Xalıqtı turaq jay menen támiyinlew kólemi jáne de keńeyedi
1777
Prezident Shavkat Mirziyoevtiń basshılıǵında 5-aprel kúni jańa turaq jaylardıń qurılısı hám 2023-jılǵı ipoteka baǵdarlaması boyınsha tiykarǵı wazıypalardı dodalaw boyınsha videoselektor májilisi ótkerildi.
Keyingi altı jılda mámleketimiz xalqı 5 million 500 mıńǵa ósip, 36 millionnan astı. Olarǵa múnásip turmıs sharayatların jaratıw maqsetinde turaq jaylar qurılmaqta.
Atap aytqanda, 2017-jıldan baslap, 326 mıń jańa turaq jaylar paydalanıwǵa tapsırılǵan. Bul dáwirde turaq jay menen támiyinlew xalıqtıń jan basına 18 procentke artqan.
Bunıń ushın keyingi úsh jılda bankler 210 mıń shańaraqqa 33 trillion sum muǵdarında ipoteka kreditlerin ajıratqan. Mútáj 73 mıń shańaraqqa baslanǵısh tólem hám procent tólemleri ushın 1,3 trillion sum subsidiya berilgen.
Tarawǵa bazar principleri engizilgeni nátiyjesinde júzlegen jeke menshik buyırtpashı kompaniyalar qáliplesti. Jıynalmalı temir-betonlı kóp qabatlı turaq jaylar quratuǵın 11 iri klaster payda boldı. Isbilermenlerge sharayat jaratılǵanı sebepli cement, gazoblok, kafel, keramogranit islep shıǵarıw kóbeyip, olardıń bahası biraz arzanlastı.
Bul jumıslar izbe-iz dawam ettirilip, ótken jılı 60 mıń kvartiralı turaq jaylar qurıldı. 31 aymaqta «Jańa Ózbekstan» massivlerin qurıw baǵdarlaması baslandı.
Májiliste, bárinen burın, usı baǵdarlamanıń orınlanıwı sın kózqarastan dodalandı. Ándijan hám Xorezmde jer durıs tańlanǵanı, infrastruktura jaratılǵanı nátiyjesinde qurılıs jedel ketip atırǵanı, biraq qalǵan wálayatlarda bul jumıslardıń keshigip atırǵanı kórsetip ótildi. Buxara, Qashqadárya, Nawayı, Namangan, Samarqand, Surxandárya, Sırdárya, Ferǵana hám Tashkent wálayatı hákimleriniń qurılıs boyınsha orınbasarlarına intizamiy shara kórildi. Juwapkerlerge infrastruktura, qurılıs hám satıwǵa baylanıslı máselelerdi sheshiwge baylanıslı tapsırmalar berildi.
Ulıwma etip aytqanda, usı jılı turaq jay qurıw kólemin 1,5 esege arttırıp, 90 mıńǵa jetkeriw rejelestirilgen. Mámleketimiz basshısı bul jumıslar hár bir wálayattıń ekonomikalıq kórsetkishleriniń ósiwine úlken túrtki beretuǵının atap ótti. Sol sebepli xalıq hám qurılısshılar ushın 4 baǵdarda jańa jeńillikler menen imkaniyatlar belgilendi.
Birinshiden, kóbirek xalıqtı qamtıp alıw maqsetinde rásmiy dáramatı jeterli bolmaǵan xalıqqa da ipoteka kreditin alıw imkaniyatı jaratıladı. Olardıń tólem qábiletin anıqlawda bank kartasındaǵı aylanıs, ijara, kommunal hám basqa da qárejetlerge tólengen pulları da esapqa alınadı.
Dáslepki tólemdi kóbirek tólegen puqaralar bankten arzanıraq kredit alıw imkaniyatına iye boladı. Subsidiyaǵa ajıratılǵan qarjılardı tezirek jumsaw ushın subsidiya xabarnamasınıń ámel etiw múddeti 12 aydan 4 ayǵa túsiriledi. Sonıń menen birge, usı aylar dawamında sertifikatınan paydalanbaǵan puqaralarǵa subsidiya alıw ushın jáne qayta múrájat etiw huqıqı beriledi.
Ekonomika hám qarjı ministrligine ipoteka krediti ushın qarjı hám subsidiya ajıratıw boyınsha kórsetpeler berildi.
Xalıqtı arzan turaq jaylar menen támiyinlewge qaratılǵan jáne bir joybar – «Meniń birinshi úyim» baǵdarlaması. Bunıń ushın Qurılıs hám turaq jay kommunal xojalıǵı ministrligi janında arnawlı turaq jay kompaniyası shólkemlestiriledi. Tashkent wálayatı Zangiata rayonınan 36 gektar jer ajıratılıp, 58 kóp qabatlı turaq jay, sociallıq mákemeler, kewilashar orınlar qurıladı. Onda isbilermenlerge sawda hám kommerciyalıq maydanlardı bazar bahasında satıw arqalı turaq jaylardıń bahasın arzanlatıwǵa erisiledi.
Juwapkerlerge bul qalashanıń master rejesin juwmaqlap, ekspert hám jámiyetshilik dodalawınan ótkeriw wazıypası qoyıldı.
Ekinshiden, qurılıstıń ózine túser bahasın tómenletiw ushın aǵash, fanera, aǵashtan islengen opalubka hám aynanı import etiwde 2025-jılǵa shekem bajıxana bajısı biykar etiledi. Joqarı markalı cement boyınsha bajıxana bajısınıń jeńilligi jáne 1 jılǵa sozıladı. Bunıń esabınan turaq jay qurıwdıń ózine túser bahası 5 procentke shekem tómenleydi.
Jumıstı bólip alıp islewshi shólkemlerge qurılıp atırǵan turaq jaydı qabatpa-qabat girewge qoyıw hám hár bir qabatı ushın kredit alıw huqıqı qurılısshı kompaniyalarǵa hár bir kóp qabatlı turaq jay ushın kompensaciya hám kepillik beriledi.
Bankler beretuǵın kreditlerdi mámleket tárepinen qayta qarjılandırıw ámeliyatı dawam ettiriledi.
Úщinshiden, turaq jaylardıń óz waqtında paydalanıwǵa tapsırılıwı hám ótimliliginde kommunikaciya tiykarǵı másele. Sol sebepli, Ekonomika hám qarjı ministrligine infrastruktura ushın zárúr qarjı ajıratıw, wálayat hákimlerine jańa massivlerde ishki jollardı qurıw boyınsha kórsetpeler berildi.
Eski turaq jaylar kóp bolǵan qalalarda renovaciya baǵdarlamasına talap artıp atır. Mámleketimiz basshısı bunıń huqıqıy tiykarı bolıwı kerek ekenin atap ótip, «Renovaciya haqqında»ǵı nızam joybarın islep shıǵıwdı usınıs etti.
Jáne bir másele – búgingi kúnde kóp jerlerdegi qurılıslar olardıń infrastrukturasınıń quwatlılıǵına sáykes emes. Mısal ushın, Tashkent qalasınıń xalqı hár jılı 100 mıńǵa kóbeymekte, jılına qosımsha 20 mıń shańaraqqa mútájlik bar. Qala aqaba suw tazalaw imaratları quwatlılıǵınan biraz artıq júkleme menen islep atır.
Sonıń ushın endi suw, aqaba, elektr, gaz, jol infrastrukturasın jaqsılawǵa investor-developerler de tartılatuǵını múmkin ekeni aytıldı.
Tórtinshiden, usı jılı 90 mıń turaq jay rejesi qurılıs materialları kárxanaları ushın úlken bazar. Biraq, temir-beton islep shıǵarıwshı 3 mıńǵa shamalas kárxananıń yarımında laboratoriya joq ekeni atap ótildi.
Prezidentimiz bul ónimler turaq jaylardıń sapasına tásir etiwshi tiykarǵı faktor ekenin atap ótip, barlıq usınday kárxanalarda zamanagóy laboratoriyalardı shólkemlestiriw talabın qoydı.
Keyingi aylarda dúnya júzinde de, regionımızda da seysmologiyalıq belsendilik baqlanıp atır. Sol sebepli 1-maydan baslap, qurılıs mólsherlengen maydanda injenerlik-geologiyalıq ekspertiza ótkeriw májbúriy bolatuǵını, seysmologiyalıq qáwipsizlik talapları joqarı bolǵan imarat-obektler tek ǵana reytingi bálent kárxanalar tárepinen qurılatuǵını belgilendi.
Mámleketimiz basshısı qalalardıń drenaj sistemasında júzege kelip atırǵan mashqalalarǵa da toqtap, onı sheshiw boyınsha juwapkerlerge tapsırmalar berdi.
– Ipoteka – hám sociallıq, hám ekonomikalıq jaqtan áhmiyetli másele. Sonıń ushın qurılıs jumısların jedellestirip, xalqımızǵa turaq jaylardı sapalı etip tapsırıw kerek, – dedi Shavkat Mirziyoev.
Májiliste dodalanǵan máseleler boyınsha Bas ministr hám onıń orınbasarları, ministrler hám hákimler málimleme berdi.
Tarawǵa bazar principleri engizilgeni nátiyjesinde júzlegen jeke menshik buyırtpashı kompaniyalar qáliplesti. Jıynalmalı temir-betonlı kóp qabatlı turaq jaylar quratuǵın 11 iri klaster payda boldı. Isbilermenlerge sharayat jaratılǵanı sebepli cement, gazoblok, kafel, keramogranit islep shıǵarıw kóbeyip, olardıń bahası biraz arzanlastı.
Bul jumıslar izbe-iz dawam ettirilip, ótken jılı 60 mıń kvartiralı turaq jaylar qurıldı. 31 aymaqta «Jańa Ózbekstan» massivlerin qurıw baǵdarlaması baslandı.
Májiliste, bárinen burın, usı baǵdarlamanıń orınlanıwı sın kózqarastan dodalandı. Ándijan hám Xorezmde jer durıs tańlanǵanı, infrastruktura jaratılǵanı nátiyjesinde qurılıs jedel ketip atırǵanı, biraq qalǵan wálayatlarda bul jumıslardıń keshigip atırǵanı kórsetip ótildi. Buxara, Qashqadárya, Nawayı, Namangan, Samarqand, Surxandárya, Sırdárya, Ferǵana hám Tashkent wálayatı hákimleriniń qurılıs boyınsha orınbasarlarına intizamiy shara kórildi. Juwapkerlerge infrastruktura, qurılıs hám satıwǵa baylanıslı máselelerdi sheshiwge baylanıslı tapsırmalar berildi.
Ulıwma etip aytqanda, usı jılı turaq jay qurıw kólemin 1,5 esege arttırıp, 90 mıńǵa jetkeriw rejelestirilgen. Mámleketimiz basshısı bul jumıslar hár bir wálayattıń ekonomikalıq kórsetkishleriniń ósiwine úlken túrtki beretuǵının atap ótti. Sol sebepli xalıq hám qurılısshılar ushın 4 baǵdarda jańa jeńillikler menen imkaniyatlar belgilendi.
Birinshiden, kóbirek xalıqtı qamtıp alıw maqsetinde rásmiy dáramatı jeterli bolmaǵan xalıqqa da ipoteka kreditin alıw imkaniyatı jaratıladı. Olardıń tólem qábiletin anıqlawda bank kartasındaǵı aylanıs, ijara, kommunal hám basqa da qárejetlerge tólengen pulları da esapqa alınadı.
Dáslepki tólemdi kóbirek tólegen puqaralar bankten arzanıraq kredit alıw imkaniyatına iye boladı. Subsidiyaǵa ajıratılǵan qarjılardı tezirek jumsaw ushın subsidiya xabarnamasınıń ámel etiw múddeti 12 aydan 4 ayǵa túsiriledi. Sonıń menen birge, usı aylar dawamında sertifikatınan paydalanbaǵan puqaralarǵa subsidiya alıw ushın jáne qayta múrájat etiw huqıqı beriledi.
Ekonomika hám qarjı ministrligine ipoteka krediti ushın qarjı hám subsidiya ajıratıw boyınsha kórsetpeler berildi.
Xalıqtı arzan turaq jaylar menen támiyinlewge qaratılǵan jáne bir joybar – «Meniń birinshi úyim» baǵdarlaması. Bunıń ushın Qurılıs hám turaq jay kommunal xojalıǵı ministrligi janında arnawlı turaq jay kompaniyası shólkemlestiriledi. Tashkent wálayatı Zangiata rayonınan 36 gektar jer ajıratılıp, 58 kóp qabatlı turaq jay, sociallıq mákemeler, kewilashar orınlar qurıladı. Onda isbilermenlerge sawda hám kommerciyalıq maydanlardı bazar bahasında satıw arqalı turaq jaylardıń bahasın arzanlatıwǵa erisiledi.
Juwapkerlerge bul qalashanıń master rejesin juwmaqlap, ekspert hám jámiyetshilik dodalawınan ótkeriw wazıypası qoyıldı.
Ekinshiden, qurılıstıń ózine túser bahasın tómenletiw ushın aǵash, fanera, aǵashtan islengen opalubka hám aynanı import etiwde 2025-jılǵa shekem bajıxana bajısı biykar etiledi. Joqarı markalı cement boyınsha bajıxana bajısınıń jeńilligi jáne 1 jılǵa sozıladı. Bunıń esabınan turaq jay qurıwdıń ózine túser bahası 5 procentke shekem tómenleydi.
Jumıstı bólip alıp islewshi shólkemlerge qurılıp atırǵan turaq jaydı qabatpa-qabat girewge qoyıw hám hár bir qabatı ushın kredit alıw huqıqı qurılısshı kompaniyalarǵa hár bir kóp qabatlı turaq jay ushın kompensaciya hám kepillik beriledi.
Bankler beretuǵın kreditlerdi mámleket tárepinen qayta qarjılandırıw ámeliyatı dawam ettiriledi.
Úщinshiden, turaq jaylardıń óz waqtında paydalanıwǵa tapsırılıwı hám ótimliliginde kommunikaciya tiykarǵı másele. Sol sebepli, Ekonomika hám qarjı ministrligine infrastruktura ushın zárúr qarjı ajıratıw, wálayat hákimlerine jańa massivlerde ishki jollardı qurıw boyınsha kórsetpeler berildi.
Eski turaq jaylar kóp bolǵan qalalarda renovaciya baǵdarlamasına talap artıp atır. Mámleketimiz basshısı bunıń huqıqıy tiykarı bolıwı kerek ekenin atap ótip, «Renovaciya haqqında»ǵı nızam joybarın islep shıǵıwdı usınıs etti.
Jáne bir másele – búgingi kúnde kóp jerlerdegi qurılıslar olardıń infrastrukturasınıń quwatlılıǵına sáykes emes. Mısal ushın, Tashkent qalasınıń xalqı hár jılı 100 mıńǵa kóbeymekte, jılına qosımsha 20 mıń shańaraqqa mútájlik bar. Qala aqaba suw tazalaw imaratları quwatlılıǵınan biraz artıq júkleme menen islep atır.
Sonıń ushın endi suw, aqaba, elektr, gaz, jol infrastrukturasın jaqsılawǵa investor-developerler de tartılatuǵını múmkin ekeni aytıldı.
Tórtinshiden, usı jılı 90 mıń turaq jay rejesi qurılıs materialları kárxanaları ushın úlken bazar. Biraq, temir-beton islep shıǵarıwshı 3 mıńǵa shamalas kárxananıń yarımında laboratoriya joq ekeni atap ótildi.
Prezidentimiz bul ónimler turaq jaylardıń sapasına tásir etiwshi tiykarǵı faktor ekenin atap ótip, barlıq usınday kárxanalarda zamanagóy laboratoriyalardı shólkemlestiriw talabın qoydı.
Keyingi aylarda dúnya júzinde de, regionımızda da seysmologiyalıq belsendilik baqlanıp atır. Sol sebepli 1-maydan baslap, qurılıs mólsherlengen maydanda injenerlik-geologiyalıq ekspertiza ótkeriw májbúriy bolatuǵını, seysmologiyalıq qáwipsizlik talapları joqarı bolǵan imarat-obektler tek ǵana reytingi bálent kárxanalar tárepinen qurılatuǵını belgilendi.
Mámleketimiz basshısı qalalardıń drenaj sistemasında júzege kelip atırǵan mashqalalarǵa da toqtap, onı sheshiw boyınsha juwapkerlerge tapsırmalar berdi.
– Ipoteka – hám sociallıq, hám ekonomikalıq jaqtan áhmiyetli másele. Sonıń ushın qurılıs jumısların jedellestirip, xalqımızǵa turaq jaylardı sapalı etip tapsırıw kerek, – dedi Shavkat Mirziyoev.
Májiliste dodalanǵan máseleler boyınsha Bas ministr hám onıń orınbasarları, ministrler hám hákimler málimleme berdi.