishine aladı.
Prezentaciyada qurılıs procesiniń «jol kartası» boyınsha da málimleme berildi. Álbette, bunday úlken joybardı ámelge asırıw ushın jumıs, bárinen burın, infrastruktura jaratıwdan baslanadı. Atap ótilgenindey, onda zamanagóy urbanizaciya qatnasları, «aqıllı» texnologiyalar qollanıladı. Máselen, «úsh-generaciya» stanciyası qurılıp, hám elektr islep shıǵarıladı, hám imaratlar qısta ısıtılıp, jazda suwıtıladı. Barlıq elektr, baylanıs tarmaqları, gaz hám suw qubırları jerdiń astınan ótkeriledi.
Qalada infrastruktura, turmıs hám ekologiya teń salmaqlı boladı. «Tashkenttiń jasıl belbewi» joybarı usı jerden baslanadı. Piyadalar hám velosipedshilerdiń erkin háreketleniwi ushın qolaylı sharayat jaratıladı. Usı maqsette avtomobiller ushın jer astı avtomobiller turıw orınları, 14 zamanagóy tunnel, Shırshıq hám Qarasuw dáryalarınıń ústinde 7 kópir qurıladı.
Mámleketimiz basshısı bolajaq qalada «insan qádiri» principin engiziw, hár qıylı jastaǵı adamlardıń mútájliklerin inabatqa alıp, barlıq qolaylıqlardı jaratıw zárúr ekenligin atap ótti. Imaratlardı ekspluataciyalaw hám transportlar ushın qolaylı jaylastırıw, jasıl aymaqlar kóp bolıwına ayrıqsha itibar qaratıw zárúr ekenligin atap ótti.
Prezentaciyadaǵı jáne bir joybar Tashkent jer ústi metrosınıń astında sawda hám xızmet shaqapshaların jaylastırıw haqqında boldı. Sonıń ishinde, bul transport obektiniń Yashnabad rayonındaǵı bóliminde 4 kilometr bos orın bar. Ol jerde jasıl aymaqlar, avtomashinalar turıw orınları, vorkaut maydanshaları, sawda hám xızmet kórsetiw shaqapshaların shólkemlestiriw múmkin. Bul boyınsha Berlin qalasınıń tájiriybesi úyrenilgen.
Bul aymaqlardı lotlarǵa ajıratqan halda ijaraǵa beriw, qáwipsizlikti támiyinlep, xalıq ushın qosımsha qolaylıqlar jaratıw boyınsha kórsetpeler berildi.