Joqarǵı Keńes Baslıǵı Ellikqala rayonınıń kóshe biyleri menen jaqınnan pikirlesti
1172
Xalqımız arasında kóshe biyleriniń ornı, atqaratuǵın xızmeti hám abıroyı salmaqlı bolıp kelgen. Ózleriniń danalıǵı, kópshilikke gápi ótimliligi menen de olar ajıralıp turatuǵın bolǵan.
Búgin Joqarǵı Keńes Baslıǵı Amanbay Orınbaev Ellikqala rayonındaǵı kóshe biyleri menen ushırastı.
Búgingi ótkerilgen ushırasıw da ashıq-aydın sóylesiw usılında bolıp, kóshe biyleri menen jaqınnan sóylesildi hám sheshimin kútip turǵan áhmiyetli máseleler átirapında pikirlesildi.
Dáslep Joqarǵı Keńes Baslıǵı shıǵıp sóylep, sonǵı jılları húrmetli Prezidentimiz basshılıǵında elimizde ámelge asırılıp atırǵan reformalar, keń kólemli qurılıs-ońlaw hám abadanlastırıw jumısları haqqında keń túrde atap ótti.
Sonday-aq, húrmetli Prezidentimizdiń Qaraqalpaqstanǵa bolǵan saparında ayrıqsha respublikamız xalqı turmısın jaqsılaw baǵdarında bir qatar áhmiyetli baslamalardı kótergeni, usı baslamalar qatarında, Qaraqalpaqstan máhállelerin abat etiw, suw, jol, elektr támiynatın jaqsılaw, mektep, baqsha hám medicina punktlerin qurıw hám ońlaw ushın 452 máhálleniń hár birine tikkeley 500 million sumnan qosımsha qarjı ajıratılatılǵanlıǵı, onıń ushın óz aldına Qaraqalpaqstan máhállelerin qollap-quwatlaw qorı shólkemlestirilip, oǵan usı jılı 250 milliard sum baǵdarlanatuǵınlıǵı boyınsha atap ótildi.
Endigiden bılay mashqala máhálleniń ózinde kóterilip, máhálle aqsaqalları, belsendiler, kóshe biyleri hám puqaralardıń qálewi menen sol máhálleniń ózinde sheshim tabıw imkaniyatına iye boladı. Máhálledegi bir qatar eń áhmiyetli máseleler óz sheshimin tabadı.
Bunnan tısqarı, kadastrı joq 47 mıń turaq jay hám kóshpes múlkler boyınsha tiyisli hújjetler islep beriletuǵınlıǵı, xalıqtıń talabın inabatqa alıp, usı jılda 4 mıń turaq jay qurılıwı, oǵan qosımsha zamanagóy joybar tiykarında 4 mıń jeke tártiptegi turaq jaylardı qurıwǵa 4 sotixdan jer ajıratılıwı belgilep berildi.
Ótkerilgen ushırasıwda usı sıyaqlı xalıqtıń abadan turmısın támiyinlew baǵdarındaǵı turmısqa engizilip atırǵan jańalıqlar, túpkilikli reformalar keń túrde sóz etildi.
Óz náwbetinde kóshe biyleri bul baǵdardaǵı jumıslardı ámelge asırıwda belsendilik kórsetetuǵınlıǵın atap ótip, búgingi kúndegi ózgeris hám jańalanıwlar hár bir máhállege kirip barıp atırǵanlıǵı ushın Prezidentimizge, respublika basshılarına minnetdarshılıǵın bildirdi.
Haqıyqatında da, xalqı miynetkesh hám haqkewil Ellikqala rayonında túrli millet hám elat wákilleri tınıshlıqta, awızbirshilikli túrde tatıw turmıs keshirip kelmekte. Búgingi jetiskenlikler menen bir qatarda, máhállelerde ayırım sheshimin tabıwın kútip turǵan mashqalalar da barshılıq.
Joqarǵı Keńes Baslıǵı menen ótkerilgen ushırasıwda kóshe biyleri bul máselelerdi sheshiwde awızbirshilikli túrde háreket etilse, álbette maqsetke erisiletuǵınlıǵın ayrıqsha tilge aldı.
Ótkerilgen ushırasıw dawamında kóshe biyleri tárepinen áhmiyetli máseleler hám usınıslar kóterilip, olardıń barlıǵı Joqarǵı Keńes Baslıǵınıń jeke qadaǵalawına alındı.
Ótkerilgen ushırasıwda usı sıyaqlı xalıqtıń abadan turmısın támiyinlew baǵdarındaǵı turmısqa engizilip atırǵan jańalıqlar, túpkilikli reformalar keń túrde sóz etildi.
Óz náwbetinde kóshe biyleri bul baǵdardaǵı jumıslardı ámelge asırıwda belsendilik kórsetetuǵınlıǵın atap ótip, búgingi kúndegi ózgeris hám jańalanıwlar hár bir máhállege kirip barıp atırǵanlıǵı ushın Prezidentimizge, respublika basshılarına minnetdarshılıǵın bildirdi.
Haqıyqatında da, xalqı miynetkesh hám haqkewil Ellikqala rayonında túrli millet hám elat wákilleri tınıshlıqta, awızbirshilikli túrde tatıw turmıs keshirip kelmekte. Búgingi jetiskenlikler menen bir qatarda, máhállelerde ayırım sheshimin tabıwın kútip turǵan mashqalalar da barshılıq.
Joqarǵı Keńes Baslıǵı menen ótkerilgen ushırasıwda kóshe biyleri bul máselelerdi sheshiwde awızbirshilikli túrde háreket etilse, álbette maqsetke erisiletuǵınlıǵın ayrıqsha tilge aldı.
Qaraqalpaqstan Respublikası Joqarǵı Keńesiniń Málimleme xızmeti