Taqıyatas rayonı hákimi tayınlandı
3544
Usı jıldıń 5-aprel kúni xalıq deputatları Taqıyatas rayonlıq Keńesiniń gezeksiz alpısınshı sessiyası bolıp ótti.
Sessiyanıń kún tártibinde shólkemlestiriw máselesi kórip shıǵıldı. Sessiyada Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi. Sessiya kún tártibinde rayon xalqınıń turmıs sharayatın jaqsılaw, rayonda awıl xojalıǵı, islep shıǵarıw, isbilermenlik sıyaqlı bir qatar tarawlardı rawajlandırıw, bul baǵdarda jumıs alıp barıp atırǵan isbilermenlerge qolaylı sharayatlar jaratıw, járdemge mútáj shańaraqlardı qollap-quwatlaw, jaslar hám hayal-qızlardıń bántligin támiyinlew máselelerine ayrıqsha itibar qaratıldı.
Sessiyada rayon hákimi lawazımına Kurbanov Daniyar Rozumbaevichti tayınlaw máselesi kórip shıǵıldı. Usınılǵan talabandı rayonlıq Keńestiń bir qatar deputatları qollap-quwatlap, shıǵıp sóyledi. Sessiyada Kurbanov Daniyar Rozumbaevich Taqıyatas rayonı hákimi lawazımına tastıyıqlandı.
Óz gezeginde D.Kurbanov ózine bildirilgen isenimdi aqlawǵa, bilim hám tájiriybesin rayondı hár tárepleme rawajlandırıwǵa, ásirese, sociallıq qorǵawǵa mútáj xalıq qatlamın materiallıq qollap-quwatlawǵa, xalıqtı qıynap kiyatırǵan mashqalalarǵa sheshim tabıwǵa, isbilermenlikti rawajlandırıw arqalı qosımsha jumıs orınların jaratıwǵa jumsaytuǵınlıǵın bildirdi.
Usınıń menen xalıq deputatları Taqıyatas rayonlıq Keńesiniń gezeksiz alpısınshı sessiyası óz jumısın juwmaqladı. Maǵlıwmat ushın, Kurbanov Daniyar Rozumbaevich usı kúnge shekem Ózbekstan Respublikası Qarjı ministrligi hám Salıq komiteti, sonday-aq, Esap palatasında bir qatar juwapkershilikli lawazımlarda nátiyjeli jumıs alıp barǵan.
Sessiyanıń kún tártibinde shólkemlestiriw máselesi kórip shıǵıldı. Sessiyada Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnastı hám shıǵıp sóyledi. Sessiya kún tártibinde rayon xalqınıń turmıs sharayatın jaqsılaw, rayonda awıl xojalıǵı, islep shıǵarıw, isbilermenlik sıyaqlı bir qatar tarawlardı rawajlandırıw, bul baǵdarda jumıs alıp barıp atırǵan isbilermenlerge qolaylı sharayatlar jaratıw, járdemge mútáj shańaraqlardı qollap-quwatlaw, jaslar hám hayal-qızlardıń bántligin támiyinlew máselelerine ayrıqsha itibar qaratıldı.
Sessiyada rayon hákimi lawazımına Kurbanov Daniyar Rozumbaevichti tayınlaw máselesi kórip shıǵıldı. Usınılǵan talabandı rayonlıq Keńestiń bir qatar deputatları qollap-quwatlap, shıǵıp sóyledi. Sessiyada Kurbanov Daniyar Rozumbaevich Taqıyatas rayonı hákimi lawazımına tastıyıqlandı.
Óz gezeginde D.Kurbanov ózine bildirilgen isenimdi aqlawǵa, bilim hám tájiriybesin rayondı hár tárepleme rawajlandırıwǵa, ásirese, sociallıq qorǵawǵa mútáj xalıq qatlamın materiallıq qollap-quwatlawǵa, xalıqtı qıynap kiyatırǵan mashqalalarǵa sheshim tabıwǵa, isbilermenlikti rawajlandırıw arqalı qosımsha jumıs orınların jaratıwǵa jumsaytuǵınlıǵın bildirdi.
Qaraqalpaqstan Respublikası Joqarǵı Keńesiniń Málimleme xızmeti